Jo 32:13 - Sơ̆p Hlabơar Nơ̆r 'Bok Kei-Dei

¹³ Thoi noh, tơdrong Kră Yang hil mĭl dêh kơ lu adrĕch bơngai Isơrael, na sư ăn kơ lu đe noh yak thông huang lăm char glă noh puăn-jĭt sơnăm, dĭng mă đĭ-đăng jơhnơr lu bơngai pơm kơnê̆ 'bơ̆t anăp Kră Yang lôch đĭ.

Jo 32:13 Iomraidhean Croise

Horiso 107:4

Lu sư oei chă yak tơ lăm char 'blach. Yak trong bri brah chă trong wă mơ̆t oei tơ pơlei ưh kơ 'bôh,

Horiso 78:33

Thoi noh Sư pơm kơ 'năr lu sư hiong đĭ ưh kơ yua. Pơm kơ khei sơnăm lu sư hiong tôch lăm tơdrong hli krưp.

Horiso 95:10

Lăm puăn-jĭt sơnăm Inh hil mĭl dêh kơ adrĕch adrung noh; Inh khan: “Noh minh adrĕch đei jơhngơ̆m yoch păng lu sư ưh kơ băt trong inh;”

Le 16:35

Kon pơlei Isơrael sa mana lăm puăn-jĭt sơnăm, tơ̆p truh tơ lu sư mơ̆t oei tơ dêh Kanaan.

Am 2:10

Inh kư̆m chông iĕm lĕch đơ̆ng dêh Êyiptơ păng chông ba lu iĕm kơplah puăn-jĭt sơnăm lăm char glă wă ăn kơ lu iĕm đei teh jang sa đơ̆ng bơngai Amôrit.

Am 2:9

Mă-lei ră, inh pơrăm boih bơngai Amôrit 'bơ̆t anăp lu sư, khŭl bơngai mă tih kơjung dang 'long Sêđar păng pran thoi tơm 'long kôih. Inh pơrăm boih lu plei sư kơpal păng rơh lu sư tơ ala sŭng.

Jo 14:32

Bĕ lu iĕm akâu lu iĕm gô pơ̆k lôch tơ lăm char glă 'nâu.

I Kor 10:5

'Bok Kei-Dei tơgŭm lu sư dang noh ră mă-lei lu sư ưh kơ lui tơpă ôh, na 'Bok Kei-Dei ưh kơ lăp đon kơ lu sư. Thoi noh na 'Bok Kei-Dei ăn kơ lu sư lôch rah kơplah lu sư oei tơ char glă.

Both 2:7

Yua kơ Kră Yang 'Bok Kei-Dei iĕm ăn pŭn hiôk dôm tơdrong jang đơ̆ng tơpang ti iĕm pơm; Sư băt boih kơ tơdrong lu iĕm năm rok char glă să âu, lăm puăn-jĭt sơnăm 'nâu, Kră Yang 'Bok Kei-Dei iĕm oei hăm iĕm boih; huay kơ kơ'bah kiơ ôh.

Lu 2:14

Kră Yang blĕk kơ bơngai Isơrael păng pơjao lu sư ăn kơ lu bơngai tơgar iŏk mŭk tơmam lu sư, na lu bơngai Isơrael ưh kơ gơh pơm kiơ kơ lu bơngai ayăt areh kơ lu sư.

Lu 2:20

Yua kơ thoi noh Kră Yang blĕk kơ bơngai Isơrael păng Sư khan thoi âu: Yua kơ lu bơngai âu ưh kơ chu kiơ̆ nơ̆r Inh pơkă kơ yă 'bok lu sư păng lu sư kư̆m ưh kơ chu mơ̆ng kiơ̆ nơ̆r Inh khan,