Jo 31:8 - Sơ̆p Hlabơar Nơ̆r 'Bok Kei-Dei

⁸ Lu sư kư̆m pơlôch pơđăm 'nu pơtao Madian hơdai hăm lu bơngai mă lu sư đei pơlôch boih, anăn pơđăm 'nu pơtao noh, Êwi, Rêkem, Sur, Hur păng Reba, kư̆m iŏk đao pơlôch Balaam, kon drŏ-nglo Bêôr.

Jo 31:8 Iomraidhean Croise

Horiso 10:2

Lu bơngai kơnê̆, hăm tơdrong pơang lu sư druh lu dơnuh răm; Ăn kơ lu sư 'leh lăm hơđong mă lu sư đăk.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Tơdrông Pơđơk 11:3

Tơdrong 'lơ̆ng lu bơngai tơpăt băt dui ba lu sư. Mă-lei tơdrong hơlĕnh pơdăr lu bơngai kơnê̆ gô pơrăm lu sư.

Tơdrông Pơđơk 13:17

Bơngai pơtruh tơdrong kơnê̆ gô tơ'bơ̆p tơdrong răm. Mă-lei bơngai pơtruh tơpăt băt ba tơdrong ming klaih jĭ.

Habakuk 3:7

Inh 'bôh anih oei char Kusan đei tơdrong pơmat-tat. Anih hnam char Midian tơdrŏ pơpơ̆.

Jo 22:10

Balaam tơl Kră Yang 'Bok Kei-Dei, “Balak kon drŏ-nglo Sipôr pơtao char Môap wơh lu sư năm tơ inh, khan,

Jo 22:4

Lu bơngai Môap khan kơ lu kră pơgơ̆r char Madian; Dang ei lu kon pơlei lơ noh gô sa pơđĭ dôm tơmam sa tăp dăr kơ bơ̆n thoi rơmo sa 'nhĕt lăm mir. Kơplah noh, Balak kon drŏ-nglo Sipôr pơm pơtao char Môap.

Jo 22:5

Sư wơh minh 'nu bơngai năm tơ Balaam, kon drŏ-nglo Bêôr tơ pơlei Pêthôr jê̆ đak krong lăm char adrĕch adrung 'bok sư, wă krao sư păng khan: Lăng deh đei minh khŭl kon pơlei 'nao lĕch đơ̆ng dêh char Êyiptơ lơ 'bĕnh jơ̆p-jang kơ teh oei jê̆ tơklă anăp inh.

Jo 23:10

Bu kĕ jô̆ 'bruih chuơh Jakôp? Bu kĕ jô̆ minh lăm puăn lu adrĕch Isơrael? Lu bơngai tơpăt lôch thoi yơ ăn kơ inh lôch thoi lu sư? Năr tôch kơ lu bơngai tơpăt thoi yơ inh hơpơi năr tôch kơ inh thoi noh!

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Jo 24:25

Balaam wih brŏk tơ tơring sư kơdih. Balak kư̆m wih brŏk mơ̆n.

Jo 25:15

Bơngai drŏ-kăn Madian đe 'bet lôch hơdai noh, anăn Kôsbi kon drŏ-kăn Sur, yŏng kơdră kơ minh adrĕch bơngai Madian.

Jo 25:18

Yua kơ lu sư pơrŭng pơm kơ iĕm, pơhlŭ lu iĕm kơkuh kơ yang Pêôr păng lăm tơdrong Kôsbi, kon drŏ-kăn yŏng kơdră adrĕch Madian, mŏ lu sư đe pơlôch lăm năr đei tơdrong jĭ truh lôch rŭng, yua kơ kơkuh kơ yang Pêôr.

Jo 31:16

To, lu sư noh boih mă kiơ̆ đon hơlĕnh Balaam pơhlŭ kon pơlei Isơrael pơm yang kơkuh kơ Pêôr păng yoch tih 'bơ̆t anăp Kră Yang; đơ̆ng tơdrong yoch noh boih pơm ăn kơ kon pơlei Isơrael đei tơdrong gleh truh,

Jo 31:9

Lu bơngai Isơrael rôp ba lu bơngai drŏ-kăn păng lu kon hơ'lơ̆p Madian, rôp iŏk đĭ lu sem dơrong, triu păng đĭ-đăng tơmam mŭk măk lu sư.

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.

Tơdrông Tơ'bôh 19:20

Na gah sem brem mă kơnê̆ ei păng sem brem mă 'bar mă gơh pơm tơdrong hlĭch chrơp, wă kơ kon pơlei pơla lui kơ tơdrong sư pơm noh na chơ̆m đŏng yâu sem brem kơnê̆ tơ klĕng lu bơngai mă kơkuh kơ rup sư noh, gah bre sư 'Bok mă hao aseh păng lu linh Sư blah rôp tơhuŏng hloi bre sư oei arih tơ dơnâu ŭnh.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.