Jo 31:23 - Sơ̆p Hlabơar Nơ̆r 'Bok Kei-Dei

²³ wă khan dôm lu tơmam mă gơh 'buh lăm ŭnh, lu iĕm athei 'buh lăm ŭnh wă kơ goh, mă-lei đe kư̆m yua đak wă ôp sư rơgoh, gah tơmam kiơ mă ưh kơ gơh kơ 'buh lăm ŭnh, athei tong sư lăm đak ôp 'mê̆-'mach.

Jo 31:23 Iomraidhean Croise

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Le 19:14

Môis jur đơ̆ng kông năm tơ kon pơlei, athei lu sư wei hơmet akâu mă 'lơ̆ng rơgoh păng pih ao tai lu sư.

Êsai 43:2

Tơdah iĕm tŏk kơ đak, inh gô oei hơdai iĕm, tơdah iĕm glơi tŏk kơ đak glung, iĕm huay kơ glơ̆k ôh, tơdah iĕm yak lăm ŭnh iĕm huay kơ pơtŏk, pla ŭnh ưh kơ sa iĕm.

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 15:17

Đĭ-đăng hơbĕn ao păng đĭ-đăng akâu akar sư đêl 'bơm đak kơtăk lĕch noh, athei pih hum hơrao 'nhao hơpĕch lăm đak păng gô jing kơnê̆ 'mê̆-'mach truh kơmăng.

Sa 13:9

Inh gô tah minh puăt lăm pêng noh tơ lăm ŭnh Inh, 'buh lu sư thoi đe 'buh hu, pơlong lăng lu sư thoi đe 'buh maih; lu sư gô ôr krao anăn Inh păng Inh gô tơl tơwih nơ̆r sư; Inh gô khan thoi âu: ‘Noh boih kon pơlei Inh âu.’ Lu sư gô khan: ‘Kră Yang noh Kră Yang 'Bok Kei-Dei inh.’ ”

Jo 19:17

gah bơngai mă 'bơm 'mê̆-'mach, đe iŏk tơnuh rơnok 'buh soh rơmo wă huai đơ̆ng yoch, tah lăm bô̆i păng tuh đaka ro hlăng lăm noh.

Jo 19:9

Minh 'nu bơngai drŏ-nglo rơgoh 'lơ̆ng gô năm kôch iŏk tơnuh rơnok rơmo adruh đơ̆ng đe 'buh noh năm tuh tơ 'nguaih kơ kơđông, 'bơ̆t anih rơgoh; đe athei mong tơnuh rơnok noh kơ adrĕch Isơrael yua wă pơm đak, wă sut rơgoh tơdrong yoch.

Jo 31:22

Hu, maih, kong, bơsei, kem bơlơ̆k,

Jo 31:24

Năr mă tơpơh lu iĕm athei pih hơbĕn ao iĕm, lei na sư goh; đơ̆ng noh na iĕm gơh mơ̆t lăm kơđông.

Jo 8:7

'Nâu boih tơdrong ih athei pơm ăn kơ lu sư rơgoh; iŏk đak rơgoh tơtreh tơ kơpal akâu lu sư wă kơ rơgoh; lu sư athei hơkôih sŏk sop jơ̆p kơ akâu lu sư, pih hơbĕn ao păng hum hơmet akâu kơdih rơgoh.

Mathiơ 3:11

Inh pơm kơ iĕm 'batem păng đak, wă kơ đe băt kơ iĕm tơbral kơdih tơdrong yoch boih. Mă-lei đei minh 'nu 'Bok wă truh đơ̆ng rŏng kơ inh, Sư 'Bok tih tơpă. Dah Sư athei inh chĕp ăn pôm chơkhŏ Sư đĕch, inh kư̆m ưh kơ hơnhŏ 'mơ̆i, ưh kơ pơ̆n ngơk lăng Sư ôh. Sư ei gô pơm kơ iĕm 'batem thoi âu: Sư gô ăn kơ iĕm Yang Bơhngol 'Lơ̆ng pơm kơ iĕm tŭk lê̆ dôm tơdrong kơnê̆ kư̆m thoi ŭnh soh lê̆ hla đuih đăm.

I Kor 3:13

Na mưh truh năr sek tơlang ning-mônh, 'Bok Kei-Dei wă pơlong lăng hnam mă bơ̆n pơm noh hăm kơjăp dah ưh. Tơdrong pơlong noh thoi lĕ kơ ŭnh sa, na sư wă pơlong lăng tơdrong bơ̆n jang kơ Sư hăm yua ưh.

Êphêsô 5:26

wă kơ bơ̆n rơgoh đĭ kơ dôm tơdrong yoch, na pơyơ̆r bơ̆n ăn kơ 'Bok Kei-Dei wei-lăng, yua kơ bơ̆n lui kơ nơ̆r Sư bơtho, truh kơ bơ̆n iŏk 'batem tơmôch akâu bơ̆n tơ lăm đak, dang wă khan tơhoch tŭk tơdrong mơgrĭ boih iŏk tơdrong rơgoh.

I Pet 1:7

Tơdrong gleh 'Bok Kei-Dei wă pơlong lăng tơdrong lui bơ̆n, wă kơ băt bơ̆n lui tơpă dah ưh. Bĭ maih đe kư̆m 'buh pơlong sư tơ ŭnh wă kơ băt sư maih tơpă dah ưh; na tơdrong bơ̆n lui kơ Yêsu Krist kăl hloh kơ maih tơpă, yua kơ maih sư gô hiong răm. Na bơ̆n kon bơngai trŏ kơ 'Bok Kei-Dei pơlong lăng tơdrong lui bơ̆n wă kơ bơ̆n lui kơjăp, na Sư gô bơnê kơ bơ̆n, hăm ăn kơ bơ̆n hiôk kơplah năr Yêsu Krist jur ning-mônh.

I Pet 3:21

Dang ei kư̆m lei-lăi thoi noh, bơ̆n gơnang kơ Yêsu Krist iung arih đơ̆ng lôch păng bơ̆n iŏk 'batem tơ đak wă kơ klaih đơ̆ng tơdrong phak. Ưh kơ sĭ bơ̆n iŏk 'batem wă ôp 'nhao rơgoh akâu bơ̆n mơgrĭ ôh. Bơ̆n iŏk 'batem wă pơtih gia kơ tơdrong bơ̆n apinh 'Bok Kei-Dei ăn kơ bơ̆n lê̆ đĭ tơdrong yoch jing bơngai 'lơ̆ng.

I Pet 4:12

Ơ lu 'nhŏng oh mă inh 'mêm kơeng, iĕm đei boih tơdrong gleh truh wă pơlong lăng tơdrong lui iĕm, mă iĕm 'nĕ kơ lăng hlĭch tơdrong kiơ hŏ, yua kơ tơdrong noh gô truh rim 'nu kơ lu bơngai lui.

Tơdrông Tơ'bôh 3:18

Thoi noh na Inh wă kơ iĕm răt iŏk maih mă đêl Inh pơlong 'buh tơ ŭnh boih, wă kơ iĕm mơdrŏng păng răt iŏk hơbĕn ao kok đơ̆ng Inh, hrŭk bĕ, wă huay mơlâu kơ đe yua kơ iĕm akâu hoh; răt pơgang jĭ măt pik wă kơ klaih gơh 'bôh hơdah.