Jo 31:16 - Sơ̆p Hlabơar Nơ̆r 'Bok Kei-Dei

¹⁶ To, lu sư noh boih mă kiơ̆ đon hơlĕnh Balaam pơhlŭ kon pơlei Isơrael pơm yang kơkuh kơ Pêôr păng yoch tih 'bơ̆t anăp Kră Yang; đơ̆ng tơdrong yoch noh boih pơm ăn kơ kon pơlei Isơrael đei tơdrong gleh truh,

Jo 31:16 Iomraidhean Croise

Tơdrông Pơđơk 23:27

Yua kơ drŏ-kăn đi thoi sơlŭng jrŭ Păng drŏ-kăn luĕl 'blal thoi sơlŭng hrăt.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Jo 24:14

'Nâu, dang ei adrol kơ inh wih brŏk tơ kon pơlei inh kơdih. Năm tơ âu bĕ, inh gô roi ăn kơ ih băt lu kon pơlei âu gô pơm kiơ kơ lu kon pơlei ih ning-mônh.

Jo 25:18

Yua kơ lu sư pơrŭng pơm kơ iĕm, pơhlŭ lu iĕm kơkuh kơ yang Pêôr păng lăm tơdrong Kôsbi, kon drŏ-kăn yŏng kơdră adrĕch Madian, mŏ lu sư đe pơlôch lăm năr đei tơdrong jĭ truh lôch rŭng, yua kơ kơkuh kơ yang Pêôr.

Jo 31:8

Lu sư kư̆m pơlôch pơđăm 'nu pơtao Madian hơdai hăm lu bơngai mă lu sư đei pơlôch boih, anăn pơđăm 'nu pơtao noh, Êwi, Rêkem, Sur, Hur păng Reba, kư̆m iŏk đao pơlôch Balaam, kon drŏ-nglo Bêôr.

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

Jôsuê 22:17

Tơdrong yoch Phêô pơm kơ kon pơlei Kră Yang lôch hơbuh truh dang ei lu bơ̆n tam mă pơm rơgoh 'lơ̆ng tơdrong noh ưh tam mah hă?

II Pet 2:15

Lu sư lê̆ trong tơpăt, jing hơwơ̆l rok kiơ̆ trong 'Balam kon Bêhôr. 'Balam ham kơ jên dêh, na sư pơm tơdrong ưh kơ 'lơ̆ng.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.