Jo 3:9 - Sơ̆p Hlabơar Nơ̆r 'Bok Kei-Dei

⁹ Thoi noh ih athei jao dôm lu bơngai Lêwi kơ Arôn păng lu kon drŏ-nglo sư; đĭ-đăng lu sư mă đei rơih iŏk đơ̆ng lăm adrĕch bơngai Isơrael Inh jao boih kơ Arôn.

Jo 3:9 Iomraidhean Croise

I Ho 15:2

Kơplah noh Đawit khan 'nguaih kơ bơngai Lêwi, ưh kơ đei bơngai bu gơh tung Hom Pơgơ̆p Kră Yang 'Bok Kei-Dei, yua kơ Kră Yang 'Bok Kei-Dei rơih iŏk boih lu sư wă tung Hom Pơgơ̆p Kră Yang 'Bok Kei-Dei păng bơ̆jang kơ Kră Yang ling-lang.

I Ho 6:33

'Nâu lu bơngai bơ̆jang hơdai hăm kon drŏ-nglo lu sư: Lăm kon sâu Kôhat: Đei Hêman bơngai gơh hơri, kon drŏ-nglo Jôel, Jôel kon drŏ-nglo Samuel,

Esơra 2:43

Lu bơngai awih awăn lăm Hnam akŭm: Kon sâu Siha, kon sâu Hasupha, kon sâu Tabaôt,

Esơra 6:18

Lu 'bok soi păng lu bơngai Lêwi kiơ̆ kơ khŭl lu sư klah asong wă bơ̆jang kơ Kră Yang 'Bok Kei-Dei tơ Pơlei Jêrusalem, kiơ̆ thoi lăm sơ̆p hla bơar Môis đei chih.

Esơra 8:20

lăm lu bơngai Nêthinim na mă Đawit păng lu kơdră wei-lăng đei song ăn tơgŭm tơdrong jang bơngai Lêwi, đei 'bar-hrĕng 'bar-jĭt 'nu đĕch, đĭ lu sư đei chih tơmơ̆t anăn ngăl.

Jo 16:9

Gah lu iĕm, Kră Yang 'Bok Kei-Dei Isơrael đei 'măn lê̆ iĕm pha boih đơ̆ng khŭl kon pơlei bơngai Isơrael păng ăn kơ lu iĕm gơh năm jê̆ Sư wă bơ̆jang kơ Sư lăm Bơsŭn Kră Yang, wă kơ iĕm bơ̆jang awih awăn 'bơ̆t anăp kon pơlei, tơdrong noh iĕm lăng iĕ dêh hă?

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 3:8

Kŭm wă wei-lăng đĭ-đăng dôm tơmam lăm Bơsŭn Anih Akŭm păng đĭ tơmam kiơ mă đơ̆ng adrĕch bơngai Isơrael jao wă yua lăm Bơsŭn Anih Akŭm Kră Yang.

Jo 8:14

Thoi noh ih athei rơih 'măn lê̆ lu bơngai Lêwi đơ̆ng lăm lu bơngai Isơrael, lu bơngai noh gô jing gah Inh.

Jo 8:16

Yua kơ Inh rơih iŏk lu bơngai Lêwi kơ Inh kơdih, wă tơplih lu kon kơdră bơngai Isơrael.

Jo 8:18

Păng Inh kư̆m rơih iŏk lu bơngai Lêwi tơplih kơ kon kơdră lu bơngai Isơrael.

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.

Êphêsô 4:11

Na jô̆ gah tơdrong Sư asong kơ lu bơngai mă Sư 'mêm, Sư asong ăn tơdrong jang Sư, mơ'nah pơm jơ̆ng 'bang Sư, mơ'nah chă pơtruh nơ̆r Sư, mơ'nah pơm 'bok bơtho năm chă bơtho đe, mơ'nah pơm 'bok bơtho wei-lăng lu bơngai lui kơtă pơlei.

Êphêsô 4:8

Tơdrong 'noh kư̆m thoi đe chih khan lê̆ tơ lăm sơ̆p hla bơar 'Bok Kei-Dei sơ̆ thoi âu: “Lăp Sư tŏk tơ plĕnh ti Sư anhăk ba lơ lu bơngai bơnă mă đêl ayăt kơ Sư, păng Sư asong tơmam ăn kơ dôm lu bơngai mă Sư 'mêm.”