Jo 3:7 - Sơ̆p Hlabơar Nơ̆r 'Bok Kei-Dei

⁷ Lu bơngai Lêwi gô awih awăn kơ sư păng awih awăn bơ̆jang kơ lu kon pơlei akŭm hơdai lăm Bơsŭn Anih Akŭm, anih kơkuh kơ Kră Yang.

Jo 3:7 Iomraidhean Croise

I Ho 26:20

Lăm lu bơngai Lêwi mơ'nah wei-lăng hnam 'măn tơmam, hnam Kră Yang 'Bok Kei-Dei păng anih tah lu tơmam rơgoh.

I Ho 26:22

Lu kon drŏ-nglo Jehieli noh Sêtham, păng Jôel oh sư đĭ-đăng lu sư jang wei-lăng hnam tah tơmam lăm hnam Kră Yang.

I Ho 26:26

Sêlômit păng 'nhŏng oh sư wei-lăng hnam 'măn lu tơmam gĭt đơ̆ng pơtao Đawit, lu bơngai yŏng kơdră adrĕch adrung, yŏng pơgơ̆r minh-rơbâu linh păng minh-hrĕng linh, hăm lu yŏng linh nai đei pơyơ̆r.

Lêwi 8:35

Thoi noh iĕm athei oei kơtă tơ 'măng Bơsŭn Anih Akŭm măng păng 'năr, kơtĕch lăm tơpơh năr, pơm thoi Kră Yang đei pơkă boih kơnh hli kơ lu iĕm lôch, yua kơ Sư đei tơtă kơ inh thoi noh.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 3:32

Yŏng pơgơ̆r tih hloh lu adrĕch bơngai Lêwi noh Êlêasar, kon drŏ-nglo Arôn 'bok soi tơm; sư jao ăn kơ Êlêasar wei-lăng păng pơgơ̆r lu bơngai bơ̆jang lăm anih rơgoh.

Jo 3:8

Kŭm wă wei-lăng đĭ-đăng dôm tơmam lăm Bơsŭn Anih Akŭm păng đĭ tơmam kiơ mă đơ̆ng adrĕch bơngai Isơrael jao wă yua lăm Bơsŭn Anih Akŭm Kră Yang.

Jo 31:30

Mă oei minh puăt noh ăn kơ adrĕch Isơrael, mă bơngai, rơmo, aseh iĕ, dah triu, wă khan lu kon sem dơrong, ih kư̆ iŏk mưh đei pơđăm-jĭt ih iŏk minh 'măn lê̆ pha păng jao ăn kơ adrĕch Lêwi bơngai jang lăng Bơsŭn Anih Akŭm Kră Yang.

Jo 8:11

Đơ̆ng noh, Arôn gô pơyơ̆r lu bơngai Lêwi 'bơ̆t anăp Kră Yang jing tơmam soi đơ̆ng lăm adrĕch Isơrael pơyơ̆r tơpơng 'ma 'ngiĕo, wă kơ lu sư bơ̆jang kơ Kră Yang.

Jo 8:15

Đang kơ dôm tơdrong noh, lu bơngai Lêwi pha gô bơ̆jang lăm Bơsŭn Anih Akŭm. Na ih athei pơm ăn kơ lu sư rơgoh păng pơyơ̆r lu sư thoi tơmam soi pơyơ̆r tơpơng 'ma 'ngiĕo.