Jo 3:10 - Sơ̆p Hlabơar Nơ̆r 'Bok Kei-Dei

¹⁰ Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Jo 3:10 Iomraidhean Croise

II Sam 6:7

Kră Yang hil dêh kơ Usa, yua kơ sư rôp pel 'bơm Hom pơgơ̆p noh; Kră Yang 'Bok Kei-Dei pơlôch hloi sư 'bơ̆t anih 'noh 'bơ̆t cheng Hom pơgơ̆p Kră Yang 'Bok Kei-Dei.

I Pot 12:31

Jêrôbôam kư̆m đei pơm lơ hnam yang tơ kơpal anih kơjung păng sư rơih bơngai đơ̆ng lăm kon pơlei mă ưh kơ khŭl Lêwi, athei lu sư pơm 'bok soi.

I Ho 6:32

Lu sư bơ̆jang hơri bơnê 'bơ̆t anăp anih akŭm dĭng truh tơ pơtao Sôlômôn man keh, hnam akŭm kơkuh Kră Yang tơ Jêrusalem: Rim 'nu kơ lu sư bơ̆jang kiơ̆ tơdrong jang mă đei pơjao.

Ne 6:11

Inh khan: Minh 'nu bơngai thoi inh âu wă kơdâu ôn hă? Bơngai bu thoi inh âu mơ̆t lăm hnam akŭm na mă gơh arih hă? Inh ưh kơ mơ̆t ôh.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Lêwi 22:10

Minh 'nu bơngai tơmoi ưh kơ gơh sa tơmam rơgoh 'lơ̆ng ôh, bơngai tơmoi chă oei lăm hnam 'bok soi dah bơngai chă jang mưng kơ đe kư̆m ưh kơ gơh sa tơmam rơgoh 'lơ̆ng.

Jo 1:51

Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Jo 16:10

Kră Yang krao ih păng đĭ-đăng 'nhŏng oh ih kon sâu Lêwi năm jê̆ Sư, lu iĕm oei chă tơdrong jang thoi 'bok soi dơ̆ng hă?

Jo 16:35

Đơ̆ng noh, đei ŭnh đơ̆ng Kră Yang dơhlông sa pơđĭ 'bar-hrĕng pơđăm-jĭt 'nu lu bơngai drŏ-nglo mă đei soh pơyơ̆r tơmam 'bâu phu.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 18:3

Lu sư gô bơ̆jang wei-lăng kiơ mă ih jao ăn, tơdrong jang kiơ mă lăm Bơsŭn; mă-lei lăp ưh kơ gơh năm jê̆ lu tơmam 'lơ̆ng rơgoh, kư̆m ưh kơ gơh dơ̆ng jê̆ chơnang soi đĕch, kơnh hli kơ lu sư lôch păng lu iĕm kư̆m lôch hai mơ̆n.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 3:11

Kră Yang khan kơ Môis thoi âu:

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

Rom 12:7

Dah Sư ăn kơ bơ̆n hơgei gah tơdrong tơgŭm đe, bơ̆n kư̆ kơ jang tơdrong noh. Dah Sư ăn kơ bơ̆n hơgei gah tơdrong bơtho, bơ̆n kư̆ adrin bơtho đe.

Êphêsô 2:19

Thoi noh nhôn lăng iĕm dang ei ưh pă thoi tơmoi nai boih, nhôn lăng iĕm thoi 'nhŏng oh pôm pơlei pơla, yua kơ bơ̆n jing kon 'Bok Kei-Dei ngăl boih.

Both 18:5

Yua kơ Kră Yang 'Bok Kei-Dei hlôi rơih boih lu sư adrĕch Lêwi đơ̆ng lăm lu bơngai Isơrael wă kơ lu sư oei păng bơ̆jang kơ Kră Yang sư păng lu kon drŏ-nglo sư ling-lang ưh kơ layơ tôch.

Hêbrơ 8:4

Tơ̆ng Yêsu oei tơ teh, đe ưh kơ ăn Sư pơm 'bok soi ôh, kơlih kơ Sư adrĕch adrung kon sâu bơngai nai, ưh kơ trŏ kơ adrĕch adrung lu bơngai noh. Lu bơngai noh lu sư adrĕch adrung 'bok Lêwi, lu sư soi kiơ̆ kơ tơdrong juăt 'Bok Kei-Dei pơkă sơ̆.

Lu 17:5

Mika kư̆m pơm hnam kơkuh kơ yang; sư pơm minh blah ao êphot păng dôm tŏ yang; sư pơk ăn kơ kon drŏ-nglo sư pơm 'bok soi.

I Sam 6:19

Kră Yang phak kon pơlei Bêt Sêmes yua kơ lu sư pơih lăng tơ lăm Hom Pơgơ̆p Kră Yang. Sư pơlôch tơpơh-jĭt 'nu lăm lu sư. Kon pơlei nhơ̆m hmoi yua kơ Kră Yang phak lu sư tih tơpă.