Jo 29:7 - Sơ̆p Hlabơar Nơ̆r 'Bok Kei-Dei

⁷ Năr mơjĭt lăm khei tơpơh 'nâu, lu iĕm akŭm hơdai 'lơ̆ng rơgoh tih, lu iĕm athei pơjuăt pơmat akâu iĕm kơdih, a lu iĕm ưh kơ gơh jang minh tơdrong kiơ gah sĕch akar ôh.

Jo 29:7 Iomraidhean Croise

Esơra 8:21

Tơ jê̆ đak krong Ahawa, inh athei đĭ-đăng ơ̆t kơ sŏng sa, wă kơ bơ̆n drap kơkuh 'bơ̆t anăp Kră Yang 'Bok Kei-Dei lu bơ̆n, krao apinh sư tơ'bôh ăn kơ bơ̆n kon sâu lu bơ̆n păng tơmam bơ̆n đei hiôk-hian kơplah bơ̆n yak rok trong.

Horiso 35:13

Gah inh 'bơ̆t năr sư jĭ, inh hrŭk 'bi. Ơ̆t kơ por pơmat akâu inh Nơ̆r inh krao khan ưh kơ đei tơl tơwih.c

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Sa 12:10

“Inh gô tuh Yang Bơhngol tơdrong pŭn hiôk păng tơdrong krao apinh kơ hnam Đawit păng kơ lu kon pơlei Jêrusalem; lu sư gô lăng tơ Inh jơ̆ Kră Yang mă đêl lu sư 'bet boih; păng lu sư gô nhơ̆m hmoi, nhơ̆m hmoi thoi 'mêm kơ kon dăm lôch, lu sư gô oei lăm tơdrong chhŭr nuih, thoi lu bơngai mă đei tơdrong chhŭr nuih ơh sơ'ngon yua kơ kon kơdră lu sư hiong.

Sa 7:3

păng pơma hăm lu 'bok soi lăm hnam akŭm 'Bok Kei-Dei păng hăm lu 'bok khan lê̆ adrol thoi âu: “Inh hăm pă nhơ̆m hmoi păng ngôi adrô̆ lăm khei pơđăm thoi inh ngăl juăt kơ đei pơm boih lăm lơ sơnăm noh sơ̆?”

Mathiơ 5:4

“Pŭn dêh lu bơngai mă ơh sơ'ngon, 'Bok Kei-Dei wă pơlung lu sư.

Luka 13:3

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.

Luka 13:5

Ưh kơ trŏ ôh. Mă-lei dah lu iĕm ưh kơ tơbral kơdih tơdrong yoch, lei đĭ-đăng kơ lu iĕm kư̆m lôch lei-lăi thoi lu sư mơ̆n ning-mônh.”

Jang 27:9

Nhôn oei tơ ei kư̆m đunh 'biơ̆ mơ̆n. Năr giĕng đe Juđê đang boih, na kơplah 'noh thŏng-nan năm kơpal đak dơsĭ hơmơt dêh yua kơ kial hơbŭt. Na Pôl khan kơ lu đe ei thoi âu:

Rom 6:6

Sơ̆ bơ̆n akâu so, mă-lei dang ei dang đe pơ̆ng pơlôch bơ̆n hơdai hăm Yêsu tơ 'long pơglang boih, wă tơhiong đĭ dôm tơdrong so na mă bơ̆n gơh rơngei đơ̆ng tơdrong yoch.

I Kor 9:27

Inh adrin pơm jơhngơ̆m chơ̆n kuă ăn akâu inh pơm yoch, hli kơ inh bơtho đe, đe lui mơ̆n, mă akâu inh kơdih hiong tơdrong apah.