Jo 29:39 - Sơ̆p Hlabơar Nơ̆r 'Bok Kei-Dei

³⁹ Noh boih mă tơmam soi lu iĕm athei soi pơyơ̆r ăn kơ Kră Yang lăm năr iĕm soi sơmah tih, wă pơm tơmam soi 'buh, tơmam soi pơyơ̆r phe 'ba, tơmam soi huch păng tơmam soi pơyơ̆r 'blŏk bơnê hiôk-hian, 'nguaih kơ tơmam soi mă đêl pơkă păng lu tơmam soi pơyơ̆r hăm jơhngơ̆m hiôk lu iĕm.

Jo 29:39 Iomraidhean Croise

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

II Ho 31:14

Kôrê kon drŏ-nglo Imna, bơngai Lêwi bơngai wei 'Măng Jang Hơlĕch, sư yŏng wei-lăng tơmam đe pơyơ̆r kơ Kră Yang 'Bok Kei-Dei hăm jơhngơ̆m hiôk păng lu tơmam 'lơ̆ng rơgoh.

II Ho 31:3

Pơtao ăn tơmam soi sư kơdih wă pơyơ̆r pơm tơmam soi 'buh kiơ̆ pơgê kiơ̆ kơsơ̆, lăm năr giĕng Sa'bat, năr khei tơ'bang blŭng-a păng lăm lu năr giĕng tih kiơ̆ thoi đei chih răk lăm sơ̆p hla bơar khôi juăt Kră Yang.

Esơra 3:4

Lu sư kư̆m bơwei giĕng bơsŭn, kiơ̆ thoi đei chih păng soi pơyơ̆r lu tơmam soi 'buh, kiơ̆ kơ đei hơgăt kơ rim năr.

Esơra 3:5

Đơ̆ng rŏng kơ noh, lu sư soi pơyơ̆r lu tơmam soi 'buh ling-lang, pơyơ̆r lu tơmam soi 'bơ̆t khei tơ'bang păng pơyơ̆r tơmam soi lăm lu năr giĕng tih 'măn năr 'lơ̆ng rơgoh kơ Kră Yang; kư̆m pơyơ̆r lu tơmam soi kiơ̆ kơ rim 'nu đei pơyơ̆r kơ Kră Yang.

Ne 10:33

Gah tơpŭng 'lơ̆ng rơgoh, gah tơmam pơyơ̆r phe 'ba, hơ'bo 'bum, gah tơmam soi pơyơ̆r 'buh juăt kơ pơyơ̆r, gah tơmam soi pơyơ̆r lăm năr Sa'bat, năr blŭng-a lăm rim khei, gah năr kơ̆m giĕng nai, tơmam soi pơyơ̆r huai tơdrong yoch kơ lu kon pơlei Isơrael păng dôm lu adrĕch nai lăm hnam akŭm 'Bok Kei-Dei lu nhôn.

Êsai 1:14

Inh areh dêh kơ lu 'năr khei 'nao, păng dôm tơdrong lu iĕm pơm giĕng, pơm trăp trĭn dêh kơ Inh. Inh pŭ iŏk gleh lap dêh.

Lêwi 23:2

Athei roi bĕ kơ kon pơlei Isơrael: 'Nâu năr pơm giĕng tih đơ̆ng Kră Yang 'Bok Kei-Dei lu iĕm đei pơkă jing năr akŭm 'lơ̆ng rơgoh.

Lêwi 23:28

Năr noh 'nĕ kơ jang minh tơdrong kiơ; yua kơ năr noh wă huai đơ̆ng tơdrong yoch, lăm năr noh wă pơm rơgoh tơdrong yoch iĕm 'bơ̆t anăp Kră Yang 'Bok Kei-Dei lu iĕm.

Lêwi 23:38

'Nguaih kơ bơwei năr pơdơh Sa'bat Kră Yang, lu iĕm athei pơyơ̆r tơmam soi iĕm kơdih, lu tơmam soi pơsĭt nơ̆r pơkă păng tơmam soi 'maih wă. Iĕm juăt kơ pơyơ̆r ăn kơ Kră Yang.

Lêwi 7:11

'Nâu boih tơdrong juăt gah tơmam soi 'blŏk bơnê gô pơyơ̆r kơ Kră Yang.

Am 5:22

Mă khan iĕm pơyơ̆r kơ inh dôm tơmam soi phe 'ba, dah tơmam soi 'buh, inh ưh kơ iŏk ôh; Inh ưh kơ wă lăng ôh dôm lu tơmam soi bơnê hăm rơmo bek đơ̆ng lu iĕm.

Jo 28:2

Tơtă bĕ tơdrong 'nâu hăm lu kon pơlei Isơrael păng khan: Ăn lu iĕm kơchăng jah pơyơ̆r kơ Inh tơmam sa kiơ̆ trŏ kơ đêl nơ̆r Inh tơtă, pơyơ̆r kơ Inh noh tơmam soi 'buh na 'bâu phu truh tơ Inh.

Jo 29:38

Lu iĕm kư̆m athei rôp minh pôm bơbe tơno wă pơm tơmam soi huai đơ̆ng yoch, 'nguaih kơ tơmam soi 'buh mă juăt kơ pơm ling-lang, hăm tơmam soi pơyơ̆r phe 'ba păng tơmam soi huch et hai.

Jo 29:40

Môis roi kơ lu bơngai Isơrael dôm tơdrong mă Kră Yang đei pơkă athei sư.

Jo 6:21

Noh jing tơdrong khôi juăt lu khŭl Nasirit pơm tơdrong wă pơkă pơkăm. Tơmam mă sư soi pơyơ̆r kơ Kră Yang kơ tơdrong jao akâu kơdih kiơ̆ khŭl Nasirit, gô jing thoi sư pơkă 'nguaih kơ tơmam nai mă sư đei pơyơ̆r. Sư athei pơm kiơ̆ trŏ tơdrong juăt jao akâu thoi minh 'nu bơngai khŭl Nasirit.

I Kor 10:31

Na inh tơl iĕm thoi âu: Mă tôm tơdrong bơ̆n sŏng sa nhă đak, mă tôm tơdrong bơ̆n jang pơm tơdrong kiơ, bơ̆n athei băt pơư pơang anăn 'Bok Kei-Dei lăm tôm tơdrong 'noh.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.