Jo 29:2 - Sơ̆p Hlabơar Nơ̆r 'Bok Kei-Dei

² Lu iĕm athei rôp minh pôm kon rơmo dăm; minh pôm triu tơno păng tơpơh tŏ kon triu tơno 'nao minh sơnăm ưh kơ đei jĭ kiơ pơm tơmam soi 'buh, soh pơyơ̆r đei 'nhui 'bâu phu ăn kơ Kră Yang.

Jo 29:2 Iomraidhean Croise

Esơra 3:6

Đơ̆ng năr mă mônh khei tơpơh, lu sư pơtơm soi pơyơ̆r lu tơmam soi 'buh ăn kơ Kră Yang; mă-lei ưh tam mă man hơnă hnam akŭm Kră Yang Pơm Hnam Akŭm.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Jo 28:19

Lu iĕm athei pơyơ̆r kơ Kră Yang 'bar tŏ rơmo dăm păng tơpơh tŏ triu tơno, lăp minh sơnăm, ưh kơ đei rơka, pơm tơmam soi 'buh.

Jo 28:27

Lu iĕm gô rôp 'bar tŏ rơmo dăm, minh pôm triu tơno păng tơpơh tŏ triu kon tơno lăp minh sơnăm, wă pơm tơmam soi 'buh đei 'bâu phu ăn kơ Kră Yang;

Jo 29:1

Lăm năr mônh khei tơpơh, lu iĕm gô đei akŭm hơdai 'lơ̆ng rơgoh; ưh kơ gơh kơ jang minh tơdrong kiơ gah sĕch akar lu iĕm, năr noh năr giĕng hlôm keng.

Jo 29:3

Hơdai hăm tơmam pơyơ̆r phe 'ba iŏk tơpŭng jrâu bơlŭ hăm đak rơmă ôliwơ, pêng lăm mơjĭt êpha kơ rơmo dăm, 'bar lăm mơjĭt êpha kơ triu tơno,

Jo 29:36

athei rôp minh pôm rơmo dăm, minh pôm triu tơno păng tơpơh tŏ kon triu tơno 'nao minh sơnăm, huay kơ đei jĭ kiơ, pơyơ̆r pơm tơmam soi 'buh đei 'nhui 'bâu phu ăn kơ Kră Yang,

Jo 29:8

Lu iĕm athei pơyơ̆r minh pôm rơmo dăm, minh pôm triu tơno păng tơpơh tŏ kon triu tơno 'nao lăp minh sơnăm, ưh kơ đei jĭ kiơ, pơm tơmam soi 'buh pơyơ̆r 'bâu phu ăn kơ Kră Yang.