Jo 29:13 - Sơ̆p Hlabơar Nơ̆r 'Bok Kei-Dei

¹³ Lu iĕm athei rôp mơjĭt-pêng tŏ rơmo dăm, 'bar tŏ triu tơno păng mơjĭt-puăn tŏ kon triu tơno 'nao minh sơnăm, huay kơ jĭ kiơ, pơm tơmam soi 'buh, soh hăm ŭnh đei 'nhui 'bâu phu ăn kơ Kră Yang.

Jo 29:13 Iomraidhean Croise

Esơra 3:4

Lu sư kư̆m bơwei giĕng bơsŭn, kiơ̆ thoi đei chih păng soi pơyơ̆r lu tơmam soi 'buh, kiơ̆ kơ đei hơgăt kơ rim năr.

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Jo 28:11

Năr blŭng-a lăm rim khei, lu iĕm athei pơyơ̆r ăn kơ Kră Yang 'bar tŏ rơmo dăm, minh pôm triu tơno păng tơpơh triu kon tơno 'nao minh sơnăm, ưh kơ đei jĭ kiơ, pơm tơmam soi 'buh.

Jo 28:19

Lu iĕm athei pơyơ̆r kơ Kră Yang 'bar tŏ rơmo dăm păng tơpơh tŏ triu tơno, lăp minh sơnăm, ưh kơ đei rơka, pơm tơmam soi 'buh.

Jo 28:27

Lu iĕm gô rôp 'bar tŏ rơmo dăm, minh pôm triu tơno păng tơpơh tŏ triu kon tơno lăp minh sơnăm, wă pơm tơmam soi 'buh đei 'bâu phu ăn kơ Kră Yang;

Jo 29:12

Lăm năr mơjĭt-pơđăm khei tơpơh lu iĕm athei akŭm tih 'lơ̆ng rơgoh, 'nĕ kơ jang minh tơdrong jang kiơ gah sĕch akar, iĕm athei pơm giĕng bơsŭn kơ Kră Yang lăm tơpơh năr.

Jo 29:14

Tơmam pơyơ̆r phe 'ba, b iŏk tơpŭng jrâu bơlŭ hăm đak rơmă ôliwơ, pêng lăm mơjĭt êpha kơ rim rơmo dăm, 'bar lăm mơjĭt kơ rim triu tơno,

Jo 29:2

Lu iĕm athei rôp minh pôm kon rơmo dăm; minh pôm triu tơno păng tơpơh tŏ kon triu tơno 'nao minh sơnăm ưh kơ đei jĭ kiơ pơm tơmam soi 'buh, soh pơyơ̆r đei 'nhui 'bâu phu ăn kơ Kră Yang.

Jo 29:8

Lu iĕm athei pơyơ̆r minh pôm rơmo dăm, minh pôm triu tơno păng tơpơh tŏ kon triu tơno 'nao lăp minh sơnăm, ưh kơ đei jĭ kiơ, pơm tơmam soi 'buh pơyơ̆r 'bâu phu ăn kơ Kră Yang.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.