Jo 28:6 - Sơ̆p Hlabơar Nơ̆r 'Bok Kei-Dei

⁶ Noh tơmam soi 'buh ling-lang inh đei tơtă kơ iĕm tơ kông Sinai, noh jơ̆ minh tơmam soi pơyơ̆r 'bâu phu ăn kơ Kră Yang.

Jo 28:6 Iomraidhean Croise

II Ho 2:4

Dang ei inh wă pơm hnam kơ Anăn Kră Yang 'Bok Kei-Dei inh, wă 'măn lê̆ Hnam noh kơ Sư, wă soh 'long 'bâu phu 'bơ̆t anăp Sư, dan 'bĕng rơgoh ling-lang, pơyơ̆r tơmam soi 'buh kiơ̆ pơgê păng gah kơsơ̆, păng lăm năr Sa'bat, năr Khei Tơ'bang blŭng-a Khei Tơ'bang, păng lăm lu năr giĕng Kră Yang 'Bok Kei-Dei nhôn; noh bơih minh tơdrong pơkă kơ lu bơngai Isơrael athei kiơ̆ ling-lang hloi.

II Ho 31:3

Pơtao ăn tơmam soi sư kơdih wă pơyơ̆r pơm tơmam soi 'buh kiơ̆ pơgê kiơ̆ kơsơ̆, lăm năr giĕng Sa'bat, năr khei tơ'bang blŭng-a păng lăm lu năr giĕng tih kiơ̆ thoi đei chih răk lăm sơ̆p hla bơar khôi juăt Kră Yang.

Esơra 3:4

Lu sư kư̆m bơwei giĕng bơsŭn, kiơ̆ thoi đei chih păng soi pơyơ̆r lu tơmam soi 'buh, kiơ̆ kơ đei hơgăt kơ rim năr.

Horiso 50:8

Inh ưh kơ chrih ôh tơmam soi ih pơyơ̆r wă khan tơmam soi 'buh ih juăt pơyơ̆r 'bơ̆t anăp Inh.

Le 24:18

Môis mơ̆t tơ tŏk-bŏk hơmơ̆l, tŏk tơ kơpal kông, oei tơ noh lăm puăn-jĭt năr păng puăn-jĭt măng.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Êsêkiên 46:14

Rim pơgê ih athei pơyơ̆r tơmam soi phe ‘ba hơdai hăm tơmam soi noh, minh lăm tơdrâu êpha hăm minh lăm pêng hin đak rơmă wă bơlŭ hăm tơmam soi phe 'ba, wă pơm tơmam soi pơyơ̆r kơ Kră Yang rim năr noh tơdrong juăt ling-lang hlong hloi.

Êsêkiên 46:15

Thoi noh rim pơgê, ih gô pơyơ̆r kon triu, tơmam soi pơyơ̆r phe 'ba păng đak rơmă wă pơm tơmam pơyơ̆r, soi 'buh ling-lang.

Lêwi 27:34

Noh jơ̆ dôm tơdrong nơ̆r tơtă athei đơ̆ng Kră Yang roi khan kơ Môis păng kon pơlei Isơrael tơ kơpal kông Sinai.

Lêwi 6:9

Tơtă bĕ kơ Arôn hăm lu kon drŏ-nglo sư: 'Nâu Jơ̆ tơdrong juăt gah tơmam soi 'buh, tơmam soi 'buh athei dan kơpal ŭnh tơ chơnang soi prăt măng dĭng truh tơ pơgê. Ŭnh kơpal chơnang soi athei wei khơ̆ng hơnơ̆ng.

Am 5:25

Ơ adrĕch Isơrael lu iĕm hăm lah pơyơ̆r tơmam soi kơ inh kơplah lăm puăn-jĭt sơnăm tơ char glă sơ̆ ưh?

Jo 28:5

Hơdai hăm tơmam pơyơ̆r phe 'ba, ih athei pơyơ̆r minh lăm mơjĭt êphaa tơpŭng jrâu bơlŭ hăm minh lăm puăn hinb đak rơmă ôliwơ.

Jo 28:7

Tơmam soi huch noh minh lăm puăn hin tơdrô tơ rim minh pôm kon triu. Ih athei pơyơ̆r tơmam huch păng tơdrô ăn kơ Kră Yang lăm anih rơgoh.

Philip 2:17

Inh băt kơ iĕm lui kơjăp tơpă, na iĕm pơyơ̆r kơ 'Bok Kei-Dei tơmam wă tơgŭm inh. Na tơmam iĕm pơyơ̆r noh dang tơmam đe soi kơ 'Bok Kei-Dei. Na kơnh pơgê tơ̆ng đe mah pơlôch inh, pham inh kư̆m dang đak đe 'măn hơdai tơmam soi iĕm pơyơ̆r noh mơ̆n. Tơ̆ng inh mah lôch tơpă jơhngơ̆m inh hiôk dêh, dang iĕm hiôk kơ pơyơ̆r kơ 'Bok Kei-Dei tơmam.