Jo 28:3 - Sơ̆p Hlabơar Nơ̆r 'Bok Kei-Dei

³ Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Jo 28:3 Iomraidhean Croise

I Ho 16:40

Wă kơ pơyơ̆r tơmam soi 'buh kơ Kră Yang tơ kơpal chơnang soi 'buh ling-lang pơgê hăm kơsơ̆, kiơ̆ thoi đei chih lăm tơdrong juăt Kră Yang pơkă bơih kơ lu bơngai Isơrael.

II Ho 8:13

Sư pơyơ̆r rim năr kiơ̆ kơ Môis pơkă boih pơyơ̆r lăm năr giĕng Sa'bat, năr khei tơ'bang păng pêng kơ̆m giĕng lăm sơnăm noh lu năr giĕng sa 'bĕng ưh kơ đei 'Buih pông, kơ̆m giĕng phĕ kĕch, năr giĕng Bơsŭn.

Esơra 3:5

Đơ̆ng rŏng kơ noh, lu sư soi pơyơ̆r lu tơmam soi 'buh ling-lang, pơyơ̆r lu tơmam soi 'bơ̆t khei tơ'bang păng pơyơ̆r tơmam soi lăm lu năr giĕng tih 'măn năr 'lơ̆ng rơgoh kơ Kră Yang; kư̆m pơyơ̆r lu tơmam soi kiơ̆ kơ rim 'nu đei pơyơ̆r kơ Kră Yang.

Da 11:31

Lu linh mă sư lăp đon, gô iung pơm 'mê̆-'mach kơ anih kơđông rơgoh, iŏk lê̆ tơmam soi 'buh mă juăt kơ pơyơ̆r păng pơm tơdrong kơnê̆, pơm kơ anih noh jing juơ.

Da 12:11

Đơ̆ng chăl mă lê̆ boih dôm tơdrong soi, tơmam soi 'buh mă juăt kơ pơyơ̆r păng tơdrong kơnê̆ 'mê̆ brư̆ jing juơ juŏ gô pơjing ming plơ̆ng dơ̆ng, gô đei minh-rơbâu 'bar-hrĕng tơsĭn-jĭt năr.

Da 8:11

Sư pơm akâu sư rai tih dĭng truh tơ yŏng pơgơ̆r linh; sư iŏk lê̆ tơmam pơyơ̆r đơ̆ng 'bok noh păng anih rơgoh sư tơhuŏng lê̆ tơ teh.

Da 8:13

Đơ̆ng noh inh kơtơ̆ng đei minh 'nu Yang rơgoh oei pơma păng minh 'nu Yang rơgoh nai dơ̆ng pơma dơnuh hăm Yang rơgoh mă oei pơma noh, thoi âu: Tơdrong tơ'bôh âu gah tơmam soi juăt kơ pơyơ̆r âu dang yơ gơh pơyơ̆r dơ̆ng păng gah tơdrong yoch mă đei tơdrong pơrăm, wă jao lu linh păng anih rơgoh wă pơjuă gơhlơ̆r hăm jơ̆ng, dĭng dang yơ đĭ?

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 6:9

Tơtă bĕ kơ Arôn hăm lu kon drŏ-nglo sư: 'Nâu Jơ̆ tơdrong juăt gah tơmam soi 'buh, tơmam soi 'buh athei dan kơpal ŭnh tơ chơnang soi prăt măng dĭng truh tơ pơgê. Ŭnh kơpal chơnang soi athei wei khơ̆ng hơnơ̆ng.

Am 4:4

Năm bĕ tơ pơlei Bethel, na pơm yoch; năm bĕ tơ pơlei Gilgal, na pơm yoch rai thim dơ̆ng! Rim pơgê chĕp ba bĕ tơmam soi lu iĕm păng kư̆ kơtĕch pêng năr pơyơ̆r minh lăm mơjĭt đơ̆ng tơmam lu iĕm!

Jo 28:10

Noh tơdrong tơmam pơyơ̆r 'buh lăm rim năr giĕng Sa'bat, sư 'nguaih kơ tơmam soi 'buh pơyơ̆r ling-lang păng tơmam soi huch hai.

Jo 28:15

'Nguaih kơ tơmam soi 'buh mă juăt kơ pơyơ̆r păng tơmam soi huch hai, kư̆m athei pơyơ̆r ăn kơ Kră Yang minh pôm kon bơbe tơno pơm tơmam soi pơklaih yoch.

Jo 28:23

Lu iĕm athei pơyơ̆r lu tơmam soi 'nâu, 'nguaih kơ tơmam soi 'buh kiơ̆ pơgê, noh tơmam soi 'buh đei hơnơ̆ng.

Jo 28:24

Athei pơyơ̆r rim năr lăm tơpơh năr, lu iĕm athei pơyơ̆r tơmam soi 'buh lăm ŭnh, đei 'bâu phu ăn kơ Kră Yang. Ăn kơ lu iĕm pơyơ̆r tơmam soi noh 'nguaih kơ tơmam soi 'buh đei hơnơ̆ng păng pơyơ̆r hơdai hăm tơmam huch hai.

Jo 28:31

'Nguaih kơ tơmam soi juăt kơ đei pơyơ̆r hơnơ̆ng păng hăm tơmam soi phe 'ba kư̆m đei lu tơmam soi huch hai. Lu iĕm athei pơyơ̆r lu kon sem tơmam soi noh, ưh kơ đei jĭ kiơ.

Jo 28:4

Ih athei pơyơ̆r minh pôm kon triu kiơ̆ pơgê, minh pôm kiơ̆ kơsơ̆ măng;

Jo 29:11

Lu iĕm athei rôp minh pôm bơbe tơno wă pơm tơmam soi huai yoch; 'nguaih kơ tơmam soi huai tơdrong yoch tơmam soi 'buh mă juăt rim năr păng tơmam soi pơyơ̆r phe 'ba, hăm tơmam soi huch.

Jo 29:16

Lu iĕm kư̆m athei rôp minh pôm bơbe tơno pơm tơmam soi wă huai đơ̆ng yoch, 'nguaih kơ tơmam soi pơyơ̆r mă juăt ling-lang păng tơmam pơyơ̆r phe 'ba păng tơmam soi huch hai.

Jo 29:6

Lu iĕm athei pơyơ̆r lu tơmam soi 'nâu 'nguaih kơ tơmam soi 'buh mă juăt rim năr lăm khei hơdai hăm pơyơ̆r tơpŭng phe 'ba, hăm tơmam soi 'buh juăt kơ đei ling-lang păng tơmam pơyơ̆r tơpŭng hơdai hăm tơmam huch, kiơ̆ thoi đei pơkă lê̆ boih kơ rim tơmam soi noh, na yua ŭnh soh đei 'nhui 'bâu phu ăn kơ Kră Yang.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

Hêbrơ 9:6

Đe pơm tôm tơdrong lơ̆m hnam noh keh boih, na lu 'bok soi ling-lang juăt kơ mơ̆t kơkuh soi kơ 'Bok Kei-Dei tơ lơ̆m anih giĕng mă mônh noh.

Tơdrông Tơ'bôh 13:8

Đĭ-đăng bơngai jơ̆p kơ teh đak gô kơkuh kơ sem ei. Pôm lu bơngai mă Kon Triu 'Bok Kei-Dei chih anăn lu sư tơ hla bơar Sư đĕch, ưh kơ chu kơkuh kơ sem ei. Kon Triu noh boih lôch tang kon bơngai. Na tơdrong Sư chih anăn lu bơngai mă Sư ăn arih, Sư chih adrol kơ 'Bok Kei-Dei pơjing plĕnh teh sơ̆ hloi boih.