Jo 28:24 - Sơ̆p Hlabơar Nơ̆r 'Bok Kei-Dei

²⁴ Athei pơyơ̆r rim năr lăm tơpơh năr, lu iĕm athei pơyơ̆r tơmam soi 'buh lăm ŭnh, đei 'bâu phu ăn kơ Kră Yang. Ăn kơ lu iĕm pơyơ̆r tơmam soi noh 'nguaih kơ tơmam soi 'buh đei hơnơ̆ng păng pơyơ̆r hơdai hăm tơmam huch hai.

Jo 28:24 Iomraidhean Croise

Le 29:40

Hăm kon triu mă minh, ih athei pơyơ̆r 'bar lich,a êpha tơpŭng 'ba mi hĕch pơjrâu hăm minh lăm puăn hin,b đak ôliwơ păng iŏk minh lăm puăn hin đak hơmu, jing tơmam pơyơ̆r huch.c

Êsêkiên 45:23

Lăm tơpơh năr phĕt, rim năr lăm tơpơh năr noh; sư gô pơyơ̆r tơpơh tŏ rơmo dăm păng tơpơh tŏ kon triu 'lơ̆ng ưh kơ đei rơka wă pơm tơmam soi kơ Kră Yang; lăm tơpơh năr, rim năr minh pôm bơbe tơno wă pơm tơmam soi huai đơ̆ng yoch.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Hêbrơ 10:11

Đĭ kơ lu 'bok soi oei jang hơnơ̆ng rim năr soi kơ 'Bok Kei-Dei, mă-lei tơdrong soi noh ưh kơ gơh pơklaih tơdrong yoch ôh.