Jo 28:2 - Sơ̆p Hlabơar Nơ̆r 'Bok Kei-Dei

² Tơtă bĕ tơdrong 'nâu hăm lu kon pơlei Isơrael păng khan: Ăn lu iĕm kơchăng jah pơyơ̆r kơ Inh tơmam sa kiơ̆ trŏ kơ đêl nơ̆r Inh tơtă, pơyơ̆r kơ Inh noh tơmam soi 'buh na 'bâu phu truh tơ Inh.

Jo 28:2 Iomraidhean Croise

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

I Ho 23:31

păng mưh wă pơyơ̆r tơmam soi 'buh kơ Kră Yang lăm năr Sa'bat, năr Khei Tơ'bang păng năr pơm giĕng tih, kiơ̆ kơ đei hơgăt hơdôm 'nu athei ling-lang dơ̆ng 'bơ̆t anăp Kră Yang.

II Ho 23:18

Jêhôiada jao kơ lu 'bok soi bơngai Lêwi wei-lăng hnam akŭm Kră Yang, wă pơyơ̆r tơmam soi 'buh kơ Kră Yang, rok thoi lăm sơ̆p hla bơar Khôi Juăt Môis đei chih boih, hơdai hăm hơri ư-ang chơt hiôk kiơ̆ kơ Đawit đei pơkă boih.

II Ho 31:3

Pơtao ăn tơmam soi sư kơdih wă pơyơ̆r pơm tơmam soi 'buh kiơ̆ pơgê kiơ̆ kơsơ̆, lăm năr giĕng Sa'bat, năr khei tơ'bang blŭng-a păng lăm lu năr giĕng tih kiơ̆ thoi đei chih răk lăm sơ̆p hla bơar khôi juăt Kră Yang.

Esơra 3:2

Kơplah noh, Jêsua, kon drŏ-nglo Jôsađăk păng lu 'bok soi hăm Serubabel, kon drŏ-nglo Sêathiel păng lu 'nhŏng oh sư, đĭ-đăng wang iung pơdơ̆ng chơnang soi Kră Yang 'Bok Kei-Dei đe Isơrael, wă pơyơ̆r tơmam soi 'buh tơ noh, kiơ̆ kơ đei chih lăm hla bơar khôi juăt Môis, bơngai Kră Yang 'Bok Kei-Dei.

Esơra 3:3

Lu sư hli kơ kon pơlei kơtă, mă-lei pơm ming chơnang soi tơ hơnă so sư păng soi pơyơ̆r tơmam soi kơ Kră Yang tơ noh, wă khan tơmam soi 'buh gah pơgê păng kơsơ̆.

Ne 10:34

Lu nhôn, lu bơngai 'bok soi, bơngai Lêwi păng lu kon pơlei nai hlang lăng gah tơdrong jang pơyơ̆r 'long ŭnh, rim sơnăm trŏ thoi năr pơkă, na kiơ̆ thoi 'bok lu nhôn chĕp ba 'long ŭnh noh tơ hnam akŭm 'Bok Kei-Dei lu nhôn, wă tơkuh tơ kơpal chơnang soi Kră Yang 'Bok Kei-Dei lu nhôn, thoi đei chih lăm sơ̆p hla bơar khôi juăt noh.

Horiso 81:3

Hlôm bĕ tơgiĕp kơplah khei tơ'bang kơplah khei pơnil, tơbăt kơ lu năr giĕng tih lu bơ̆n.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Le 29:18

Na 'buh pơđĭ triu tơno noh tơ kơpal chơnang soi; 'noh jing tơmam soi 'buh, đei 'bâu phu pơyơ̆r kơ Kră Yang, wă khan tơmam soi 'buh păng ŭnh pơyơ̆r ăn kơ Kră Yang.

Êsêkiên 16:19

Tơmam sa mă Inh ăn kơ ih noh, tơpŭng 'lơ̆ng, đak rơmă ôliwơ, đak sut, Inh wă 'me rong ih, na ih chĕp pơyơ̆r pơm tơmam soi soh 'bâu phu 'bơ̆t anăp lu rup noh; noh tơdrong lu iĕm pơm, Kră Yang Tih Hloh khan thoi noh.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 45:17

Mă-lei yŏng pơgơ̆r athei hơmet lu tơmam soi 'buh, tơmam soi phe 'ba păng tơmam sa et sa năr kơ̆m giĕng lăm khei blŭng-a năr Sa'bat, lăm rim năr kơ̆m giĕng et sa lu bơngai Isơrael. Sư athei pơyơ̆r lu tơmam soi huai đơ̆ng yoch, tơmam soi phe 'ba, tơmam soi 'buh, tơmam soi 'blŏk bơnê wă huai đơ̆ng yoch ăn kơ kon pơlei Isơrael.

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17

Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:9

Mă-lei sư gô iŏk đak ôp klak păng tơkong. Đơ̆ng noh lu 'bok soi gô 'buh dan đĭ tơmam soi tơ kơpal chơnang soi, noh boih tơmam soi 'buh, wă khan tơmam soi 'buh lăm ŭnh sa wă pơyơ̆r đei 'bâu phu 'lơ̆ng ăn kơ Kră Yang.

Lêwi 21:6

Lu sư athei arih 'lơ̆ng rơgoh kơ Kră Yang 'Bok Kei-Dei, 'nĕ kơ pơm mơgrĭ kơ Anăn Kră Yang 'Bok Kei-Dei lu sư; yua kơ lu sư pơyơ̆r kơ Kră Yang dôm tơmam pơyơ̆r soh hăm ŭnh, wă khan pơyơ̆r 'bĕng tơmam sa kơ Kră Yang, yua kơ noh lu sư jing 'lơ̆ng rơgoh.

Lêwi 21:8

Thoi noh ih athei lăng jô̆ sư 'lơ̆ng rơgoh, yua kơ sư pơyơ̆r 'bĕng tơmam sa kơ Kră Yang 'Bok Kei-Dei ih. Sư jing rơgoh 'lơ̆ng kơ Inh; yua kơ Inh Kră Yang 'lơ̆ng rơgoh. Tơ'ngla mă pơm kơ lu iĕm jing rơgoh 'lơ̆ng.

Lêwi 3:11

Lu 'bok soi gô soh pơyơ̆r đĭ tơmam âu tơ chơnang soi, noh tơmam sa pơyơ̆r soh hăm ŭnh ăn kơ Kră Yang.

Malachi 1:12

Mă-lei lu iĕm pơma kơnê̆ 'mê̆ brư̆ kơ anăn Inh boih khan: “Gơ'bang soi Kră Yang 'mê̆-'mach, tơmam soi kơpal gơ'bang noh trŏ kơ pơjăm.”

Malachi 1:7

“Lu iĕm pơyơ̆r tơmam 'mê̆-'mach tơ gơ'bang soi Inh, đơ̆ng noh lu iĕm khan: ‘Lu nhôn pơm kơnê̆ 'mê̆-'mach kơ Ih tơ yơ?’ Noh mă tơdrong lu sư khan: ‘Gơ'bang Kră Yang trŏ kơ pơdê.’

Jo 15:24

tơdah tơdrong yoch glăi hơch 'bơm mă kon pơlei ưh tam băt, lei đĭ-đăng kơ bơngai tơpôl kiơ̆ nơ̆r tơtă athei yua minh pôm rơmo dăm pơm tơmam soi 'buh đei 'nhui 'bâu phu ăn kơ Kră Yang, hơdai hăm tơmam soi phe 'ba pham hăm tơmam soi huch; păng minh pôm bơbe tơno pơm tơmam soi huai tơdrong yoch.

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 15:7

păng minh lăm pêng hin sik hơmu pơm tơmam soi huch sa păng pơyơ̆r đei 'bâu phu ăn kơ Kră Yang.

Jo 28:1

Kră Yang khan kơ Môis:

Jo 29:39

Noh boih mă tơmam soi lu iĕm athei soi pơyơ̆r ăn kơ Kră Yang lăm năr iĕm soi sơmah tih, wă pơm tơmam soi 'buh, tơmam soi pơyơ̆r phe 'ba, tơmam soi huch păng tơmam soi pơyơ̆r 'blŏk bơnê hiôk-hian, 'nguaih kơ tơmam soi mă đêl pơkă păng lu tơmam soi pơyơ̆r hăm jơhngơ̆m hiôk lu iĕm.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Jo 9:7

lu sư khan kơ Môis thoi âu: Lu nhôn đĭ kơnê̆ 'mê̆-'mach yua kơ 'bơm akâu lu bơngai lôch, yua kơ kiơ đe khă ưh kơ ăn lu nhôn pơyơ̆r tơmam soi kơ Kră Yang kiơ̆ thoi tơdrong juăt mă đei pơkă sơ̆?

II Kor 2:15

Nhôn bơtho đe dang lĕ tơmam 'bâu phu Yêsu Krist soh pơyơ̆r kơ 'Bok Kei-Dei, wă kơ đĭ rim 'nu bơngai mă 'Bok Kei-Dei wă iŏk, hăm lu bơngai mă wă hiong răm 'bâu tôm.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.

Philip 4:18

Iĕm tơgŭm mơnat kơ inh tôm tơdrong tơmam tơpă. Iĕm wơh minh 'nu Êpaphôdit năm ba kơ inh tơmam noh, na dang ei inh đei tôm tơdrong tơmam rơkah rơkai boih đơ̆ng iĕm tơgŭm inh. Tơmam noh dang tơmam 'bâu phu đe pơyơ̆r kơ 'Bok Kei-Dei, na Sư lăp đon kơ iĕm tơpă.