Jo 28:15 - Sơ̆p Hlabơar Nơ̆r 'Bok Kei-Dei

¹⁵ 'Nguaih kơ tơmam soi 'buh mă juăt kơ pơyơ̆r păng tơmam soi huch hai, kư̆m athei pơyơ̆r ăn kơ Kră Yang minh pôm kon bơbe tơno pơm tơmam soi pơklaih yoch.

Jo 28:15 Iomraidhean Croise

Bl 37:31

Lu 'nhŏng sư pơlôch minh pôm bơbe tơno, đơ̆ng noh iŏk ao Jôsep djrŭ tơ lăm pham noh.

Lêwi 16:15

Đơ̆ng noh sư gô pơlôch bơbe tơno pơm tơmam soi yua huai đơ̆ng yoch kon pơlei pơla; sư chĕp ba pham bơbe noh tơ lăm che pĕng, kư̆m thoi yua pham rơmo dăm mơ̆n, tơtraih tơ kơpal tơnglơ̆p tơdrong mơnat ăn păng tơ anăp tơ'bơ̆p mơnat ăn.

Lêwi 16:16

Thoi noh sư năm soi sơmah tơ lăm anih 'Lơ̆ng rơgoh yua kơ đơ̆ng tơdrong kơnê̆ 'mê̆-'mach, pơm glăi, yoch kon pơlei Isơrael na sư athei soi sơmah huai đơ̆ng tơdrong yoch. Sư kư̆m soi sơmah huay đơ̆ng yoch kơ Bơsŭn Anih Akŭm, yua kơ anih akŭm oei tơ tŏk-bŏk tơdrong kơnê̆ 'mê̆-'mach lu sư.

Lêwi 4:23

Layơ tơdrong yoch sư pơm đe tơ'bôh ăn kơ sư boih, sư athei chĕp ba tơmam soi sư minh pôm bơbe tơno ưh kơ đei jĭ kiơ.

Jo 15:24

tơdah tơdrong yoch glăi hơch 'bơm mă kon pơlei ưh tam băt, lei đĭ-đăng kơ bơngai tơpôl kiơ̆ nơ̆r tơtă athei yua minh pôm rơmo dăm pơm tơmam soi 'buh đei 'nhui 'bâu phu ăn kơ Kră Yang, hơdai hăm tơmam soi phe 'ba pham hăm tơmam soi huch; păng minh pôm bơbe tơno pơm tơmam soi huai tơdrong yoch.

Jo 28:14

Tơmam soi huch iŏk lăm minh puăt hin sik hơmu kơ rim minh pôm rơmo tơno păng minh lăm pêng hin kơ kon triu tơno. Minh puăn hin kơ rim triu kon tơno. Noh boih tơmam soi 'buh kơ lăm rim năr blŭng-a kơ khei lăm sơnăm.

Jo 28:22

hăm minh pôm bơbe tơno pơm tơmam soi pơklaih yoch, wă huai iŏk yoch đơ̆ng lu iĕm.

Jo 28:3

Roi bĕ kơ lu kon pơlei Isơrael thoi âu: 'Nâu tơmam pơyơ̆r soh hăm ŭnh na lu iĕm gô pơyơ̆r kơ Kră Yang: Rim năr 'bar tŏ triu kon iĕ tơno đei minh sơnăm ưh kơ đei jĭ kiơ, jing tơmam pơyơ̆r ling-lang.

Jo 28:30

kư̆m athei pơyơ̆r minh pôm bơbe tơno, wă pơm tơmam soi huai đơ̆ng yoch kơ bơ̆n kơdih.

Jo 29:16

Lu iĕm kư̆m athei rôp minh pôm bơbe tơno pơm tơmam soi wă huai đơ̆ng yoch, 'nguaih kơ tơmam soi pơyơ̆r mă juăt ling-lang păng tơmam pơyơ̆r phe 'ba păng tơmam soi huch hai.

Jo 29:5

Rôp minh pôm bơbe tơno wă pơyơ̆r pơm tơmam soi, wă huai iŏk đơ̆ng tơdrong yoch lu iĕm.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.