Jo 27:18 - Sơ̆p Hlabơar Nơ̆r 'Bok Kei-Dei

¹⁸ Kră Yang khan kơ Môis thoi âu: Iŏk bĕ Jôsuê kon drŏ-nglo Nun, bơngai đei Yang Bơhngol 'lơ̆ng lăm sư; pel bĕ kơ̆l sư.

Jo 27:18 Iomraidhean Croise

Bl 41:38

Pharaôn khan kơ lu kuan tih thoi âu: Lu bơ̆n chă bơngai bu dơ̆ng gơh băt thoi bơngai 'nâu, đei jơhngơ̆m đon gơh hơgei đơ̆ng Kră Yang 'Bok Kei-Dei?

I Ho 7:27

Êlisama pơjing Nun; Nun pơjing Jôsuê.

Le 17:9

Môis khan kơ Jôsuê: Rơih iŏk bĕ lu bơngai nuih kơtang, năm tơblah hăm kon pơlei Amalek; năr dơning inh gô dơ̆ng tơ kơpal groi, chĕp 'long jra Kră Yang 'Bok Kei-Dei lăm ti.

Da 5:14

Inh đei kơtơ̆ng đe roi khan ih đei Yang Bơhngol 'Lơ̆ng lu Yang oei lăm ih păng đe đei 'bôh tơ lăm ih đei hơdah, gơh hơgei, hlôh wao păng gơh băt phara kơ đe.

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 13:16

'Nâu bơngai mă Môis wơh lu sư năm chop dăr lăng char. Môis tơplih anăn Hôsê, kon drŏ-nglo Nun krao anăn Jôsuê.

Jo 13:8

Hôsêa kon drŏ-nglo Nun đơ̆ng adrĕch Êphraim;

Jo 27:23

Dan ti kơpal kơ̆l sư păng pơjao ăn, kiơ̆ thoi Kră Yang đei pơkă athei Môis pơm thoi noh.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Jang 13:3

Lu sư oei ơ̆t kơ por wă krao khan. Đơ̆ng 'noh lu sư pel kơ̆l bre sư, wơh hloi bre sư năm bơtho tơdrong 'Bok Kei-Dei. Bre 'Barna'ba păng Pôl năm bơtho tơ bŏl Chiprơ

Jang 19:6

Pôl pel kơ̆l lu sư, na Yang Bơhngol 'Lơ̆ng jur oei hăm lu sư. Lu sư pơma hloi nơ̆r hlĭch păng bơtho tơdrong 'Bok Kei-Dei.

Jang 6:3

Na iĕm athei rơih chă lăm bôl iĕm tơpơh 'nu, lăm tơpơh 'nu 'noh chă bơngai tơpăt mă hơgei 'biơ̆ păng bơngai mă 'bĕnh kơ Yang Bơhngol 'Lơ̆ng, noh nhôn wă kơ lu sư wei-lăng đe asong tơmam.

Jang 6:6

Lu bôl sư anhăk ba lu sư tơpơh 'nu bơngai ei tơ lu bơngai jơ̆ng 'bang Yêsu. Na lu jơ̆ng 'bang Yêsu pel hloi kơ̆l krao khan apinh 'Bok Kei-Dei tơgŭm lu sư jang tơdrong ei.

Both 1:37

Yua kơ đơ̆ng lu iĕm na Kră Yang kư̆m hil kơ inh, na khan: Ih kư̆m lei-lăi, ưh kơ gơh wă mơ̆t tơ dêh noh ôh.

Both 3:21

Kơplah noh inh pơkă boih kơ Jôsuê: Măt ih 'bôh boih dôm tơdrong Kră Yang 'Bok Kei-Dei lu iĕm hlôi pơm boih kơ 'bar 'nu pơtao âu; Kră Yang kư̆m gô pơm thoi noh kơ dôm lu teh đak ayơ mă iĕm wă năm mơ̆t.

Both 3:28

Mă-lei athei jao bĕ kơ Jôsuê, tơgŭm jơhngơ̆m sư mă kơjăp, yua kơ sư gô chông ba kon pơlei 'nâu, tŏk blah iŏk dêh mă ih đei lăng 'bôh noh.

Both 31:14

Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 31:3

Kră Yang 'Bok Kei-Dei iĕm gô năm tŏk kơ đak krong adrol kơ iĕm Sư gô pơlôch đĭ lu kon pơlei âu 'bơ̆t anăp iĕm, lei na iĕm gô iŏk asong băl dêh lu sư; Jôsuê gô năm adrol jing yŏng iĕm, thoi Kră Yang khan boih.

Both 34:9

Jôsuê kon drŏ-nglo Nun, đei 'bĕnh blai kơ tơdrong gơh hơgei, yua kơ Môis đei dan tơpang ti tơ akâu Jôsuê boih; na kon pơlei bơngai Isơrael chu nơ̆r sư păng pơm kiơ̆ dôm tơdrong Kră Yang bơtho pơkă kơ Môis.

I Tim 4:14

Sơ̆ lăp lu kră pel kơ̆l ih na 'Bok Kei-Dei ăn kơ lu bơngai khan lê̆ hơdrol gah ih, 'Bok Kei-Dei ăn kơ ih jang tơdrong Sư pran hơgei. Na ih athei gơnang kơ 'Bok Kei-Dei tơgŭm ih ling-lang tơdrong ih hơgei 'noh.

I Tim 5:22

Ih 'nĕ kơ hăt hot pel kơ̆l krao khan kơ đe wă ăn kơ đe wei-lăng bơngai lui. Ih athei gô pơlong lăng sư đunh 'mơ̆i. Dah ih hơloh pel kơ̆l krao khan kơ sư, na sư ưh tam tơchĕng đon hơdrol noh, hli kơ sư pơm yoch ning-mônh, dang lĕ ih athei sư pơm yoch. Ih athei pơm 'lơ̆ng tơpăt ling-lang.

Hêbrơ 6:2

tơdrong iŏk 'batem, tơdrong krao khan pel kơ̆l wă kơ đei Yang Bơhngol 'Lơ̆ng jur oei, tơdrong kon bơngai iung arih đơ̆ng lôch, tơdrong 'Bok Kei-Dei sek tơlang ning-mônh wă phak ling-lang dôm lu bơngai mă kuă kơ lui kơ Sư. Dôm tơdrong noh bơ̆n ưh kơ kăl kơ pơhrăm dơ̆ng boih, yua kơ lu bơ̆n đêl pơhrăm ngăl boih.

Jôsuê 1:17

Lu nhôn chu kiơ̆ ih lăm tôm tơdrong jang, thoi chu kiơ̆ Môis, apinh Kră Yang 'Bok Kei-Dei oei hơdai ih, thoi Kră Yang oei hơdai Môis.

Lu 11:29

Kơplah noh Yang bơhngol 'lơ̆ng Kră Yang jur oei hăm Jeptha; sư năm hlôi kơ char Gileat păng char Manase, năm truh hloi tơ pơlei Mispa lăm char Gileat; đơ̆ng noh sư năm blah kon pơlei Ammôn.

Lu 3:10

Yang bơhngol 'lơ̆ng Kră Yang jur tơ Ôtniêl na sư jing bơngai sek tơlang Isơrael lĕch năm tơblah. Na Kră Yang pơjao Kusan Risathaim, pơtao Aram lăm ti sư na sư blah Kusan Risathaim jei sư.

I Sam 16:18

Minh 'nu lăm lu đĭch đam sư khan: Inh 'bôh minh 'nu kon drŏ-nglo Jese, bơngai Betlehem; sư reh brŏ hơgei dêh, sư minh 'nu bơngai tơblah nuih, pơma dơnuh hơgei păng muh măt sư hơbŏ 'lơ̆ng. Kră Yang oei hơdai sư.