Jo 25:6 - Sơ̆p Hlabơar Nơ̆r 'Bok Kei-Dei

⁶ Âu, đei minh 'nu bơngai drŏ-nglo Isơrael chông ba minh 'nu drŏ-kăn bơngai Madian kơ lu 'nhŏng oh sư, 'bơ̆t anăp Môis păng 'bơ̆t anăp đĭ-đăng kon pơlei Isơrael oei akŭm, kơplah lu sư oei nhơ̆m 'bơ̆t 'măng Bơsŭn Anih Akŭm.

Jo 25:6 Iomraidhean Croise

Bl 37:28

Thoi noh, kơplah lu bơngai Madian khŭl mơdro yak rok ei; lu 'nhŏng sư hơtŏk Jôsep đơ̆ng lăm sơlŭng đak, đơ̆ng noh tĕch lê̆ sư 'bar hlak jên hu kơ lu bơngai Ismael chông ba tơ char Êyiptơ.

I Pot 11:18

Lu sư lĕch đơ̆ng char Midian năm tơ char Paran; lu sư rôp chông ba bơngai Paran năm tơ char Êyiptơ tơ'bơ̆p pơtao Pharaôn. Pơtao Pharaôn ăn kơ sư hnam oei, tơmam sa păng mir chŭn.

Horiso 94:16

Bu gô iung blah lu bơngai pơm kơnê̆ Ăn kơ inh? Bu gô dŏng inh pơm kơ lu bơngai pơm kơnê̆?

Êsai 22:12

Lăm năr noh Kră Yang Tih Hloh krao lu iĕm athei nhơ̆m hmoi, ơh sơ'ngon, hơkôih sŏk, hrŭk ao 'bi.

Je 3:3

Thoi noh na Inh pơgăn lê̆ đak 'mi, đak 'mi kư̆m pă đei lăm bơyan rei pơtăm. Lei ră ih ưh kơ đei mơlâu pơm 'mơng thoi drŏ-kăn ngôi kư̆ kă.

Je 36:23

Kơplah Jêhuđi oei đŏk 'nao pêng puăn trong lăm sơnôm hla bơar noh 'bok pơtao iŏk săng iĕ rek kơtĕch klơ̆m lăm ŭnh mă đe tơkuh noh dĭng mă ŭnh sa pơđĭ hloi sơnôm hla bơar noh.

Je 8:12

“Trŏ kơ lu sư mơlâu pơm tơdrong kơnê̆ krưp, mă-lei lu sư ưh kơ băt mơlâu, Kŭm ưh kơ băt hlơ̆l lĕm. Thoi noh na lu sư gô huŏng pơ̆k hơdai lu bơngai mă pơ̆k huŏng; truh năr wă phak lu sư gô pơ̆k răm,” noh Kră Yang khan.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Jo 16:47

Arôn iŏk gĕl pơgang 'bâu phu thoi Môis đei athei sư, kơdâu năm truh tơ lu tơpôl kon pơlei; to tơdrong gleh truh boih tơ lu kon pơlei. Arôn iŏk pơgang 'bâu phu tah, na pơyơ̆r huai tơdrong yoch kơ kon pơlei.

Jo 22:4

Lu bơngai Môap khan kơ lu kră pơgơ̆r char Madian; Dang ei lu kon pơlei lơ noh gô sa pơđĭ dôm tơmam sa tăp dăr kơ bơ̆n thoi rơmo sa 'nhĕt lăm mir. Kơplah noh, Balak kon drŏ-nglo Sipôr pơm pơtao char Môap.

Jo 31:2

Năm blah bĕ adrĕch Madian pơm 'mong ăn kơ adrĕch bơngai Isơrael; đơ̆ng noh na ih gô wih brŏk hơdai 'bok yă.

Ju 1:13

Lu sư kư̆m thoi đak dơsĭ poh-yă tih, tơglăk kơmuh tơmông tơmang 'bĕnh-'bang tơdrong kơnê̆ 'mê̆-'mach. Păng thoi sơnglŏng nơnăm ưh pă tơklă kơ trong sư juăt kơ nơnăm. 'Bok Kei-Dei gô ăn kơ lu sư oei tơ anih măng mu ling-lang ưh kơ layơ tôch.

Lu 2:4

Lăp linh jang 'lơ̆ng Kră Yang pơma kơ kon pơlei Isơrael tôch boih, na lu kon pơlei pơla nhơ̆m ôr.