Jo 25:2 - Sơ̆p Hlabơar Nơ̆r 'Bok Kei-Dei

² Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Jo 25:2 Iomraidhean Croise

I Pot 19:18

Gah Inh đei rơih iŏk tơpơh-rơbâu 'nu bơngai Isơrael ưh kơ hơtơ̆p kŭl-tăng 'bơ̆t anăp yang Baal, 'bơ̆r lu sư tam lah chŭm sư ôh.”

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Le 32:6

Pơgê dơning lu sư iung đơ̆ng hrôih, klaih kơ noh lu sư pơyơ̆r tơmam soi 'buh, hăm tơmam soi 'blŏk bơnê, lu kon pơlei pơla hơ-oei, wă sa et, đơ̆ng noh lu sư iung hơnul pơchơt.

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

I Kor 10:20

Inh wă khan thoi âu: Tơmam lu bơngai kiơ̆ yang kơnê̆, lu sư sơmah kơ yang kơnê̆, 'noh ưh kơ sĭ lu sư sơmah kơ 'Bok Kei-Dei ôh. Na inh kuă ăn iĕm sa tơmam 'noh, dah iĕm sa dang iĕm pôm đon hăm yang kơnê̆ mơ̆n.

Both 32:38

lu yang sa rơmă tơmam soi sư pơyơ̆r păng huch đak sik hơmu lu sư pơyơ̆r, dang ei oei tơ yơ boih? Liơ ưh kơ iung tơgŭm, liơ ưh kơ krôp bơwei lu sư?

Jôsuê 22:17

Tơdrong yoch Phêô pơm kơ kon pơlei Kră Yang lôch hơbuh truh dang ei lu bơ̆n tam mă pơm rơgoh 'lơ̆ng tơdrong noh ưh tam mah hă?

Jôsuê 23:16

Tơdah lu iĕm sơngah kơ tơdrong pơgơ̆p Kră Yang 'Bok Kei-Dei lu iĕm, đei hlôi bơtho pơkă, na lu iĕm achăng lê̆ Kră Yang, chă bơ̆jang awih awăn păng drap kơkuh kơ lu yang nai, lei tơdrong Kră Yang hil mĭl tih gô truh tơ lu iĕm, na lu iĕm gô lôch hiong răm đĭ đơ̆ng char 'lơ̆ng rŏ mă Kră Yang đei ăn boih.

Jôsuê 23:7

Lê̆ kơ mơ̆t hơdai hăm lu adrĕch adrung âu, mă oei oei hơdai hăm lu iĕm, lê̆ kơ pao anăn yang lu sư păng lê̆ kơ yua anăn yang lu sư pơkă pơkăm lê̆ kơ bơ̆jang păng lê̆ kơ drap kơkuh kơ yang noh.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.