Jo 25:13 - Sơ̆p Hlabơar Nơ̆r 'Bok Kei-Dei

¹³ Tơdrong noh 'măn kơ sư, hăm lu kon sâu sư, tơdrong bơ̆jang 'bok soi ling-lang, yua kơ sư đei jơhngơ̆m đon tơnăp băt hli yom kơ Kră Yang 'Bok Kei-Dei sư, pơm rơgoh tơdrong yoch đơ̆ng kon pơlei Isơrael.

Jo 25:13 Iomraidhean Croise

II Sam 21:3

Pơtao Đawit apinh bơngai Gibeôn: “Inh athei pơm kiơ kơ lu iĕm? Inh pơm thoi yơ gơh huai iŏk tơdrong đơ̆ng Sôl pơm yoch, wă kơ lu iĕm krao apinh Kră Yang ăn tơdrong pŭn hiôk kơ kon pơlei hăm lu tơmam Sư.”

I Pot 19:10

Sư tơl: “Jơhngơ̆m inh oei adrin yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi ih, păng iŏk đao gưm pơlôch lu bơngai khan lê̆ adrol mă Ih yua. Pă minh 'nu inh oei arih, na dang ei lu sư kư̆m oei chă wă pơlôch inh.”

I Pot 19:14

Êli tơl: “Jơhngơ̆m inh oei adrin dêh yua kơ Kră Yang 'Bok Kei-Dei Tih Hloh, yua kơ bơngai Isơrael sơngah bơih kơ tơdrong pơgơ̆p Ih, pơrăm lê̆ chơnang soi Ih pơlôch lu bơngai khan lê̆ adrol hăm đao gưm pă minh 'nu inh oei arih, dang ei lu sư kư̆m oei chă wă pơlôch inh.

I Pot 2:27

Na Sôlômôn puh lê̆ Abiathar, ưh pă ăn sư pơm 'bok soi kơ Kră Yang dơ̆ng, noh wă pơsĭt nơ̆r Kră Yang đei pơma khan lê̆ gah adrĕch Hêli tơ pơlei Silô.

Ne 13:29

Ơ 'Bok Kei-Dei inh! Apinh Ih 'blŏk bĕ kơ lu sư, yua kơ lu sư pơm pơ'mê̆ kơ tơdrong jang jing 'bok soi păng tơdrong pơm glăi kơ nơ̆r pơkă pơkăm pơgơ̆p hăm lu bơngai Lêwi mă jing 'bok soi.

Horiso 106:31

Lăm đĭ jơhnơr jô̆ sư bơngai 'lơ̆ng tơpăt, dĭng truh tơ ning-mônh hloi.

Horiso 119:139

Tơdrong inh tơnăp soh chhông lăm jơhngơ̆m inh. Yua kơ lu bơngai ayăt kơ inh hiơt boih kơ nơ̆r Ih.

Horiso 69:9

Yua kơ tơdrong hưch hanh kơ Hnam Ih dang luăn sa inh. Tơdrong đe hiĕk pơjăm Ih 'bơm boih tơ inh.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Le 32:30

Năr dơning Môis khan kơ lu kon pơlei pơla lu iĕm pơm bơih minh tơdrong glăi tih. Mă-lei dang ei inh wă tŏk tơ kông năm tơ Kră Yang. Rŏ lăng inh kư̆m gơh apinh huai iŏk tơdrong yoch lu iĕm.

Le 40:15

pik ăn đak rơmă 'bâu phu thoi ih pik ăn kơ 'bă lu sư wă kơ lu sư jang kơ Inh lăm tơdrong jang 'bok soi. Tơdrong pik đak rơmă 'bâu phu pôk ăn noh wă pơsĭt kơ lu sư pơm 'bok soi ling-lang lăm rim jơhnơr.

Êsai 61:6

Gah lu iĕm đe gô krao iĕm 'bok soi Kră Yang, đe gô krao iĕm đĭch đam Kră Yang 'Bok Kei-Dei lu bơ̆n; lu iĕm gô sa tơmam đơ̆ng lu dêh char păng tơdrong hiôk rơnŭk đơ̆ng lu sư.

Je 33:18

Lu 'bok soi bơngai Lêwi kư̆m ưh kơ khăi ôh wă dơ̆ng soh pơyơ̆r tơmam soi 'buh, păng tơmam soh pơyơ̆r phe 'ba păng tơmam soi pơyơ̆r nai 'bơ̆t anăp Inh.

Je 33:22

Inh gô ăn kơ adrĕch Đawit, đĭch đam Inh păng ăn kơ lu bơngai Lêwi jang kơ Inh, Inh gô ăn kơ adrĕch adrung sư lơ thoi sơnglŏng kơpal plĕnh, thoi chuơh cheng đak dơsĭ ưh kơ đei bu kĕ jô̆.”

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Malachi 2:8

Mă-lei, tơplơ̆ dơ̆ng, lu iĕm rok trong nai, pơm kơ lơ bơngai pơm glăi kơ khôi juăt păng lu iĕm pơm glăi boih kơ nơ̆r Inh pơgơ̆p hăm Lêwi.” Kră Yang Tih Hloh khan thoi noh.

Jo 16:46

na Môis khan kơ Arôn: Iŏk bĕ gĕl soh pơgang 'bâu phu ih, tơ̆k ŭnh iŏk đơ̆ng chơnang soi, dan pơgang 'bâu phu kơpal, mă tĕnh tĕnh năm tơ lu khŭl tơpôl oei akŭm to păng pơyơ̆r huai tơdrong yoch lu sư; yua kơ tơdrong Kră Yang hil mĭl boih păng tơdrong gleh wă truh.

Jo 16:47

Arôn iŏk gĕl pơgang 'bâu phu thoi Môis đei athei sư, kơdâu năm truh tơ lu tơpôl kon pơlei; to tơdrong gleh truh boih tơ lu kon pơlei. Arôn iŏk pơgang 'bâu phu tah, na pơyơ̆r huai tơdrong yoch kơ kon pơlei.

Jo 17:12

Bơngai Isơrael hli tơrơ khan kơ Môis: Âu 'nâu, lu nhôn gô lôch, lu nhôn lôch răm, lu nhôn gô lôch hiong đĭ-đăng!

Jo 25:14

Anăn bơngai drŏ-nglo Isơrael mă đe 'bet lôch hơdai bơngai drŏ-kăn Madian noh, Simri kon drŏ-nglo Salu, yŏng kơdră kơ adrĕch bơngai Simêôn.

Yo 2:17

Lu bơngai pơhrăm păng Sư kơtơ̆ng Sư pơma thoi noh lu sư 'blŏk kơ tơdrong đe chih khan lê̆ hơdrol lăm sơ̆p hla bơar 'Bok Kei-Dei thoi âu: “Tơdrong hưch hanh kơ hnam Ih dang luăn sa inh.”

Hêbrơ 2:17

Sư pơm tôm tơdrong dang kơ 'nhŏng oh tơpă. Sư jang tơdrong 'Bok Kei-Dei pơklaih yoch kon bơngai thoi 'bok soi tih mơnat kơ kon bơngai, na kon bơngai gơnang kơ Sư tơpă.

Hêbrơ 7:11

Lu 'bok soi kon sâu 'bok Lêwi hăm 'bok Arôn pơgơ̆r gah tơdrong juăt 'Bok Kei-Dei pơkă kơ lu bơngai Isơrael. Tơ̆ng kon bơngai gơnang kơ lu sư, na gơh jing 'lơ̆ng tơpăt hăm 'Bok Kei-Dei, lei kon bơngai ưh pă kăl boih kơ 'bok soi tih adrĕch Mêlkisêdek jur pơgơ̆r. Dôm lu sư jang mah boih.

Jôsuê 7:12

yua kơ thoi noh, kon pơlei Isơrael ưh kơ kĕ tơblah hăm lu bơngai ayăt kơ lu sư ôh, lu sư kơdŭn tơ rŏng kơdâu ôn, pơm kơdih pŭ iŏk tơdrong pơlôch pơrăm. Tơdah lu iĕm ưh kơ đei pơrăm lê̆ tơmam đe trŏ kơ pơyơ̆r pơrăm noh đơ̆ng lăm lu iĕm, lei Inh ưh pă đei oei hơdai lu iĕm boih.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.

I Pet 2:9

Mă-lei gah bơ̆n, Sư rơih iŏk bơ̆n wă kơ bơ̆n jing adrĕch adrung Sư, bơ̆n kư̆m thoi lu bơngai soi kơ 'Bok Kei-Dei Pơtao bơ̆n, bơ̆n dang pơlei pơla Sư, teh đak Sư boih. Sư ăn kơ bơ̆n jing kon Sư wă kơ bơ̆n ră roi kơ đe dôm tơdrong 'lơ̆ng Sư pơm. Sư boih krao iŏk bơ̆n đơ̆ng anih măng mu oei tơ anih hơdah Sư dang ei.

I Yo 2:2

Sư lôch tang bơ̆n wă pơklaih bơ̆n đơ̆ng tơdrong yoch. Mă-lei ưh kơ sĭ Sư wă pơklaih kơdrô̆ yoch bơ̆n đĕch ôh, Sư pơklaih đĭ-đăng bơngai ala teh âu mơ̆n.

Tơdrông Tơ'bôh 1:6

Sư pơjao bơ̆n kơ 'Bok Kei-Dei wă wei-lăng bơ̆n păng pơgơ̆r bơ̆n, na lu bơ̆n jing bơngai jang kơ 'Bă Sư 'Bok Kei-Dei thoi lu 'bok soi. Thoi noh na bĕ bơ̆n ư-ang Yêsu Krist yua kơ Sư gô pơgơ̆r ling-lang ưh kơ đei layơ tôch. A-men.

I Sam 2:30

Lei na Kră Yang 'Bok Kei-Dei khan. Inh pơkă bơih hăm hnam ih păng hnam 'bok ih gô bơ̆jang kơ inh ling-lang hloi. Mă-lei dang ei Kră Yang khan: Ưh kơ lei ôh. Inh gô pơyom kơ bơngai bu mă pơyom kơ Inh, bơngai bu mă pơjăm Inh, Inh kư̆m gô pơjăm sư.