Jo 25:1 - Sơ̆p Hlabơar Nơ̆r 'Bok Kei-Dei

¹ Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Jo 25:1 Iomraidhean Croise

II Pot 23:7

Sư kư̆m yuih hŭt teh pơchah lê̆ anih drŏ-nglo ngôi pơm kư̆ kă lăm Hnam akŭm kơkuh kơ Kră Yang, tơ anih noh lu drŏ-kăn tanh che ăn kơ yang Asêra.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Le 22:19

Bơngai bu ngôi kư̆ kă păng sem brem đe gô pơlôch.

Le 34:15

'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Bôk Bơthô 7:26

Inh 'bôh drŏ-kăn 'bĕnh tơdrong pơhlŭ sơ'ngon trăp hloh kơ tơdrong lôch. Tơdrong hưch sư thoi hơnhuăl, ti sư thoi tơlei glang. Bơngai bu băt hli yom kơ Kră Yang 'Bok Kei-Dei gơh klaih đơ̆ng ti sư. Mă-lei bơngai bu pơm yoch, sư 'leh lăm hơnhuăl noh.

Je 40:11

Đĭ-đăng bơngai Juđa oei lăm char Môap, Ammôn, lăm char Eđôm păng oei lăm dêh char nai kư̆m kơtơ̆ng pơtao Babilôn kư̆m oei lê̆ kon pơlei oei lăm char Juđa, na pơtao pôk Gêđalia, kon drŏ-nglo Ahikam sâu Saphan, pơm yŏng pơgơ̆r lu sư.

Êsêkiên 20:21

Mă-lei lu kon sâu lu sư blah Inh; ưh kơ chu kiơ̆ khôi juăt Inh, ưh kơ wei răk nơ̆r Inh tơtă lu tơdrong mă tơdah bu pơm kiơ̆ gô arih; lu sư kư̆m pơm yoch 'mê̆-'mach lăm năr Sa'bat Inh. Thoi noh Inh khan bơih gô tuh tơdrong hil mĭl Inh tơ lu sư păng tơdrong blĕk Inh phak lu sư lăm char glă.

Hôsia 9:10

Lăp Inh 'bôh boih khŭl Isơrael, lu sư thoi hơie plei hơmu tơ lăm char glă. Lăp Inh 'bôh boih 'bok lu iĕm lu sư thoi plei hơra đum blŭng-a lăm bơyan plei; mă-lei lăp lu sư năm mơ̆t boih lăm anih Baal Pêôr; lu sư jao lu sư kơdih kơ rup yang Baal mơlâu kơdơ̆, na lu sư jing tơmam mă Kră Yang 'Bok Kei-Dei hil areh thoi rup yang lu sư mă lu sư 'mêm.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 25:17

Lăng bĕ lu bơngai Madian thoi lu ayăt păng blah pơlôch bĕ lu sư.

Jo 31:2

Năm blah bĕ adrĕch Madian pơm 'mong ăn kơ adrĕch bơngai Isơrael; đơ̆ng noh na ih gô wih brŏk hơdai 'bok yă.

Jo 33:49

Lu sư pơdơh jê̆ đak Krong Jôrđăn iŏk đơ̆ng pơlei Bêt Jêsamôt truh tơ pơlei Abel Sitim lăm thŭng glă char Môap.

Jo 7:15

minh pôm kon rơmo dăm, minh pôm kon triu tơno, minh pôm triu tơno, truh minh sơnăm wă pơm tơmam soi 'buh;

I Kor 10:8

Bơ̆n 'nĕ pơm pơyô kư̆ kă thoi lu sư mơ'nah sơ̆; yua kơ lu sư pơm pơyô kư̆ kă, na 'Bok Kei-Dei pơrăm lu sư lôch lăm minh năr đei 'bar-jĭt pêng-rơbâu 'nu.

Both 3:29

Lei na lu bơ̆n oei lăm thŭng jê̆ Bet Pêôr.

Both 32:38

lu yang sa rơmă tơmam soi sư pơyơ̆r păng huch đak sik hơmu lu sư pơyơ̆r, dang ei oei tơ yơ boih? Liơ ưh kơ iung tơgŭm, liơ ưh kơ krôp bơwei lu sư?

Both 4:3

Măt lu iĕm hlôi 'bôh boih dôm tơdrong Kră Yang pơm tơ Baal Pêôr. Kră Yang 'Bok Kei-Dei lu iĕm đei pơlôch pơrăm đĭ lu bơngai lui kiơ̆ Baal Pêôr đơ̆ng lăm lu iĕm.

Jôsuê 2:1

Jôsuê kon drŏ-nglo Nun, đơ̆ng Sitim, wơh 'bar 'nu bơngai năm chop lăng char, sư khan: “Năm chop lăng char, mă loi pơlei Jêrikô, thoi noh 'bar 'nu bơngai noh năm truh tơ hnam minh 'nu bơngai drŏ-kăn pơm đi anăn sư Rahap, 'bĭch hloi tơ noh.

Jôsuê 22:17

Tơdrong yoch Phêô pơm kơ kon pơlei Kră Yang lôch hơbuh truh dang ei lu bơ̆n tam mă pơm rơgoh 'lơ̆ng tơdrong noh ưh tam mah hă?

Jôsuê 3:1

'Brưch pơgê oei hrôih, Jôsuê drôih chông ba kon pơlei Isơrael, đơ̆ng Sitim, lu sư năm truh tơ jih đak Krong Jôrđăn, 'bĭch gô tơ noh adrol kơ tŏk găn đak Krong.

Tơdrông Tơ'bôh 2:14

Mă-lei Inh ưh kơ lăp đon kơ iĕm 'bar pêng tơdrong âu: Yua kơ đei lăm lu iĕm mơ'nah kiơ̆ tơdrong 'bok 'Balam. 'Bok 'Balam sơ̆ sư pơchŭt 'bok 'Balăk pơhlŭ lu bơngai Isơrael sa tơmam đe soi sơmah kơ rup yang păng wă kơ lu sư pơm pơyô kư̆ kă.