Jo 24:11 - Sơ̆p Hlabơar Nơ̆r 'Bok Kei-Dei

¹¹ Yua kơ thoi noh, dang ei kơdâu wih bĕ tơ tơring ih kơdih! Inh khan boih, inh gô pôk apah kơ ih tơpă, mă-lei dang ei Kră Yang găn ih ưh kơ wă ih đei iŏk.

Jo 24:11 Iomraidhean Croise

Jo 22:17

yua kơ inh gô apah ih tih tơpă păng gô pơm kiơ̆ ih athei inh pơm. Apinh ih năm hiap pơrăm adrĕch 'nâu.

Jo 22:37

Balak pơma hăm Balaam khan: Hăm trŏ inh đei wơh boih bơngai năm krao ih? Liơ ih ưh kơ năm? Inh ưh kơ gơh wă apah ih hă?

Jo 24:10

Balak hil areh kơ Balaam, tap ti păng khan kơ Balaam: Inh krao ih wă kơ ih hiap lu bơngai ayăt kơ inh; na ih rai sơkat pŭn hiôk ăn kơ lu sư đei pêng wơ̆t boih.

Jo 24:12

Balaam khan kơ Balak, “Inh ưh kơ đei khan kơ lu bơngai mă ih wơh năm krao inh hă?

Jang 8:20

Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Philip 3:8

Mă tơdrong kiơ đe khan yua, inh lăng ưh pă yua boih, yua kơ dôm tơdrong inh sơđơ̆ng kơ Yŏng inh Yêsu Krist kăl hloh kơ đĭ-đăng tơdrong noh. Inh hăt kơ kiơ̆ Sư lê̆ đĭ dôm tơdrong akâu inh sơđơ̆ng thoi lĕ kơ hla đuih đăm, wă kơ inh gơh sơng iŏk Yêsu Krist,

II Yo 1:8

Kơlih kơ thoi noh na iĕm athei kơchăng hŏ hli kơ lu sư hơlĕnh kơ iĕm, na iĕm lui kơ lu sư. Dah iĕm kơchăng tơpă lei dôm tơdrong iĕm jang iĕm huay kơ hiong ôh. Na iĕm gô đei iŏk tôm tơdrong apah ning-mônh.