Jo 23:24 - Sơ̆p Hlabơar Nơ̆r 'Bok Kei-Dei

²⁴ To, đei minh khŭl kon pơlei iung thoi dăm-brang akăn, Păng iung dang dơ̆ng thoi dăm-brang tơno; Dĭng truh tơ đei rôp sa kon sem na mă drum, Păng huch sa pham lu kon sem mă đêl lu sư rôp sa.

Jo 23:24 Iomraidhean Croise

Bl 49:27

Bênjamin thoi kŏ-so ngăl kăp hek, Pơgê hrôih drôih chă kăp sa sem bri. Gơsơ̆ klah asong sem bri mă đei boih.

Bl 49:9

Juđa jơ̆ dăm-brang mơlôh; Ơ dăm! E đei rôp bơnă na anhăk ba brŏk, Sư sơtơ̆p kŭl-tăng, thoi dăm-brang tơno drum. Thoi dăm-brang akăn; hăm đei bu pơ̆n tơiung?

I Pot 10:20

Kŭm đei mơjĭt-'bar to rup dăm-brang nai dơ̆ng, 'bơ̆t rim kơ̆l tơdrâu kơ 'nao: Ưh tam đei dêh char ayơ mă pơm tang-dŏ pơtao thoi noh.

II Ho 9:18

Tang-dŏ noh đei tơdrâu kơnao păng jơ̆ng juă tơklep hăm tang-dŏ; kư̆m đei anih hơgơn ti pah âu pah to kơ anih hơ-oei, cheng noh đei man 'bar tŏ rup dăm-brang.

Horiso 17:12

Lu sư thoi dăm-brang pơngot. Hơrum 'maih hek sa thoi kon dăm-brang oei răp lăm anih hlơp.

Tơdrông Pơđơk 30:30

Dăm-brang pran kơtang hloh kơ đĭ-đăng sem brem, Ưh kơdŭn tơ rŏng ôh 'bơ̆t anăp lu sem brem nai:

Êsai 31:4

Kră Yang đei khan bơih kơ inh thoi âu: “Nhen thoi dăm-brang grĕnh, dah nhen thoi dăm-brang mơlôh arum chă rôp tơmam sa, mă đơ̆ng lu bơngai wei triu minh khŭl lơ ră wă blah sư, sư ưh kơ tơrơ ôh kơ 'bơ̆r lu bơngai wei triu ôr tơkĕch, sư kư̆m ưh kơ hli kơ jơwa jreo lu đe noh, kư̆m thoi noh mơ̆n, Kră Yang Tih Hloh, gô jur wă tơblah tơ kơpal Kông Siôn păng tơ kơpal lu groi.

Da 2:44

Lăm chăl lu pơtao 'nâu Kră Yang 'Bok Kei-Dei kơpal plĕnh gô pơdŏng minh pôm dêh char ưh kơ đei layơ hiong răm, tơdrong dêh char noh pơgơ̆r ưh kơ đei minh adrĕch kon pơlei nai, kĕ tơgar iŏk, na sư iung pơrăm pơlôch đĭ lu dêh char mă đei adrol sơ̆ noh, na kơdih sư gô kơjăp ling-lang hloi.

Am 3:8

Kơplah dăm-brang ôr grĕnh, hăm đei bu mă ưh kơ hli? Dah Kră Yang bơtho khan boih hăm đei bu ưh kơ khan lê̆ adrol?

Na 2:11

Tơ yơ trôm sơlŭng dăm-brang oei păng anih mă sư rong kon sư, anih dăm-brang tơno, dăm-brang akăn păng lu kon sư, mơ̆t lĕch mă ưh pă đei hli kơ bu,

Na 2:12

dăm-brang tơno châu lơ lu kon sem bri ăn kơ lu kon sư sa păng châu rôp ăn kơ lu dăm-brang akăn, trôm lu sư oei 'bĕnh kơ sem bri đêl sư châu, tơpu lu sư 'bĕnh kơ 'nhĕm sem bri mă đêl lu sư đei rôp sa.

Sa 12:6

Lăm năr noh, Inh gô pơm ăn kơ yŏng pơgơ̆r Juđa thoi gŏ blôk lăm tơnuh đei 'long ŭnh khơ̆ng păng kư̆m thoi pla ŭnh khơ̆ng đơ̆ng hơchô̆ hơnong 'ba lu sư soh sa pơđĭ tơ gah 'ma hăm tơ gah 'ngiĕo, lu sư gô soh pơđĭ lu kon pơlei mă oei tăp dăr kơ lu sư; păng kon pơlei Jêrusalem oei đei anih kơ lu sư kơdih kơtă dơnơ̆ng, wă khan pơlei Jêrusalem.”

Jo 23:25

Na Balak khan kơ Balaam 'nĕ kơ hiap lu sư, kư̆m 'nĕ kơ hơpơi ăn pŭn hiôk.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Both 33:20

Môis sơkat kơ Gat, hơri ư-ang kơ Tơ'ngla pơih ăn kơ Gat hơdral rai să. Sư arih thoi dăm-brang akăn, châu sa kon sem hek ti hăm kơ̆l.

Tơdrông Tơ'bôh 5:5

Mă-lei đei minh 'nu lăm lu đe kră noh khan kơ inh thoi âu: “Ih 'nĕ pă nhơ̆m, to gô dăm-brang adrĕch adrung Juđa păng Đawit hek lăng hla bơar noh. Pôm Sư đĕch trŏ kơ hek lăng hla bơar noh, yua kơ Sư tơblah păng yang kơnê̆ jei Sư boih.”