Jo 23:22 - Sơ̆p Hlabơar Nơ̆r 'Bok Kei-Dei

²² Kră Yang 'Bok Kei-Dei chông tơlĕch lu sư đơ̆ng dêh char Êyiptơ. Lu sư đei jơhngơ̆m pran thoi rơmo bri.

Jo 23:22 Iomraidhean Croise

Horiso 22:21

Pơklaih inh đơ̆ng 'bơ̆r dăm-brang, Đơ̆ng hơke rơmo bri, yua kơ Ih kơtơ̆ng boih nơ̆r inh krao.

Horiso 68:35

Ơ Kră Yang 'Bok Kei-Dei, Ih trŏ boih kơ nhôn hli kơkuh lăm anih 'lơ̆ng rơgoh. Ih Kră Yang 'Bok Kei-Dei ăn tơdrong pran păng mơsêh mơyang kơ kon pơlei Isơrael Ih. Kơkuh bơnê bĕ kơ Kră Yang 'Bok Kei-Dei!

Horiso 92:10

Mă-lei Ih ăn kơ hơke inh rai kơjung thoi rơmo bri. Ih tuh boih kơ inh hăm đak pơgang 'bâu phu 'nao.

Le 12:41

Lăp tôm puăn-hrĕng pêng-jĭt sơnăm boih, lăm năr noh boih, lu linh Kră Yang lĕch đơ̆ng dêh Êyiptơ.

Le 12:51

Kŭm lăm năr 'noh Kră Yang chông tơlĕch pơklaih kon pơlei Isơrael, kiơ̆ kơ khŭl linh, lĕch đơ̆ng dêh Êyiptơ.

Le 14:18

Anăn Inh gô ư-ang yua kơ Pharaôn, gre aseh sư, lu linh chĕp gre aseh sư, lei na bơngai Êyiptơ gô băt kơ Inh Kră Yang.

Le 20:2

Inh Kră Yang 'Bok Kei-Dei iĕm, pơklaih boih iĕm đơ̆ng dêh Êyiptơ, đơ̆ng pơm đĭch đam.

Le 9:16

Mă-lei yua kơ tơdrong 'nâu Inh rong ih arih wă kơ ih 'bôh tơdrong mơsêh Inh, wă kơ anăn Inh đei ră roi kơtơ̆ng ư-ang jơ̆p-jang kơ teh đak.

Êsai 34:7

Lu kon pơlei thoi rơmo bri tơno gô wang pơ̆k hơdai lu sư; đĭ lu rơmo bri dăm păng lu rơmo tơno pran kơtang. Teh đak lu sư 'bĕnh kơ pham. 'Mui teh hơiuh rơbơ̆r yua kơ rơmă.

Jo 22:5

Sư wơh minh 'nu bơngai năm tơ Balaam, kon drŏ-nglo Bêôr tơ pơlei Pêthôr jê̆ đak krong lăm char adrĕch adrung 'bok sư, wă krao sư păng khan: Lăng deh đei minh khŭl kon pơlei 'nao lĕch đơ̆ng dêh char Êyiptơ lơ 'bĕnh jơ̆p-jang kơ teh oei jê̆ tơklă anăp inh.

Jo 24:8

Kră Yang 'Bok Kei-Dei chông tơlĕch sư đơ̆ng dêh Êyiptơ, jơhngơ̆m lu sư pran kơtang thoi rơmo bri. Luăn sa lu dêh char nai, wă khan lu ayăt kơ sư. Gơ̆ pơchah lê̆ kơting lu sư, 'bet lu sư hăm 'brơ̆m hră,

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.

Jôsuê 2:10

Lu nhôn kư̆m băt hơdah, lu iĕm lĕch đơ̆ng char Êyiptơ, Kră Yang pơm ăn kơ đak Dơsĭ 'Brê hrơ̆, tơ'bôh hơdah 'bơ̆t anăp lu iĕm păng lu iĕm đei pơm boih kơ Sihôn păng Ôk, 'bar 'nu pơtao Amôrit, gah to đak Krong Jôrđăn, mă lu iĕm đei pơlôch pơrăm đĭ boih.