Jo 23:21 - Sơ̆p Hlabơar Nơ̆r 'Bok Kei-Dei

²¹ Sư ưh kơ đei 'bôh ôh tơdrong yoch kơnê̆ lăm Jakôp, Păng ưh kơ đei tơdrong răm lăm Isơrael, Kră Yang 'Bok Kei-Dei lu sư, oei hơdai lu sư, Lăm adrĕch Isơrael đei nơ̆r pơtao jreo chơt hiôk lăm lu sư.

Jo 23:21 Iomraidhean Croise

II Ho 13:12

Kră Yang 'Bok Kei-Dei oei hơdai nhôn, pơgơ̆r lu nhôn, lu 'bok soi Kră Yang chĕp keng hlôm re wă lĕch tơblah hăm lu iĕm. Ơ lu kon sâu Isơrael! 'Nĕ kơ tơblah hăm Kră Yang 'Bok Kei-Dei lu 'bok yă iĕm, ưh kơ kĕ jei iĕm ôh”

Horiso 103:12

Gah hơlĕch ataih đơ̆ng gah bơmơ̆t dang yơ, Na Sư kư̆m hŭt lê̆ dôm yoch glăi lu bơ̆n ataih dang noh mơ̆n.

Horiso 118:15

Đei lăm kơđông lu bơngai 'lơ̆ng tơpăt, đei nơ̆r hơri chơt hiôk kĕ jei jơnei tih; “Ti 'ma Kră Yang pơm kĕ jei jơnei tih.

Horiso 135:21

Kơkuh bơnê bĕ kơ Kră Yang đơ̆ng pơlei Siôn. Kră Yang mă oei tơ Jêrusalem! Halêluya.

Horiso 23:4

Mă inh năm lăm thŭng yơ̆p tơdrong lôch, inh ưh kơ hli kơ răm, yua kơ Kră Yang oei hăm inh; 'long băl hăm 'long jra Ih pơlung inh.

Horiso 32:2

Pŭn dêh kơ bu mă Kră Yang huay kơ jô̆ kơnê̆, Păng lăm jơhngơ̆m ưh kơ đei hơlĕnh!

Horiso 32:5

Inh tơbral yoch hăm Kră Yang 'Bok Kei-Dei, Ưh pă đei ôn dôm yoch kơnê̆ inh. Inh khan: “Inh tơbral roi đĭ dôm tơdrong yoch glăi inh kơ Kră Yang. Ih huay pă jô̆ yoch inh.” Sêla

Horiso 46:11

Kră Yang Tih Hloh oei hăm lu nhôn, Kră Yang 'Bok Kei-Dei Jakôp jơ̆ anih lu nhôn kơ'nơp. Sêla

Horiso 46:7

Kră Yang Tih Hloh oei hơdai lu nhôn. Kră Yang 'Bok Kei-Dei Jakôp jơ̆ anih mă lu nhôn kơ'nơp. Sêla

Horiso 97:1

Kră Yang pơgơ̆r, ơ teh chhôk hal bĕ; Ơ lu bŏl đaka chơt hiôk bĕ.

Horiso 99:2

Lăm Siôn Kră Yang tih hloh, Sư đe pơyom hloh kơ đĭ-đăng kon pơlei.

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 3:12

Kră Yang 'Bok Kei-Dei khan: Inh gô oei hơdai hăm ih; 'nâu tơdrong wă kơ ih băt tơdra Inh wơh ih năm: Lăp ih chông kon pơlei lĕch đơ̆ng dêh Êyiptơ boih, na lu iĕm gô kơkuh awih awăn kơ Kră Yang 'Bok Kei-Dei tơ kơpal kông 'nâu.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Êsai 12:6

Ơ kon pơlei Siôn ôr hơri mă re bĕ! Yua kơ Kră Yang 'Lơ̆ng Rơgoh Isơrael jơ̆ tih hloh tŏk-bŏk lăm lu iĕm.”

Êsai 33:21

Tơ noh Kră Yang mơsêh gô oei hơdai bơ̆n lăm tơdrong 'lơ̆ng rŏ Sư, đei Krong să tơ noh thŏng-nan ayăt ưh kơ gơh năm, kư̆m ưh kơ đei duk tih ayăt gơh chă năm brih găn mơ̆n.

Êsai 33:22

Tơpă, Kră Yang bơih Tơ'ngla sek tơlang lu bơ̆n, Kră Yang Tơ'ngla pơjing ăn kơ lu bơ̆n khôi juăt, Sư bơih Kră Yang pơtao lu bơ̆n, sư bơih Tơ'ngla dŏng pơklaih lu bơ̆n!

Êsai 38:17

Âu yua kơ đei tơdrong lơi yua kơ inh, na inh đei tơdrong chhŭr nuih lơ. Kră Yang 'mêm kơ inh rôp bơhngol inh kơjăp, wă kơ inh huay kơ huŏng lăm sơlŭng lôch răm; Kră Yang klơ̆m hŭt lê̆ bơih dôm tơdrong yoch inh tơ rŏng Ih.

Êsai 41:10

'Nĕ hli yua kơ Inh oei hơdai iĕm, 'nĕ tơrơ dêh, yua kơ Inh bơih Kră Yang 'Bok Kei-Dei iĕm! Inh gô ăn kơ iĕm pran; tơpă inh tơgŭm iĕm, Inh gô wei-lăng iĕm hăm ti gah 'ma 'Lơ̆ng Tơpăt Inh.

Êsai 8:10

Pơđâu chă đon bĕ tơduă iĕm, mă-lei ưh kơ yĕng jing, tơtĕch bĕ tơdrong iĕm chă đon mă-lei gô ưh kơ kĕ tơdơ̆ng kơjăp ôh, yua kơ Kră Yang 'Bok Kei-Dei oei hơdai hăm lu nhôn.

Je 50:20

Kră Yang khan: “Lăm năr noh, kơplah noh. Đe chă tơdrong glăi lăm lu bơngai Isơrael ưh kơ 'bôh ôh. Đe chă tơdrong yoch lăm lu bơngai Juđa kư̆m ưh kơ đei. Yua kơ Inh mơnat ăn huay pă jô̆ boih kơ lu bơngai, mă Inh oei 'măn lê̆ arih.”

Êsêkiên 48:35

Pơtŏ jum dăr kơ pơlei tih đei mơjĭt-tơhngam rơbâu hơgăt. Đơ̆ng năr noh krao anăn pơlei tih âu: Kră Yang oei lăm noh.”

Jôel 2:27

Kơplah noh lu iĕm gô băt kơ Inh oei hơdai hăm lu iĕm bơngai Isơrael, băt kơ Inh jing Kră Yang 'Bok Kei-Dei lu iĕm, ưh kơ đei bu nai; Đơ̆ng âu tơ anăp kon pơlei Inh đe huay pă pơ'brơh dơ̆ng.

Lêwi 9:24

Ŭnh lĕch đơ̆ng anăp Kră Yang sa tơmam soi 'buh păng rơmă kơpal chơnang soi. 'Bơ̆t đĭ-đăng kon pơlei 'bôh tơdrong noh, wang chhôk jreo drap kŭp kơ̆l tơ teh.

Jo 14:18

Kră Yang hiơ̆ kơ hil păng 'bĕnh hăm tơdrong 'mêm mơnat; huay kơ jô̆ yo tơdrong yoch; mă-lei Sư ưh kơ jô̆ ôh lu bơngai pơm yoch khan 'lơ̆ng; păng ưh kơ lê̆ pŭ tơdrong yoch đơ̆ng 'bok yă lu sư truh tơ kon sâu sư pêng puăn jơhnơr.

Jo 14:19

Apinh Ih mơnat 'nĕ jô̆ tơdrong kon pơlei âu pơm yoch kiơ̆ thoi tơdrong mơnat tih đơ̆ng Ih, thoi Ih đei mơnat ăn boih kơ lu nhôn đơ̆ng char Êyiptơ sơ̆ khơ̆ dang ei.

Jo 16:3

na khan: Lê̆ pă yua kơ đĭ-đăng khŭl kon pơlei 'lơ̆ng rơgoh ngăl păng Kră Yang oei lăm lu sư. Yua kơ kiơ lu iĕm oei wă pơang kơdih tơ kơpal lu bơngai Kră Yang đei akŭm?

Jo 9:22

Hơmơ̆l gom hnam akŭm 'bar năr, dah minh khei, dah đunh hloh, kon pơlei bơngai Isơrael kư̆ kơ oei, ưh kơ yak weh; mă-lei mưh khan hơmơ̆l đông weh, na lu sư yak năm.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

Rom 6:14

Bơngai bu oei gơnang kơ akâu sư kơdih kiơ̆ tơdrong juăt 'Bok Kei-Dei pơkă ưh kơ kĕ ôh, lei bơngai 'noh sư oei pơm yoch hơnơ̆ng; bơ̆n athei gơnang kơ tơdrong Yêsu lôch tang bơ̆n păng tơgŭm bơ̆n, na bơ̆n huay pă pơm yoch.

Rom 8:1

Yua kơ thoi noh na dôm lu bơ̆n bơngai mă lui kơ Yêsu Krist, 'Bok Kei-Dei ưh pă wă phak lu bơ̆n dơ̆ng boih.

II Kor 2:14

Bơnê kơ 'Bok Kei-Dei tơgŭm nhôn bơtho tơdrong Yêsu Krist ling-lang, jei Yêsu Krist boih, jơ̆p kơ teh đak gô kơtơ̆ng tơdrong Yêsu Krist.

II Kor 5:19

'Bok Kei-Dei athei Yêsu Krist pơgơ̆p kon bơngai jơ̆p kơ teh đak, wă kơ kon bơngai 'lơ̆ng hăm Sư dơ̆ng. Sư ưh pă jô̆ yo boih dôm tơdrong yoch. Thoi noh na dang ei Sư wă kơ nhôn bơtho khan krao tơwih kon bơngai jing 'lơ̆ng hăm Sư dơ̆ng.

II Kor 6:16

Hnam 'Bok Kei-Dei hăm rup yang nai ưh kơ gơh tơmơ̆t băl ôh. Lu bơ̆n kư̆m dang hnam oei 'Bok Kei-Dei mă arih ling-lang, yua kơ Sư khan boih thoi âu: “Inh wă oei hơdai iĕm, nơnăm hơdai iĕm; Inh pơm Kră Yang iĕm, iĕm jing kon pơlei pơla Inh.”

Both 31:23

Kră Yang pơjao ăn tơdrong jang kơ Jôsuê kon drŏ-nglo Nun, khan: Ih athei chơ̆n jơhngơ̆m nuih kơtang, yua kơ ih gô ba kon pơlei Isơrael mơ̆t lăm dêh char mă Inh pơkă boih wă ăn kơ lu sư; Inh gô oei hơdai ih.

Both 32:5

Mă-lei iĕm oei hư răm. Ưh pă rŏ trŏ jing kon drŏ-nglo Kră Yang dơ̆ng.

Both 33:5

Kơplah lu kră kon pơlei akŭm băl hơdai hăm lu khŭl adrĕch bơngai Isơrael. Na Kră Yang Sư boih pơtao kơ Jêsurun.

Both 9:24

Đơ̆ng năr inh băt kơ lu iĕm truh dang ei inh 'bôh lu iĕm ling-lang pơma blah Kră Yang.

Lu 6:13

Giđêôn tơl: Ơ Yŏng tơ'ngla, tơdah Kră Yang oei hơdai lu nhôn, liơ lu nhôn mă đei tơdrong truh thoi âu? Lu tơdrong hlĭch chrơp mă 'bok lu nhôn đei roi khan kơ nhôn kơtơ̆ng tơ yơ? Lu sư khan: Hăm trŏ kơ Kră Yang chông ba lu bơ̆n lĕch đơ̆ng dêh Êyiptơ? Mă-lei dang ei Kră Yang achăng lê̆ lu nhôn, na pơjao lu nhôn lăm ti bơngai Miđian.

I Sam 25:28

Apinh 'nĕ jơ̆ yo kơ đĭch đam ih âu! Kră Yang tơpă gô ăn kơ teh đak pơtao ih kơjăp sot, yua kơ ih wang tơblah hơdai hăm Kră Yang păng đĭ lăm chăl arih ih ưh kơ đei 'bôh minh tơdrong răm kiơ.