Jo 23:1 - Sơ̆p Hlabơar Nơ̆r 'Bok Kei-Dei

¹ Balaam khan kơ Balak: Pơm pơdơ̆ng bĕ tơpơh tŏ chơnang soi tơ âu kơ inh păng kư̆m chă ăn kơ inh tơpơh tŏ rơmo tơno păng chă tơpơh tŏ triu tơno.

Jo 23:1 Iomraidhean Croise

II Pot 18:22

Mă-lei tơdah ih khan kơ inh: “Lu nhôn gơnang kơ Kră Yang 'Bok Kei-Dei nhôn. Hăm trŏ Hesekia hlôi yuih lê̆ chơnang soi Kră Yang tơ anih kơjung păng khan kơ lu bơngai Juđa kon pơlei Jêrusalem:” Iĕm athei kơkuh kơ Kră Yang 'bơ̆t chơnang soi tơ Jêrusalem đĕch dah kiơ?

I Ho 15:26

Yua kơ Kră Yang 'Bok Kei-Dei tơgŭm lu bơngai Lêwi tung ba Hom Pơgơ̆p Kră Yang, na pơyơ̆r tơmam soi tơpơh tŏ rơmo tơno, păng tơpơh tŏ triu tơno.

II Ho 29:21

lu Sư chĕp ba tơpơh tŏ rơmo tơno, tơpơh tŏ triu tơno, tơpơh tŏ triu kon păng tơpơh tŏ bơbe tơno wă pơm tơmam soi pơyơ̆r huai đơ̆ng yoch kơ char sư, kơ hnam rơgoh păng kơ kon pơlei Juđa. Pơtao athei lu 'bok soi kon sâu Arôn, soi pơyơ̆r lu kon sem noh tơ kơpal chơnang soi Kră Yang.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Le 20:24

Ih athei pơm kơ Inh minh pôm chơnang soi păng teh, kơpal noh athei pơyơ̆r tơmam soi 'buh hăm tơmam soi hiôk-hian triu dah rơmo, tơ rim anih ayơ mă Inh ăn athei 'blŏk hơdơ̆r kơ Anăn Inh, Inh gô năm tuh ăn tơdrong pŭn hiôk kơ ih tơ noh.

Tơdrông Pơđơk 15:8

Tơmam soi lu bơngai kơnê̆ pơm 'mê̆ krưp kơ Kră Yang; Mă-lei đei nơ̆r krao khan đơ̆ng lu bơngai tơpăt Kră Yang lăp đon.

Êsêkiên 33:31

Lu sư năm tơ ih thoi kon pơlei Inh juăt kơ năm, lu sư năm mơ̆ng nơ̆r ih thoi kon pơlei Inh; mă-lei lu sư ưh kơ pơm kiơ̆ tơdrong noh ôh 'bơ̆r lu sư pơm khan 'mêm mơnat, jơhngơ̆m lu sư chă tơdrong đei lơi yua kơdih akâu.

Êsêkiên 45:23

Lăm tơpơh năr phĕt, rim năr lăm tơpơh năr noh; sư gô pơyơ̆r tơpơh tŏ rơmo dăm păng tơpơh tŏ kon triu 'lơ̆ng ưh kơ đei rơka wă pơm tơmam soi kơ Kră Yang; lăm tơpơh năr, rim năr minh pôm bơbe tơno wă pơm tơmam soi huai đơ̆ng yoch.

Jo 22:41

Truh tơ pơgê năr đơ̆ng rŏng Balak năm ba Balaam tơ Bamôt Baal, đơ̆ng anih noh sư gơh tơmang 'bôh tơ anih lu bơngai Isơrael oei pơdơh.

Jo 23:2

Balak pơm kiơ̆ thoi Balaam khan; bre sư pơyơ̆r minh pôm rơmo tơno păng minh pôm triu tơno tơ rim kơ chơnang soi.

Jo 23:29

Balaam khan kơ Balak: Athei pơdơ̆ng ăn kơ inh tơ âu tơpơh tŏ chơnang soi păng chă lê̆ tơpơh tŏ rơmo dăm păng tơpơh tŏ triu tơno.

Jo 23:30

Na, Balak pơm kiơ̆ kơ nơ̆r Balaam athei; tơ rim chơnang soi, sư pơyơ̆r minh pôm rơmo dăm păng minh pôm triu tơno.

Jo 29:32

Năr mă tơpơh, lu iĕm athei pơyơ̆r tơpơh tŏ rơmo dăm, 'bar tŏ triu tơno, mơjĭt-puăn tŏ kon triu tơno 'nao minh sơnăm, ưh kơ đei jĭ kiơ,

Mathiơ 23:13

“Ơ lu thây bơtho đe Juđê păng bơngai kiơ̆ tơdrong Pharisi, ning-mônh iĕm pơmat-tat dêh, yua kơ iĕm bơngai 'bơ̆r đak klak ŭnh. Iĕm pơgăn đe kiơ̆ tơdrong 'Bok Kei-Dei pơgơ̆r, tơ'ngla iĕm kơdih kuă kơ kiơ̆, mưh đe wă kiơ̆ na iĕm nŏng kơ pơgăn đe.

Ju 1:11

'Bok Kei-Dei gô phak lu sư tơpă yua kơ lu sư pơm thoi 'bok Kain sơ̆. Lu sư băt pôm tơdrong pơhlŭ đe wă kơ sa jên đe apah, thoi 'bok 'Balam sơ̆. Lu đe âu ưh kơ chu kơ yŏng sư pơgơ̆r, thoi 'bok Kôrê sơ̆ jing răm hloi.

I Sam 15:22

Samuel khan: Kră Yang lăp đon kơ pơyơ̆r tơmam soi 'buh noh hloh kơ chu yom kơ nơ̆r Sư dah ưh? Chu yom kiơ̆ nơ̆r 'lơ̆ng hloh kơ tơmam soi, mơ̆ng pơm kiơ̆ 'lơ̆ng hloh kơ rơmă triu tơno.