Jo 22:6 - Sơ̆p Hlabơar Nơ̆r 'Bok Kei-Dei

⁶ Thoi noh, inh apinh ih năm hiap lu sư dang ei hloi, yua kơ lu sư pran hloh kơ inh. Wă kơ inh kĕ blah pơrăm păng puh lu sư weh đơ̆ng char, yua kơ inh băt tơdah ih hơpơi kơ đe pŭn hiôk đei pŭn hiôk, tơdah ih hiap bu bơngai noh gô răm gô pŭ hơngiap.

Jo 22:6 Iomraidhean Croise

Bl 12:3

Inh gô ăn pŭn hiôk kơ bu mă sơkat kơ ih pŭn hiôk. Inh gô hiap pơtê̆ bơngai bu mă hiap pơtê̆ ih; păng đĭ-đăng adrĕch adrung kon bơngai kơpal teh âu gô đei pŭn hiôk đơ̆ng ih.”

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

I Pot 22:13

Bơngai mă đe wơh năm krao Mikai 'noh, sư khan: “Lu 'bok khan lê̆ adrol, lu sư pôm jơhngơ̆m hăm nơ̆r pơtao hơpơi rŏ kơ nơ̆r ih kư̆m khan lê̆ adrol trŏ thoi lu sư. Pơma bĕ mă 'lơ̆ng.”

I Pot 22:6

Thoi noh na pơtao đe Isơrael krao akŭm đei puăn-hrĕng 'nu lu 'bok khan lê̆ adrol, na jet lu sư: “Inh hăm gơh năm blah pơlei Ramôt Gileat ưh dah lê̆ đĕch?” Lu sư khan: “Gơh mơ̆n, năm blah bĕ, yua kơ Kră Yang gô jao pơlei 'noh lăm tơpang ti ih.”

I Pot 22:8

Pơtao Isơrael tơl Jêhôsaphat khan: “Đei oei pă minh 'nu anăn sư Mikai kon drŏ-nglo Imla; đơ̆ng sư 'noh bơ̆n gơh krao apinh jet Kră Yang; mă-lei inh areh kơ sư dêh, yua kơ sư ưh kơ khan lê̆ adrol tơdrong 'lơ̆ng gah inh, tă tơdrong kơnê̆ ngăl.” Jêhôsaphat tơl: “Pơtao ih 'nĕ kơ pơma thoi noh.”

Ne 13:2

Yua kơ lu sư ưh kơ đei sơng păng glơng ăn 'bĕng păng đak nhă kơ kon pơlei Isơrael, mă-lei mơng apah Balaam hiap pơtê̆ kon pơlei Isơrael, mă-lei Kră Yang 'Bok Kei-Dei lu nhôn tơplih tơdrong hiap pơtê̆ noh jing tơdrong hơpơi ăn pŭn hiôk.

Horiso 109:28

Lê̆ lu sư blei hiap, mă-lei Ih ăn pŭn hiôk. Layơ lu sư iung blah lu sư gô mơlâu, Mă-lei gah lu đĭch đam Ih gô chơt hiôk.

Tơdrông Pơđơk 26:2

Thoi sem rĕch păr tơ âu tơ to, Thoi sem pleng păr juang suang plơ̆ plĕch. Nơ̆r đe hiap tơdrong kơ đei huay kơ truh ôh.

Êsêkiên 13:6

Lu sư 'bôh tơdrong tơ'bôh hơlĕnh păng pơm pơjâu tơwir ưh kơ trŏ; lu sư khan Kră Yang khan thoi âu, mă-lei Kră Yang ưh kơ đei wơh lu sư; na lu sư hơpơi wă kơ nơ̆r lu sư khan noh gô đei sĭt.

Mi 6:5

Ơ kon pơlei pơla Inh, athei 'blŏk bĕ kơ Balak pơtao Môap đei chă đon kơnê̆ păng nơ̆r Balaam kon drŏ-nglo Bêôr tơl lu sư; athei 'blŏk bĕ kơ tơdrong Inh đei pơm đơ̆ng Sitim truh tơ Gilgal, wă kơ ih băt tơdrong 'lơ̆ng tơpăt Kră Yang!

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 22:17

yua kơ inh gô apah ih tih tơpă păng gô pơm kiơ̆ ih athei inh pơm. Apinh ih năm hiap pơrăm adrĕch 'nâu.

Jo 23:13

Balak khan kơ sư: “Hiăng bĕ năm kiơ̆ inh tơ anih nai, đơ̆ng noh ih gô 'bôh lu sư, 'bôh lu sư jê̆ 'biơ̆, mă-lei ih ưh kơ đei 'bôh đĭ lu sư ôh, ih 'bôh minh puăt đĕch, na ih gô hiap lu sư đơ̆ng noh.”

Jo 23:27

Balak khan kơ Balaam dơ̆ng: Thoi ei, hiăng năm, inh gô năm ba ih tơ anih nai; rŏ lăng Kră Yang 'Bok Kei-Dei gô ăn kơ ih hiap lu kon pơlei noh tơ noh.

Jo 24:9

lu sư drap, drum thoi dăm-brang tơno, kư̆m thoi dăm-brang akăn: Bu pơ̆n râu tơiung lu sư? Pŭn hiôk dêh kơ bơngai bu hơpơi ăn pŭn hiôk kơ ih, Hiap bĕ lu bơngai bu hiap ih.

Jang 16:16

Minh năr ei hơtai nhôn năm tơ anih akŭm krao khan nhôn tơ'bơ̆p minh 'nu bơngai adruh sư đĭch đe. Sư bơngai yang mơ̆t pơm kơ sư wơnh. Na yang kơnê̆ ăn kơ sư pơm pơjâu khan lê̆ hơdrol. Lu yŏng đĭch ei yua jên đơ̆ng đĭch sư chă pơma khan kơ đe na đe ăn kơ bơngai adruh yang mơ̆t ei, na lu yŏng sư jing mơdrŏng.

Both 23:4

Yua kơ kơplah lu iĕm lĕch hlôi đơ̆ng dêh Êyiptơ, lu sư ưh kơ năm ba 'bĕng tơmam sa păng đak nhă sơng iŏk lu iĕm mă rai krao apah Balaam kon drŏ-nglo Bêôr oei tơ pơlei Pêthôr char Aram Naharaim, a năm hiap lu iĕm.

Jôsuê 24:9

Kơplah Balak kon drŏ-nglo Sêpbô pơtao Môap iung tơblah hăm kon pơlei Isơrael, wơh Balaam, kon drŏ-nglo Bêôr, wă kơ hiap lu iĕm.

I Sam 17:43

Bơngai Philistin khan kơ Đawit: Inh ưh kơ sĭ kơ kŏ na ih chĕp 'long băl năm tơ inh? Bơngai Philistin yua anăn yang lu sư na hiap Đawit.