Jo 22:18 - Sơ̆p Hlabơar Nơ̆r 'Bok Kei-Dei

¹⁸ Balaam tơl nơ̆r lu kră pơgơ̆r đơ̆ng Balak wơh thoi âu: Mă khan Balak ăn kơ inh hnam sư 'bĕnh kơ hu maih, inh kư̆m ưh kơ gơh pơhloh kơ nơ̆r Kră Yang 'Bok Kei-Dei inh tơtă, na pơm minh tơdrong mă tih mă iĕ.

Jo 22:18 Iomraidhean Croise

I Pot 13:8

Mă-lei bơngai mă Kră Yang 'Bok Kei-Dei yua ei tơl pơtao khan: “Mă ih ăn kơ inh minh puăt dêh char ih, inh kư̆m ưh kơ năm hơdai ih păng inh kư̆m ưh kơ sŏng sa dah nhă đak tơ âu.

I Pot 22:14

Mă-lei Mikai khan: “Sĭt tơpă Kră Yang mă arih, inh gơh pơma tơdrong kiơ mă Sư athei inh pơma.”

II Ho 18:13

Mă-lei Mikaia khan: “Kiơ̆ kơ thoi Kră Yang arih ling-lang, Kră Yang 'Bok Kei-Dei inh khan liơ, inh gô pơma thoi noh.”

Jop 3:15

Hơdai hăm lu yŏng pơgơ̆r đei hu maih tah mong 'bĕnh kơ hnam lu sư.

Da 5:17

Thoi noh Đaniel tơl pơma 'bơ̆t anăp pơtao thoi âu: Pơtao ih kư̆ kơ bơwei tơmam noh păng gô apah lu đe nai tơmam noh! Mă khan, huay kơ apah inh kư̆m đŏk ăn lu chư noh kơ ih păng tơblang ăn kơ ih pơtao.

Jo 22:19

Mă-lei kư̆m apinh iĕm 'bĭch tơ âu hăm inh măng 'nâu, wă kơ băt Kră Yang gô pơma khan kơ inh tơdrong kiơ dơ̆ng.

Jo 22:38

Balaam tơl Balak khan: 'Nâu inh năm truh tơ ih boih, dang ei inh ưh kơ gơh chă pơma minh 'bar nơ̆r Inh gô pơma kiơ̆ mă Kră Yang 'Bok Kei-Dei ăn nơ̆r lăm 'bơ̆r inh.

Jo 22:8

Balaam tơl lu sư: 'Bĭch bĕ tơ âu măng 'nâu, inh gô roi ăn kơ lu iĕm kiơ̆ kơ Kră Yang đei khan kơ inh. Lu kră pơgơ̆r char Môap 'bĭch tơ hnam Balaam.

Jo 23:26

Balaam tơl Balak khan: Inh ưh tam mă khan kơ ih hă: Inh athei pơm kiơ̆ dôm tơdrong Kră Yang gô khan athei.

Jo 24:12

Balaam khan kơ Balak, “Inh ưh kơ đei khan kơ lu bơngai mă ih wơh năm krao inh hă?

Jo 24:13

Mă khan Balak ăn kơ inh hnam sư 'bĕnh kơ hu 'maih, inh kư̆m ưh kơ lê̆ ôh nơ̆r đơ̆ng Kră Yang tơtă athei, wă pơm tơdrong trŏ 'lơ̆ng dah kơnê̆ mơ̆ng kơ inh kơdih wă; inh athei pơma dôm tơdrong kiơ mă Kră Yang đei khan!

Jang 8:20

Na Pêtrôs khan kơ Simôn thoi âu: “Ih păng jên ih gô hiong lăm dơnâu ŭnh đĕch, ih ngêh khan gơh răt Yang Bơhngol 'Lơ̆ng 'Bok Kei-Dei.

Tit 1:16

Lu bơngai bơtho hơ'mon tơdrong bơngai Juđê 'noh sư khan sư lui kơ 'Bok Kei-Dei boih mă-lei sư ưh kơ kiơ̆ tơdrong 'Bok Kei-Dei wă. Đon lu sư thoi noh, bơ̆n băt lu sư tam mă lui tơpă. 'Bok Kei-Dei ưh kơ lăp đon kơ tơdrong lu sư pơm ôh. Lu sư bơngai kơnê̆ krưp ưh kơ chu. Lu sư ưh kơ đei pơm minh tơdrong kiơ 'lơ̆ng thoi yơ.

Jôsuê 24:10

Mă-lei inh ưh kơ wă mơ̆ng Balaam; thoi noh sư jing tă tơ sơkat ăn pŭn hiôk kơ lu iĕm păng Inh dŏng pơklaih lu iĕm đơ̆ng tơpang ti Balak.