Jo 22:11 - Sơ̆p Hlabơar Nơ̆r 'Bok Kei-Dei

¹¹ Lăng deh, đei minh khŭl kon pơlei 'nao lĕch đơ̆ng char Êyiptơ lơ 'bĕnh jơ̆p-jang kơ teh; apinh ih năm hiap lu sư hrei âu hloi; wă kơ inh blah pơrăm păng puh tơweh lu sư.”

Jo 22:11 Iomraidhean Croise

Bl 27:29

Đĭ kon bơngai gô chu yom kơ kon. Đĭ lu dêh char gô drap kơkuh 'bơ̆t anăp kon! E athei gơh pơgơ̆r lu 'nhŏng oh, dôm lu 'nhŏng oh kon mĕ e gô kơkuh 'bơ̆t anăp e. Bu pơjăm, hiap e Kră Yang 'Bok Kei-Dei gô hiap tơwih. Bu sơkat pŭn hiôk ăn kơ e, Kră Yang 'Bok Kei-Dei gô sơkat ăn kơ sư pŭn hiôk mơ̆n!

Jo 22:10

Balaam tơl Kră Yang 'Bok Kei-Dei, “Balak kon drŏ-nglo Sipôr pơtao char Môap wơh lu sư năm tơ inh, khan,

Jo 22:12

Kră Yang 'Bok Kei-Dei khan kơ Balaam thoi âu: “Ih 'nĕ kơ năm hơdai lu sư, 'nĕ kơ hiap khŭl kon pơlei 'nâu yua kơ adrĕch kon pơlei 'nâu lu sư đei tơdrong pŭn hiôk.”

Jo 23:11

Balak khan kơ Balaam: Ih đei pơm kiơ kơ inh bơih? Inh apinh ih năm tơ âu wă kơ ih hiap lu bơngai ayăt kơ inh na mă rai hơpơi ăn kơ lu sư pŭn hiôk dơ̆ng!

Jo 23:7

Balaam roi pơdah hăm nơ̆r hơri sư khan: Balak, pơtao Môap, krao inh đơ̆ng dêh Aram, đơ̆ng kông gah hơlĕch păng khan: Năm hiap lu adrĕch Jakôp bĕ! Năm hiap hil kơ lu adrĕch Isơrael bĕ.

Jo 24:10

Balak hil areh kơ Balaam, tap ti păng khan kơ Balaam: Inh krao ih wă kơ ih hiap lu bơngai ayăt kơ inh; na ih rai sơkat pŭn hiôk ăn kơ lu sư đei pêng wơ̆t boih.

Jôsuê 24:10

Mă-lei inh ưh kơ wă mơ̆ng Balaam; thoi noh sư jing tă tơ sơkat ăn pŭn hiôk kơ lu iĕm păng Inh dŏng pơklaih lu iĕm đơ̆ng tơpang ti Balak.

I Sam 17:43

Bơngai Philistin khan kơ Đawit: Inh ưh kơ sĭ kơ kŏ na ih chĕp 'long băl năm tơ inh? Bơngai Philistin yua anăn yang lu sư na hiap Đawit.