Jo 21:7 - Sơ̆p Hlabơar Nơ̆r 'Bok Kei-Dei

⁷ kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Jo 21:7 Iomraidhean Croise

Bl 20:17

Abraham krao apinh Kră Yang 'Bok Kei-Dei, na sư pơklaih ăn tơdrong jĭ pơtao Abimêlek, akăn sư hăm lu đam sư, thoi noh na đĭ-đăng lu sư đei hơ'lơ̆p ngăl dơ̆ng.

Bl 20:7

Dang ei pơdrâu bĕ drŏ-kăn noh kơ klo sư, yua kơ klo sư bơngai khan lê̆ adrol, sư gô krao khan kơ ih na ih gô arih. Dah ưh kơ pơdrâu, ih athei băt ih hăm lu bơngai oei hơdai ih sĭt gô lôch.”

I Pot 13:6

Pơtao khan kơ bơngai đơ̆ng Kră Yang 'Bok Kei-Dei yua: “Apinh ih krao khan bĕ apinh Kră Yang 'Bok Kei-Dei ih, apinh ih krao khan tơgŭm inh, wă kơ ti inh gơh klaih thoi so.” Bơngai mă Kră Yang 'Bok Kei-Dei yua ei krao khan apinh Kră Yang na ti pơtao klaih gơh kơchôt thoi so hloi.

II Pot 13:4

Jêhôahas krao apinh Kră Yang na Kră Yang mơ̆ng nơ̆r sư; yua kơ Kră Yang 'bôh pơtao đe Aram pơgŏ pơđep kon Pơlei Isơrael dêh.

Jop 42:10

Đơ̆ng rŏng kơ Jop krao khan ăn kơ buăl sư đang bơih, Kră Yang ăn kơ Jop đei pŭn hiôk păng ăn kơ Jop đei 'bar 'bar lu mŭk tơmam đei 'bar 'bar hơgrop lu sem dơrong.

Jop 42:8

Na dang ei, rôp bĕ tơpơh tŏ rơmo tơno păng tơpơh tŏ triu tơno năm truh tơ Jop, đĭch đam Inh, lu iĕm pơyơ̆r tơmam soi 'buh; na Jop đĭch đam Inh, gô krao khan ăn kơ lu iĕm; Inh gô tơl nơ̆r sư, na Inh huay kơ phak lu iĕm kiơ̆ kơ tơdrong kơtul kơmŭl lu iĕm, yua kơ lu iĕm ưh kơ đei pơma tơpăt gah Inh thoi Jop đĭch đam Inh mă pơma bơih.”

Horiso 106:23

Thoi noh; Sư khan: Sư wă pơlôch pơđĭ lu sư. Dah ưh kơ Môis, bơngai Sư rơih, dơ̆ng 'bơ̆t anăp Kră Yang 'Bok Kei-Dei.a Wă apinh Kră Yang 'Bok Kei-Dei lê̆ pă hil, huay kơ pơlôch đĭ lu sư.

Horiso 78:34

Kơplah Kră Yang pơlôch lu sư, lu sư krao apinh Kră Yang. Tơbral chơchă krao apinh Kră Yang 'Bok Kei-Dei.

Le 10:17

Dang ei, apinh ih mơnat ăn kơ inh pă minh wơ̆t 'nâu; păng krao khan bĕ kơ Kră Yang 'Bok Kei-Dei lu iĕm, wă kơ sư iŏk lê̆ đơ̆ng inh tơdrong pơrăm krưp 'nâu.

Le 32:11

Mă-lei Môis krao apinh hloi Kră Yang 'Bok Kei-Dei sư khan, Ơ Kră Yang, liơ Ih ơh blĕk hil mĭl kơ kon pơlei pơla Ih, khŭl bơngai mă Ih đei chông tơlĕch bơih đơ̆ng char Êyiptơ hăm tơdrong mơsêh tih hăm ti pran kơtang Ih?

Le 32:30

Năr dơning Môis khan kơ lu kon pơlei pơla lu iĕm pơm bơih minh tơdrong glăi tih. Mă-lei dang ei inh wă tŏk tơ kông năm tơ Kră Yang. Rŏ lăng inh kư̆m gơh apinh huai iŏk tơdrong yoch lu iĕm.

Le 8:28

Pharaôn khan: Inh gô ăn lu iĕm năm, wă kơ iĕm năm pơyơ̆r tơmam soi sơmah kơ Kră Yang 'Bok Kei-Dei lu iĕm, tơ char glă, mă-lei lu iĕm 'nĕ năm ataih hloh kơ noh. Krao khan bĕ kơ inh hai!

Le 8:4

Kit ei gô mơmŏ tŏk tơ akâu ih, akâu kon pơlei păng rim 'nu kơ đĭch đam ih.

Le 8:8

Pharaôn krao hloi Môis păng Arôn na khan: Krao khan bĕ kơ Kră Yang wă kơ Sư puh kit weh đơ̆ng inh păng đơ̆ng kon pơlei inh; na inh gô achăng kon pơlei Hêbrơ năm pơyơ̆r tơmam soi kơkuh kơ Kră Yang.

Êsai 26:16

Ơ Kră Yang, lu sư chă Ih kơplah lu sư đei tơdrong pơmat-tat, lu sư krao khan apinh Ih mơmơnh kơplah Ih đei phak bơtho lu sư.

Je 15:1

Kră Yang khan kơ inh: “Mă khan Môis păng Samuel dơ̆ng 'bơ̆t anăp Inh, Inh kư̆m ưh kơ mơnat kơ kon pơlei 'nâu. Pơpuh tơweh bĕ lu sư đơ̆ng anăp Inh.

Je 37:3

Pơtao Sêđekia wơh Jêhukal kon drŏ-nglo Sêlemia păng Sephania 'bok soi kon drŏ-nglo Maaseia, năm tơ Jêrêmi bơngai khan lê̆ adrol păng khan: “Apinh ih krao apinh Kră Yang 'Bok Kei-Dei bơ̆n tơgŭm lu nhôn.”

Hôsia 5:15

Inh gô wih brŏk tơ anih Inh, dĭng truh tơ lu sư băt 'bôh lu sư đei yoch, na krao chă Inh, lăm năr pơmat-tat, lu sư gô adrin chă Inh. Tơdrong lu bơngai Isơrael tơbral. Hil chrih păng phak bơtho.

Jo 11:2

Kon pơlei krao apinh Môis; Môis krao khan apinh Kră Yang, na ŭnh păt.

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Jang 8:24

Na Simôn khan kơ bre sư thoi âu: “Apinh biĕm krao khan kơ 'Bok Kei-Dei tơgŭm inh; apinh Sư mơnat kơ inh 'nĕ ăn kơ inh hiong lăm dơnâu ŭnh thoi ih khan hei.”

Rom 10:1

Ơ lu 'nhŏng oh, inh wă tơpă kơ lu bơngai Isơrael klaih đơ̆ng tơdrong yoch. Inh krao khan kơ 'Bok Kei-Dei apinh tơdrong noh ling-lang.

Both 9:20

Kră Yang kư̆m blĕk hil dêh kơ Arôn, mah truh kơ wă pơlôch sư; inh kư̆m krao khan ăn kơ Arôn lăm kơplah noh.

Ya 5:16

Thoi noh na iĕm athei roi dih băl tơdrong yoch na bôl buăl krao khan tơgŭm, 'Bok Kei-Dei gô ăn kơ lu iĕm mă jĭ jăn klaih praih iung. Bơngai mă lui kơjăp ưh kơ đei tơdrong yoch sư krao khan adrin tơpă na 'Bok Kei-Dei gô tơl tơwih dôm tơdrong sư krao khan noh.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.