Jo 21:29 - Sơ̆p Hlabơar Nơ̆r 'Bok Kei-Dei

²⁹ Ơ Môap! Răm-'băm tơpă kơ ih! Ơ kon pơlei Kêmôs, ih lôch răm đĭ boih! Lu kon drŏ-nglo gô kơdâu ôn păng tơklah tơklang, lu kon drŏ-kăn ih gô jing bơnă, kơ Sihôn, pơtao đe Amôrit.

Jo 21:29 Iomraidhean Croise

I Pot 11:33

Inh pơm thoi noh yua kơ sư achăng lê̆ Inh năm kơkuh kơ Astoret yang drŏ-kăn lu bơngai Siđôn, Kêmôs yang lu bơngai Môap, Milkôm yang lu bơngai Ammôn, sư ưh pă năm kiơ̆ trong Inh, ưh pă pơm 'lơ̆ng 'bơ̆t anăp Inh, păng kư̆m ưh kơ wă răk tơdrong juăt Inh păng nơ̆r Inh tơtă thoi Đawit, 'bă sư đei pơm.

I Pot 11:7

Kơpal groi gah hơlĕch kơ pơlei Jêrusalem Sôlômôn man minh pôm hnam kơ Kêmôs yang lu bơngai Môap păng kơ yang Môlek yang lu bơngai Ammôn.

II Pot 23:13

Sư pơm pơ'mê̆ lê̆ lu hnam kơkuh kơ yang nai pơm tơ anih kơjung gah hơlĕch Pơlei Jêrusalem, gah gơal kơ Kông lôch răm, lu anih kơkuh kơ yang noh Sôlômôn pơtao đe Isơrael pơm wă soi sơmah kơ yang Astoret rup yang mă kơnê̆ krưp dêh lu bơngai Siđôn, pơm yang Kêmôs rup yang mă kơnê̆ krưp dêh lu bơngai Môap, pơm yang Mơlek rup yang mă kơnê̆ dêh lu bơngai Ammôn.

Êsai 15:5

Jơhngơ̆m inh hmoi ơh kơ Môap. Lu kon pơlei sư kơdâu ôn tơ pơlei Soar păng truh tơ pơlei Êglat Sêlisia, lu sư tŏk năm tơ pơlei Luhit, nhơ̆m rah yak rah rok trong pơlei Hôrônaim, lu sư hmoi ơh sơ'ngon yua kơ tơdrong đe pơrăm đĭ.

Êsai 16:2

Lu drŏ-kăn Môap tơ tơnŏk đak krong Arnôn gô đông nhen thoi sem păr tơklah tơklang, păng nhen thoi hơnar sem đe yuih lê̆ tơpu.

Je 48:13

Bơngai Môap gô mơlâu kơ yang Kêmôs, kư̆m thoi adrĕch bơngai Isơrael mơlâu boih kơ yang Bethel mă lu sư gơnang.

Je 48:45

Lu bơngai kơdâu klĕnh lap rơmơ̆n lu sư ôn pơdơh lăm yơ̆p pơlei Hesbôn; ưh pă đei bu gơh tơgŭm yua kơ đei ŭnh sa lĕch đơ̆ng pơlei Hesbôn, pla ŭnh đơ̆ng hnam pơtao Sihôn; ŭnh noh soh pơrăm đĭ char Môap, păng sa kơting kơ̆l lu bơngai jreo tơkĕch kơ chu, pơang dih kâu.

Je 48:46

Ơ char Môap, răm-'băm kơ ih! Kon pơlei kơkuh kơ yang Kêmôs pơlôch tơhiong đĭ boih, lu kon drŏ-nglo ih đe rôp chông ba, kon drŏ-kăn ih đe rôp pơm bơnă boih.

Je 48:7

Yua kơ ih gơnang kơ tơdrong jang păng mŭk tơmam lu iĕm kơdih, Đe kư̆m wă rôp ih hai pơm bơnă, Yang Kêmôs, lu 'bok soi păng lu yŏng lu sư dai năm pơm bơnă.

Jo 24:17

Inh 'bôh sư, mă-lei ưh kơ sĭ dang ei ôh; inh lăng tơ sư, mă-lei ưh kơ 'bôh jê̆ ôh; Đei minh pôm sơnglŏng lĕch đơ̆ng Jakôp. Đei minh pôm 'long jra pơtao lĕch dơ̆ng Isơrael; Gô teh pơchah kơ̆l Môap păng pơlôch đĭ kon bơngai mă ngăl iung blah sư.

Lu 11:24

Hăm trŏ kơ ih đei iŏk kiơ mă đơ̆ng Kêmôs yang ih ăn kơ ih? Kŭm thoi, lu nhôn kư̆m iŏk wei đĭ-đăng char mă đơ̆ng Kră Yang 'Bok Kei-Dei nhôn ăn kơ nhôn.