Jo 21:14 - Sơ̆p Hlabơar Nơ̆r 'Bok Kei-Dei

¹⁴ Yua kơ noh đe đei chih boih sơ̆p hla bơar anăn Tơdrong Kră Yang Tơblah khan thoi âu: Wahep oei lăm Supha păng lăm thŭng đak Krong Arnôn,

Jo 21:14 Iomraidhean Croise

II Sam 1:18

Đawit bơtho tơ'blŏk kơ lu kon pơlei bơngai Juđa 'bai hơri hơ'ngon gah Hră jŭk, mă đe gô chih răk lăm sơ̆p hla bơar roi gah Bơngai 'lơ̆ng tơpăt (Jashar)

Êsai 16:2

Lu drŏ-kăn Môap tơ tơnŏk đak krong Arnôn gô đông nhen thoi sem păr tơklah tơklang, păng nhen thoi hơnar sem đe yuih lê̆ tơpu.

Jo 21:13

Đơ̆ng noh lu sư yak năm oei pơdơh tơ pah to đak krong Arnôn, oei tơ lăm char glă, să truh tơ char Amôrit; yua kơ đak Krong Arnôn hơdral hăm char Môap păng kon pơlei Amôrit.

Jo 21:15

Păng thŭng glă truh tơ Ar păng tơ'bưh 'bơm hơdral char Môap.

Luka 24:27

Na đơ̆ng noh Yêsu tơblang kơ bre sư dôm tơdrong đơ̆ng sơ̆p hla bơar 'Bok Kei-Dei khan lê̆ hơdrol gah tơdrong Sư, mă đơ̆ng Môis mă truh tơ đĭ lu bơngai pơtruh nơ̆r 'Bok Kei-Dei sơ̆.

Both 2:24

Iung bĕ, yak năm hlôi kơ đak glung Arnôn to;b Inh jao Sihôn, pơtao Hesbôn, bơngai Amôrit, hăm dêh lu sư lăm tơpang ti iĕm; pơtơm iŏk bĕ păng tơblah hăm lu sư.

Jôsuê 10:13

Thoi noh Măt 'năr oei dơ̆ng minh 'bôt hăm măt khei dơ̆ng hloi, dĭng truh kơ kon pơlei Isơrael blah tơwih lu ayăt kơ lu sư, đang boih tơdrong noh đei chih lăm sơ̆p hla bơar Jashar. Măt 'năr oei dơ̆ng hloi tơ plĕnh, ưh kơ mơ̆t, lăm minh năr noh.

I Sam 18:17

Sôl pơma dơnuh hăm Đawit: 'Nâu Mêrap kon drŏ-kăn kơdră inh. Inh gô ăn kơ ih oei pơm akăn mă-lei ih athei mă nuih tơblah ăn kơ Kră Yang. Sôl tơchĕng lăm jơhngơ̆m khan: Tơpang ti inh ưh kơ gơh pơrăm sư, mă-lei lê̆ kơ tơpang ti lu kon pơlei Philistin pơrăm sư noh trŏ hloh.