Jo 20:8 - Sơ̆p Hlabơar Nơ̆r 'Bok Kei-Dei

⁸ Iŏk bĕ 'long jra ih, hăm Arôn 'nhŏng ih, năm akŭm bĕ kon pơlei, na măr iĕm athei khan kơ tơmo 'bơ̆t anăp kon pơlei, na tơmo noh đei đak lĕch; ih gô pơm kơ tơmo noh đei đak lĕch ăn kơ kon pơlei hăm lu sem dơrong nhă.

Jo 20:8 Iomraidhean Croise

Bl 18:14

Hăm đei tơdrong kiơ mă Kră Yang ưh kơ gơh pơm? Truh năr đêl pơkă, lăm minh sơnăm dơ̆ng, inh gô hơlơ̆k tơ ih păng Sara gô đei tơpŭ kơ minh 'nu kon drŏ-nglo.”

Ne 9:15

Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.

Horiso 105:41

Sư blah tơmo, na đei hloi đak lĕch, ro tơ char glă thoi đak krong.

Horiso 114:8

Sư boih ăn tơmo kŭk jing đak dơnâu. Tơplih tơmo hơrăk jing tu đak.

Horiso 33:9

Đơ̆ng Sư sơkat, na đei hloi, Sư athei, na tơmam kơjăp hlŏng hloi.

Le 14:16

Na ih athei yơ̆r 'long jra tơ kơpal, chro ti tơ đak dơsĭ, tơklah lê̆ đak 'bar pah, na kon pơlei Isơrael gô jur lăm đak dơsĭ yak năm thoi kơpal teh hrĕng.

Le 17:9

Môis khan kơ Jôsuê: Rơih iŏk bĕ lu bơngai nuih kơtang, năm tơblah hăm kon pơlei Amalek; năr dơning inh gô dơ̆ng tơ kơpal groi, chĕp 'long jra Kră Yang 'Bok Kei-Dei lăm ti.

Le 4:17

Ih chĕp 'long jra 'nâu wă yua pơm tôm tơdrong hlĭch.

Le 4:2

Kră Yang khan: Ti ih chĕp kiơ? Môis tơl khan: Minh pôm 'long jra.

Le 4:20

Môis sư pôk hơtŏk akăn păng kon sư tơ kơpal kơdŭ aseh iĕ, wih brŏk tơ dêh Êyiptơ. Sư chĕp ba 'long jra đơ̆ng Kră Yang 'Bok Kei-Dei ăn kơ sư.

Le 7:20

Na, Môis păng Arôn pơm kiơ̆ thoi nơ̆r Kră Yang tơtă ăn kơ bre sư. 'Bơ̆t anăp Pharaôn păng đam sư; Arôn hiŏng 'long jra tơ kơpal na teh đak krong Nil na đak krong Nil jing pham hloi.

Êsai 43:20

Lu sem bri, kŏ bri păng sem diydui gô kơkuh ư-ang kơ Inh. Yua kơ Inh ăn đak ro lăm char glă, păng pơm lu tu glung đak tơ char glă, wă kơ kon pơlei mă inh rơih iŏk bơih lu sư đei đak nhă.

Êsai 48:21

Kơplah Kră Yang chông ba lu sư năm lăm char glă, lu sư ưh kơ đei ol kơ đak, Kră Yang ăn đak lĕch đơ̆ng tơmo. Kră Yang blah tơmo. Na đak lĕch ro.

Jo 20:11

Môis yơ̆r ti sư teh tơmo 'bar wơ̆t hăm 'long jra sư. Đak lĕch ro hloi lơ tơpă, kon pơlei nhă păng lu sem dơrong sư kư̆m nhă.

Jo 20:7

Kră Yang khan kơ Môis thoi âu:

Jo 21:15

Păng thŭng glă truh tơ Ar păng tơ'bưh 'bơm hơdral char Môap.

Jo 21:18

Hơlŭng đak mă lu yŏng kơdră sir boih, lu kon pơtao kư̆m sir boih sơlŭng đak. Hăm 'long jra pơtao păng hăm 'long jra lu sư. Đơ̆ng noh lu sư lĕch đơ̆ng char glă na năm tơ Mathana.

Mathiơ 21:21

Yêsu khan kơ lu sư: “Inh khan kơ iĕm tơpă, dah iĕm đei đon lui kơjăp, 'nĕ kơ pơngiĕl, lei ưh kơ sĭ kơ pôm 'long hơra âu đĕch ôh iĕm gơh sơkat. Dah iĕm wă sơkat kơ kông âu gơh mơ̆n. Iĕm khan thoi âu: ‘Weh bĕ e, hiŏng kơtah kơdih tơ đak dơsĭ to.’ Tơdrong iĕm pơma noh gô 'bôh hloi tơpă.

Luka 11:13

Iĕm bơngai kơnê̆ ră, mă-lei iĕm kư̆m băt chă ăn kơ kon iĕm tơmam sa 'lơ̆ng, pơma kiơ kơ 'Bă bơ̆n tơ plĕnh ti, dah bơ̆n apinh Sư, Sư gô ăn kơ bơ̆n Yang Bơhngol 'Lơ̆ng tơpă.”

Yo 16:24

Iĕm athei apinh 'Bă Inh, thoi âu: Yua kơ nhôn lui kơ Kon Ih Yêsu na nhôn apinh Ih wă kơ Ih ăn kơ nhôn tơdrong noh. Iĕm apinh Sư thoi noh, gô đei kơ iĕm tơpă. Thoi noh na iĕm chơt hiôk chhơp kơ jơhngơ̆m iĕm tơpă. Mă-lei đơ̆ng sơ̆ khơ̆ dang ei iĕm tam mă krao khan apinh Sư thoi noh 'mơ̆i.

Jang 1:14

Lu đe âu krao khan ling-lang kơ Kră Yang 'Bok Kei-Dei. Kư̆m đei Mari mĕ Yêsu păng lu oh Yêsu drŏ-nglo păng lu drŏ-kăn nai dơ̆ng akŭm pôm đon krao khan păng lu sư mơ̆n.

Jôsuê 6:20

Kon pơlei ôr păng lu 'bok soi hlôm tơgiĕp re pơhioi. Kơplah lu sư kơtơ̆ng tơgiĕp đe hlôm re pơhioi na lu sư ôr jreo rơ̆n, dur pơlei păk pơchah đĭ, rim 'nu năm mơ̆t tơklă anăp kơdih. Kon pơlei đei blah iŏk pơlei noh.

Jôsuê 6:5

Mưh lu 'bok soi hlôm tơgiĕp re, lu iĕm kơtơ̆ng tơgiĕp hlôm re, đĭ-đăng kon pơlei pơla 'bơ̆r ôr jreo, na dur gô păk pơchah, kon pơlei gô tŏk hao mơ̆t rok tơklă anăp lu sư.

Tơdrông Tơ'bôh 22:1

Đơ̆ng noh linh jang 'lơ̆ng ei tơ'bôh dơ̆ng kơ inh đak krong mă ăn kơ kon bơngai arih. Đak krong ei hlăng chơchơr thoi getchai. Sư ro đơ̆ng tang-dŏ 'Bok Kei-Dei hăm Kon Triu.

Tơdrông Tơ'bôh 22:17

Yang Bơhngol 'Lơ̆ng hăm akăn Kon Triu bơtho khan kơ lu bơngai tam mă lui thoi âu: “Bu ol kơ đak nhă bĕ.” Na lu bơngai lui mă mơ̆ng đe đŏk hla bơar tơdrong âu, bĕ lu iĕm kư̆m wang chă bơtho đe thoi noh mơ̆n, khan: “Bu ol kơ đak nhă bĕ.” Năm bĕ bu ol kơ đak, nhă đak noh; đak noh gơh arih kon bơngai ling-lang, nhă đĕch ưh kơ răt ôh.