7 Kră Yang khan kơ Môis thoi âu:
Đơ̆ng kơpal plĕnh Ih tơjur ăn 'bĕng sa wă huay kơ pơngot, pơm kơ tơmo đei đak lĕch ro ăn kơ lu sư nhă, pơkă kơ lu sư mơ̆t iŏk asong dêh char mă Ih wă ăn kơ lu sư.
Môis păng Arôn kơdŭn weh đơ̆ng anăp lu bơngai tơpôl akŭm ei, năm 'bơ̆t anăp 'măng Bơsŭn Anih Akŭm na kŭp kơ̆l drap bon tơ teh; păng đei tơdrong rang hơdah đơ̆ng Kră Yang pơchrang tơ măr sư.
Iŏk bĕ 'long jra ih, hăm Arôn 'nhŏng ih, năm akŭm bĕ kon pơlei, na măr iĕm athei khan kơ tơmo 'bơ̆t anăp kon pơlei, na tơmo noh đei đak lĕch; ih gô pơm kơ tơmo noh đei đak lĕch ăn kơ kon pơlei hăm lu sem dơrong nhă.
Mă-lei Kră Yang khan; yua kơ đơ̆ng lu iĕm na Kră Yang hil kơ inh, kuă kơ mơ̆ng nơ̆r inh Kră Yang khan kơ inh: Tôm boih; 'nĕ pă roi gah tơdrong 'nâu dơ̆ng kơ Inh.
