Jo 20:6 - Sơ̆p Hlabơar Nơ̆r 'Bok Kei-Dei

⁶ Môis păng Arôn kơdŭn weh đơ̆ng anăp lu bơngai tơpôl akŭm ei, năm 'bơ̆t anăp 'măng Bơsŭn Anih Akŭm na kŭp kơ̆l drap bon tơ teh; păng đei tơdrong rang hơdah đơ̆ng Kră Yang pơchrang tơ măr sư.

Jo 20:6 Iomraidhean Croise

I Ho 21:16

Đawit lăng 'bôh linh jang 'lơ̆ng Kră Yang dơ̆ng tŏk-bŏk teh hăm plĕnh. Ti sư chĕp đao yơ̆r tơ gah pơlei Jêrusalem. Kơplah noh Đawit hăm kră pơlei hrŭk 'bi sơtơ̆p kŭl-tăng kŭp muh măt tơ teh.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 17:4

Môis krao apinh Kră Yang khan: Inh wă pơm liơ hăm kon pơlei 'nâu? Lu sư 'maih wă klơ̆m inh păng tơmo!

Jo 12:5

Kră Yang jur hăm hơmơ̆l dơ̆ng 'bơ̆t 'măng Bơsŭn Anih Akŭm, na krao Arôn păng Miriam; na bre sư năm.

Jo 14:10

Kơplah noh lu kon pơlei Isơrael akŭm wă klơ̆m bre sư tơmo, mă-lei đei tơdrong rang mơnhal Kră Yang đei pơdah pơchrang tơ Bơsŭn Anih Akŭm 'bơ̆t anăp lu kon pơlei Isơrael Akŭm.

Jo 14:5

Bre Môis păng Arôn drap bon tơ teh 'bơ̆t anăp kon pơlei Isơrael akŭm.

Jo 16:19

Kơplah Kôrê pơtơm akŭm, lu kon pơlei iung pơma blah Môis păng Arôn 'bơ̆t 'măng Bơsŭn Anih Akŭm; tơdrong rang hơdah Kră Yang pơchrang kơ đĭ-đăng khŭl kon pơlei akŭm.

Jo 16:22

Bre sư drap tơ teh kơkuh păng khan: Ơ Kră Yang 'Bok Kei-Dei, Ih Kră Yang 'Bok Kei-Dei ăn tơdrong arih kơ lu sĕch akar kon bơngai! Lăp minh 'nu đĕch pơm yoch lei Ih wă hil mĭl kơ đĭ-đăng kon pơlei hă?

Jo 16:4

Môis kơtơ̆ng tơdrong noh, sư kŭp kơ̆l drap tơ teh,

Jo 16:42

Kơplah lu khŭl kon pơlei oei pơma kơ Môis păng Arôn, lu sư lăng tơ gah Bơsŭn Anih Akŭm 'bôh hơmơ̆l gom Bơsŭn păng đei tơdrong ư-ang rang mơnhal Kră Yang pơchrang.

Jo 16:45

Kơdâu weh bĕ đơ̆ng lu bơngai tơpôl akŭm âu; na Inh gô pơlôch pơrăm lê̆ lu sư ưh kơ tam băt. Mă-lei bre sư drap tơ teh kơkuh,

Jo 20:7

Kră Yang khan kơ Môis thoi âu:

Mathiơ 26:39

Yêsu năm ataih 'biơ̆ đơ̆ng lu pêng 'nu noh na Sư 'nap kŭp kơ̆l krao khan kơ 'Bă Sư thoi âu: “Ơ 'Bă, dah gơh, ăn kơ Inh klaih đơ̆ng tơdrong gleh âu. Mă-lei Ih 'nĕ pơm kiơ̆ kơ Inh, pơm kiơ̆ kơ Ih đĕch.”

Jôsuê 7:6

Jôsuê hek ao sư kơdih, sư păng lu kră pơlei Isơrael, drap tơ teh kŭp kơ̆l 'bơ̆t anăp Hom Kră Yang truh tơ kơsơ̆ măng păng chup 'mui teh klă 'bĕnh kơ kơ̆l lu sư kơdih.