Jo 20:24 - Sơ̆p Hlabơar Nơ̆r 'Bok Kei-Dei

²⁴ Arôn gô lôch brŏk tơ anih yă 'bok sư, yua kơ sư ưh kơ gơh kơ mơ̆t ôh tơ dêh char mă inh wă ăn kơ bơngai Isơrael yua kơ sư sơngah pơjah kơ nơ̆r Inh tơtă tơ anih đak Mêriba.

Jo 20:24 Iomraidhean Croise

Bl 15:15

Gah ih gô arih sot dĭng kră truh tơ ih lôch, na ih gô brŏk tơ yă 'bok hiôk-hian;a

Bl 25:17

Ismael arih đei minh-hrĕng pêng-jĭt tơpơh sơnăm, na kơtĕch jơhngơ̆m lôch; na brŏk kiơ̆ yă 'bok.

Bl 25:8

Sơnăm sư đĭ lơ, akâu đĭ kră, arih kư̆m hrăp boih, đơ̆ng noh sư kơtĕch jơhngơ̆m, brŏk kiơ̆ yă 'bok.

Bl 35:29

Sư arih sot, sư arih hrăp boih lăm chăl arih sư, na kơtĕch jơhngơ̆m kiơ̆ yă 'bok. Êsâu păng Jakôp 'bar 'nu kon drŏ-nglo sư 'bŭ 'bă bre sư.

Bl 49:29

Đơ̆ng noh, sư đei pơma pơkă kơ lu kon drŏ-nglo sư thoi âu: 'Bă gô brŏk kiơ̆ 'bok yă, lu đe kon gô 'bŭ 'bă hơdai 'bok yă, tơ anih trôm tơmo lăm mir Êphrôn, bơngai Hêtit.

Bl 49:33

Kơplah sư hơpơi pơma dôm nơ̆r noh kơ lu kon drŏ-nglo sư đang boih, na Jakôp yon jơ̆ng sư tơ giơng dơ̆ng, na kơtĕch jơhngơ̆m, wih brŏk kiơ̆ yă 'bok sư.

II Ho 34:28

‘Âu Inh gô ăn kơ ih wih oei hơdai hăm lu 'bok ih, đe gô 'bŭ ih hiôk-hian păng măt ih pă đei 'bôh boih dôm tơdrong gleh truh mă Inh wă pơm kơ anih 'nâu hăm kon pơlei oei lăm âu.’ ” Lu đe noh năm roi ăn kơ pơtao nơ̆r noh.

Le 17:7

Sư krao anăn anih noh Masaa păng Mêrib yua kơ kon pơlei Isơrael hil jŏk păng pơlong lăng Kră Yang, khan: Hăm đei Kră Yang oei hăm lu bơ̆n ưh?

Jo 20:26

plôh bĕ ao tai Arôn na pơhrŭk ăn kơ Êlêasar, kon drŏ-nglo sư, Arôn gô lôch tơ anih noh,

Jo 20:5

Yua kơ kiơ ih chông lu nhôn lĕch đơ̆ng dêh char Êyiptơ na năm ba lu nhôn tơ anih kơnê̆ dêh thoi âu, anih mă ưh kơ gơh rei 'ba păng ưh kơ đei 'long plei hơra, dah hơmu, plei gărnăt păng ưh kơ đei đak nhă?

Jo 27:13

Đang kơ ih lăng dêh char noh boih, ih kư̆m gô wih kiơ̆ 'bok yă ih, thoi 'nhŏng ih Arôn kư̆m wih kiơ̆ 'bok yă boih.

Jo 31:2

Năm blah bĕ adrĕch Madian pơm 'mong ăn kơ adrĕch bơngai Isơrael; đơ̆ng noh na ih gô wih brŏk hơdai 'bok yă.

Jo 4:27

'Nâu đĭ dôm tơdrong jang kơ lu kon sâu adrĕch Gersôn, tơmam kiơ mă lu sư tung ba păng dôm tơdrong jang kiơ lu sư pơm athei pơm kiơ̆ kơ nơ̆r Arôn păng lu kon drŏ-nglo sư tơtă athei tơhlâu tơ'bôh; ih jao ăn kơ lu sư wei-lăng tơmam kiơ lu sư athei tung ba.

Both 32:50

Ih gô lôch tơ kơpal kông mă ih wă tŏk noh păng ih gô oei hơdai hăm lu kon pơlei ih, kư̆m thoi Arôn 'nhŏng ih lôch tơ kơpal kông Hôr păng đe kư̆m akŭm hơdai hơbĭ boih hăm lu 'bok yă iĕm.

Both 33:8

Môis sơkat kơ Lêwi thoi âu: Thumim păng Urimb Ih ăn boih kơ bơngai băt hli yom wei răk. Bơngai mă Ih pơlong lăng boih tơ Masa, bơngai mă Ih đei pơjah pơjăng boih tơ đak Mêriba;

Jôsuê 2:9

pơma khan: Inh băt Kră Yang ăn boih kơ lu iĕm dêh char âu, lu nhôn hli krưp dêh păng đĭ-đăng kon pơlei pơla lăm char âu jơhngơ̆m lu sư hli tơrơ dêh kơ lu iĕm tơpă.

Lu 2:10

Đĭ-đăng jơhnơr ei lĕch kiơ̆ yă 'bok lu sư; na đei minh jơhnơr nai iung dơ̆ng mă ưh kơ băt kơ Kră Yang păng kư̆m ưh kơ 'bôh dôm tơdrong mơsêh Kră Yang đei pơm yua kơ lu bơngai Isơrael.