Jo 20:15 - Sơ̆p Hlabơar Nơ̆r 'Bok Kei-Dei

¹⁵ tơdrong 'bok yă lu nhôn năm boih tơ dêh Êyiptơ, lu nhôn oei tơ noh kư̆m đunh, mă-lei kon pơlei lăm dêh char noh pơm kơnê̆ kơ nhôn păng 'bok yă lu nhôn.

Jo 20:15 Iomraidhean Croise

Bl 15:13

Na Kră Yang khan kơ Abram thoi âu: “Inh khan kơ ih tơpă lu adrĕch adrung ih gô oei tơ lăm minh pôm char ưh kơ trŏ char lu sư, oei tơ ei thoi tơmoi đĕch păng pơm đĭch đam kơ char noh, na char noh gô pơjuă pơđep lu sư lăm puăn-hrĕng sơnăm.

Bl 46:6

Lu sư kư̆m anhăk ba lu sem dơrong păng mŭk tơmam lu sư đei jang sa tơ dêh Kanaan, wă jur tơ dêh Êyiptơ.

Bl 46:7

Thoi noh, Jakôp păng đĭ-đăng hnam dơnŏ sư, lu kon drŏ-nglo, lu sâu drŏ-nglo, lu kon drŏ-kăn, lu sư jur đĭ tơ dêh Êyiptơ.

II Sam 12:18

Lăm tơpơh năr nge noh lôch. Lu đĭch đam ưh kơ pơ̆n roi kơ sư băt kơ nge noh lôch; yua kơ lu sư pơma tơduă khan: “Kơplah nge noh oei arih, bơ̆n nŏng kơ pơma pơlung pơtao, pơtao ưh kơ mơ̆ng; na liơ bơ̆n pơ̆n roi kơ sư băt nge noh lôch? Hơmơt kơ sư rai pơm kơ akâu sư!”

Le 1:16

Sư khan: Tơdah lu iĕm kơ'mĭna lu bơngai drŏ-kăn Hêbrơ tơpŭ, mưh tơpŭ kon drŏ-nglo, iĕm ket pơlôch lê̆ hŏ, mưh bơngai drŏ-kăn iĕm rong arih.

Le 1:22

Pharaôn khan tơtă kơ đĭ-đăng kon pơlei sư kơdih thoi âu: Mưh iĕm 'bôh lu bơngai Hêbrơ 'nao tơpŭ kon drŏ-nglo iĕm klơ̆m lê̆ tơ đak krong Nil; kon drŏ-kăn iĕm rong sư arih.

Le 12:40

Kon pơlei Isơrael oei tơ lăm dêh Êyiptơ đunh đei puăn-hrĕng pêng-jĭt sơnăm.

Le 5:14

Lu bơngai Isơrael mă jang lăm khŭl wei-lăng tơrô̆ kon pơlei Isơrael, đe teh lu sư păng hil khan: Liơ năr brei păng năr 'nâu, lu iĕm ưh kơ jang keh mă đêl hơgăt kơ iĕm man gŏch dôm thoi lĕ adrol ki?

Jo 11:5

Lu nhôn 'blŏk kơ đêl 'nhĕm ka đe ăn kơ lu nhôn sa đĕch lăm dêh char Êyiptơ, đei pia đak pia bih, 'bum kơdĭm, kơdĭm hmă, kơdĭm toih.

Jo 16:13

Tơdrong 'nâu iĕ đĕch hă? Ih chông anhăk nhôn lĕch đơ̆ng dêh char đak toh đak sut đei tơmam sa rơkah rơkai, wă pơlôch lu nhôn tơ lăm char glă, mă ih kư̆m oei 'maih pơm yŏng pơjuă kơ̆l nhôn dơ̆ng hă?

Jo 20:14

Đơ̆ng pơlei Kades, Môis wơh bơngai năm roi tơbăt ăn kơ pơtao Eđôm thoi âu: Isơrael noh oh ih, đei khan thoi âu: Ơ pơtao ih băt boih đei tơdrong pơmat-tat truh kơ lu nhôn,

Jo 20:16

Lu nhôn đei krao apinh Kră Yang; sư kơtơ̆ng boih nơ̆r lu nhôn krao khan, na ăn hloi đei minh 'nu linh jang chông tơlĕch nhôn đơ̆ng dêh char Êyiptơ. 'Nâu, dang ei lu nhôn oei lăm pơlei Kades, noh jĭ minh pôm pơlei oei jih sơlam char iĕm.

Jang 7:15

Na Jakôp năm oei tơ dêh char Êyiptơ. Sư lôch tơ ei hloi păng đĭ-đăng kon sư lu kơdră bơ̆n kư̆m lôch tơ ei mơ̆n.

Jang 7:19

'Bok pơtao ei pơm kơnê̆ kơ lu 'bok kơdră bơ̆n sơ̆ păng sư pơgŏ lu sư athei hŭt pơơ̆t đĭ kon nge lu sư wă kơ lu kon nge jah lôch.

Both 26:6

Bơngai Êyiptơ pơm kơnê̆ kơ lu nhôn, rôp lu nhôn pơm đĭch bơ̆jang gleh hrat, lu sư pơmat lu nhôn dêh tơpă.