Jo 20:12 - Sơ̆p Hlabơar Nơ̆r 'Bok Kei-Dei

¹² Kră Yang khan dơ̆ng kơ Môis păng Arôn thoi âu: Yua kơ măr iĕm ưh kơ lui kơ Inh ưh kơ wă pôk pơyom Inh 'lơ̆ng rơgoh, 'bơ̆t anăp kon pơlei Isơrael lei na măr iĕm ưh kơ gơh chông kon pơlei âu năm truh tơ char mă Inh đei pơkă wă ăn kơ lu iĕm.

Jo 20:12 Iomraidhean Croise

II Ho 20:20

Truh pơgê đơ̆ng rŏng, lu sư iung đơ̆ng hrôih lĕch năm tơ tơmăn glă Têkôa; kơplah lu sư oei yak, Jêhôsaphat dơ̆ng tơ noh, khan: “Ơ lu bơngai Juđa păng kon pơlei oei lăm pơlei Jêrusalem mơ̆ng bĕ inh: Lui gơnang bĕ kơ Kră Yang 'Bok Kei-Dei lu iĕm, na lu iĕm pran kơjăp; lui bĕ kơ 'bok khan lê̆ adrol Kră Yang, lei na lu iĕm kĕ jei,”

Horiso 106:32

'Bok lu nhôn pơm kơ Kră Yang blĕk tơ đak Mêriba. Yua kơ đơ̆ng lu sư, na Môis đei tơdrong pơmat-tat.

Horiso 99:8

Ơ Kră Yang 'Bok Kei-Dei lu nhôn, Ih tơl tơwih boih nơ̆r lu sư, Ih boih Kră Yang 'Bok Kei-Dei mă đei mơnat ăn kơ lu sư, Mă-lei Ih kư̆m pơm tơwih tơdrong yoch đêl lu sư pơm.

Êsai 7:9

Kơ̆l kơ char Êphraim jơ̆ pơlei Samari, kơ̆l kơ pơlei Samari jơ̆ kon drŏ-nglo Rêmalia. Tơdah lu iĕm ưh kơ lui ngeh lei iĕm dơ̆ng ưh kơjăp ôh.”

Êsai 8:13

Pôk pơư pơang bĕ Kră Yang Tih Hloh 'lơ̆ng rơgoh, Kră Yang mă lu iĕm athei hli Sư bơih Kră Yang trŏ kơ iĕm hli yom.

Êsêkiên 20:41

Inh gô sơng iŏk lu iĕm thoi tơmam 'bâu phu, kơplah Inh chông lu iĕm lĕch đơ̆ng lăm lu kon pơlei păng akŭm lu iĕm đơ̆ng char mă lu iĕm đêl oei tơklah tơklang; păng Inh gô tơ'bôh tơdrong 'lơ̆ng rơgoh Inh đơ̆ng lăm lu iĕm 'bơ̆t anăp kon pơlei nai.

Êsêkiên 36:23

Inh gô hơmet ming anăn 'lơ̆ng rơgoh Inh anăn mă lu iĕm pơm pơ'mê̆ boih tơ lăm lu dêh char, noh anăn Inh mă lu iĕm hlôi pơm pơ'mê̆ 'bơ̆t anăp lu sư, Kră Yang khan: Thoi noh lu adrĕch adrung gô băt Inh boih Kră Yang, 'bơ̆t anăp lu sư Inh gô tơ'bôh pơdah tơdrong rơgoh 'lơ̆ng Inh lăm lu iĕm 'bơ̆t anăp lu sư.

Êsêkiên 38:10

Kră Yang khan: “Lăm năr noh ih đei tơchĕng ih wă chă đon pơm kơnê̆.

Lêwi 10:3

Thoi noh Môis khan kơ Arôn tơdrong âu: Kră Yang đei khan boih, Inh gô pơdah jơhngơ̆m rơgoh Inh kơ lu đe bu mă oei jê̆ Inh păng Inh đei tơdrong đe pơyom 'bơ̆t anăp đĭ-đăng kon pơlei. Arôn ngăn hreh.

Jo 11:15

Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!

Jo 20:24

Arôn gô lôch brŏk tơ anih yă 'bok sư, yua kơ sư ưh kơ gơh kơ mơ̆t ôh tơ dêh char mă inh wă ăn kơ bơngai Isơrael yua kơ sư sơngah pơjah kơ nơ̆r Inh tơtă tơ anih đak Mêriba.

Jo 27:14

Yua kơ ih sơngah ưh kơ chu kiơ̆ kơ nơ̆r Inh tơtă tơ lăm char glă Yin sơ̆, kơplah lu kon pơlei iung blah. Yua kơ măr iĕm ưh pă pơyom boih kơ tơdrong 'lơ̆ng rơgoh Inh 'bơ̆t anăp lu sư kơ tơdrong đak Mêriba krao đak tơhil băl tơ dêh Kalđê, lăm char glă Yin,

Mathiơ 17:17

Na Yêsu khan: “Ơ lu iĕm mă oei lui rơdu hơnơ̆ng kư̆m oei pơm yoch, iĕm wă kơ Inh oei hơdai iĕm đunh dang yơ 'mơ̆i na iĕm lui kơjăp? Iĕm wă kơ Inh gleh dang yơ 'mơ̆i na iĕm gơh pơklaih đe?” Na Yêsu khan kơ bơngai ei: “Năm ba kon ih tơ âu năm”

Mathiơ 17:20

Yêsu khan: “'Noh yua kơ tơdrong lui iĕm oei rơdu iĕ. Inh khan kơ iĕm tơpă, mă khan tơdrong lui iĕm rơdu iĕ tŏ găr sơ'bei dah sư rai wơ̆ thoi găr sơ'bei chăt kơjung lei iĕm gơh pơm tôm tơdrong nai hai. Pơtih gia iĕm sơkat kơ kông âu khan thoi âu: Ơ kông, hiŏng jăk kơdih tơ nai, na sư hiŏng hloi kơdih tơ nai.”

Luka 1:20

mă-lei ih khan ưh kơ lui kơ inh. Ning-mônh ih gô 'bôh tơpă. Yua kơ ih ưh kơ lui na ih jing ưh kơ gơh pơma đơ̆ng dang ei truh kơ năr ih 'bôh tơdrong inh roi ăn kơ ih hei.”

Luka 1:45

Ih hiôk tơpă yua kơ ih lui kơ nơ̆r Kră Yang khan kơ ih gô đei kon.”

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Rom 4:20

Păng đon sư ưh kơ tơchĕng wă lui dah ưh ôh, sư kư̆ kơ lui dôm tơdrong 'Bok Kei-Dei pơkă kơ sư rai đunh rai kơjăp, rai ư-ang 'Bok Kei-Dei.

Both 1:37

Yua kơ đơ̆ng lu iĕm na Kră Yang kư̆m hil kơ inh, na khan: Ih kư̆m lei-lăi, ưh kơ gơh wă mơ̆t tơ dêh noh ôh.

Both 34:4

Kră Yang khan kơ Môis: 'Nâu bơih dêh char mă Inh pơkă wă ăn kơ Abraham, Isăk păng Jakôp. Inh gô ăn dêh âu kơ lu adrĕch adrung ih. Inh tơ'bôh ăn kơ ih lăng dêh noh, mă-lei ih ưh kơ gơh mơ̆t tơ noh ôh.

Both 4:21

Na Kră Yang hil kơ inh; yua kơ lu iĕm na Sư pơkăm khan ưh kơ ăn inh tŏk hlôi kơ đak Krong Jôrđăn păng ưh kơ ăn inh mơ̆t tơ dêh 'lơ̆ng rŏ mă Kră Yang 'Bok Kei-Dei lu iĕm wă ăn kơ lu iĕm bơ̆jang sa.

Jôsuê 1:2

Môis đĭch đam Inh hlôi lôch, dang ei kon pơlei pơla ih iung bĕ, năm tŏk găn kơ đak Krong Jôrđăn, truh tơ teh đak mă Inh gô ăn kơ lu adrĕch adrung Isơrael.

I Pet 3:15

Mă-lei gah Yêsu Krist bơ̆n athei chu yom kơ Sư yua kơ Sư Kră Yang bơ̆n. Păng bơ̆n athei kơchăng ling-lang wă kơ gơh tơl tơwih kơ đe dôm tơdrong đe wă jet bơ̆n yua kơ kiơ bơ̆n lui. Mă-lei bơ̆n athei tơl tơwih kơ sư mă 'lơ̆ng mă hiôk.