Jo 2:18 - Sơ̆p Hlabơar Nơ̆r 'Bok Kei-Dei

¹⁸ Hla-kơ khŭl kơđông linh Êphraim păng lu linh sư athei oei tơ gah bơmơ̆t. Yŏng kơdră bơngai Êphraim noh Êlisama kon drŏ-nglo Amihut;

Jo 2:18 Iomraidhean Croise

Bl 48:5

Dang ei, 'bar 'nu kon drŏ-nglo kon đei pơjing lăm dêh char Êyiptơ adrol kơ inh truh noh, Êphraim păng Manase, kư̆m dang hơ'lơ̆p inh thoi Rubên păng Simêôn mơ̆n.

Je 31:9

Lu sư brŏk hăm nhơ̆m hmoi, păng krao khan, Inh gô pơlung păng chông ba lu sư, Inh gô bơrơng lu sư rok cheng đak glung, rok trong dơhnă, lu sư huay kơtơih pơ̆k, yua kơ Inh boih 'bă kơ lu adrĕch Isơrael, păng Êphraim kon kơdră Inh.

Jo 1:10

đơ̆ng adrĕch kon drŏ-nglo Jôsep, adrĕch Êphraim đei Êlisama kon drŏ-nglo Amihut, đơ̆ng adrĕch Manase đei Gamaliel kon drŏ-nglo Pêdasur;

Jo 1:32

Kon sâu Jôsep, noh kiơ̆ kon sâu Êphraim, adrĕch adrung sư, kiơ̆ hnam dơnŏ 'bă lu sư, đei chih jô̆ anăn rim 'nu drŏ-nglo đơ̆ng 'bar-jĭt sơnăm năm tơ kơpal, wă khan lăm kon sâu Êphraim gơh năm tơblah.

Jo 10:22

Đơ̆ng noh, khŭl kon sâu Êphraim yak năm chĕp hla-kơ khŭl lu sư, Êlisama kon drŏ-nglo Amihut yŏng kơdră pơgơ̆r lu sư.

Jo 2:19

păng khŭl linh sư, kư̆ kiơ̆ kơ đe chih jô̆, đei puăn-jĭt rơbâu pơđăm-hrĕng 'nu.

Jo 7:48

Năr mă tơpơh, truh tơ yŏng kơdră kon sâu Êphraim, noh Êlisama kon drŏ-nglo Amihut. Pơyơ̆r tơmam soi.

Jo 7:53

gah tơmam soi 'blŏk bơnê kơ tơdrong hiôk-hian, 'bar tŏ rơmo dăm, pơđăm tŏ triu tơno, pơđăm tŏ triu kon tơno truh minh sơnăm, pơđăm tŏ bơbe tơno. Noh tơmam soi pơyơ̆r đơ̆ng Êlisama, kon drŏ-nglo Amihut.

Both 33:17

Rơmo tơno kơdră sư 'lơ̆ng rŏ pran kơtang. Ake sư noh ake rơmo tơno bri. Ake noh boih sư tơ̆m kon pơlei pơla. Dĭng truh tơ kon pơlei oei tôch teh đak, noh boih rơbâu hơngan 'nu bơngai Êphraim, kư̆m thoi dôm rơbâu 'nu bơngai Manase.