Jo 19:6 - Sơ̆p Hlabơar Nơ̆r 'Bok Kei-Dei

⁶ 'Bok soi gô iŏk 'long hơngo, iŏk minh hơchô̆ 'long pơgang păng brai 'brê, iŏk klơ̆m lăm ŭnh oei soh rŭk 'buh rơmo adruh noh.

Jo 19:6 Iomraidhean Croise

Horiso 51:7

Apinh Ih iŏk hla bơngăl sut rơgoh yoch inh, na inh gô 'lơ̆ng, Apinh ôp inh, na inh gô jing kok hloh kơ prĕl.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Lêwi 14:4

'bok soi tơtă kơ lu sư, chĕp 'bar tŏ sem oei arih păng rơgoh hăm 'long hơngo bri, che hơhĭm păng hla 'long pơgang (Hisôp).a

Lêwi 14:49

Tơdrong wă pơm rơgoh kơ hnam 'noh, sư athei iŏk 'bar tŏ sem iĕ, hăm 'long hơngo, che brai 'brê hơhĭm păng hla 'long pơgang.

Lêwi 14:6

Đơ̆ng noh 'bok soi iŏk sem mă oei arih hơbĭ 'long hơngo bri, che 'brê hơhĭm păng hla 'long pơgang, năm djrŭ tơ pham sem đêl pơlôch tơ đak ro hlăng.