Jo 19:2 - Sơ̆p Hlabơar Nơ̆r 'Bok Kei-Dei

² 'Nâu jing tơdrong tơtă đơ̆ng lăm khôi juăt mă Kră Yang ăn boih: Khan bĕ kơ adrĕch bơngai Isơrael păng athei lu sư rôp ba rơmo adruh sŏk gôh huay kơ jĭ kiơ păng ưh tam mă tah 'long ăt.

Jo 19:2 Iomraidhean Croise

Le 12:5

Lu iĕm athei rôp lăm khŭl kon triu dah kon bơbe tơno mă 'lơ̆ng ưh kơ đei rơka rơkĕch kiơ. Tôm minh sơnăm.

Êsai 1:18

Kră Yang khan: “Dang ei lu bơ̆n năm bĕ wă kơ pơma pơđâu băl. Mă đơ̆ng tơdrong yoch lu iĕm 'brê nhen thoi đak thêt gô jing kok thoi đak prĕl. Mă 'brê gơhieo gô jing kok thoi sŏk triu.

Nhom 1:14

'Long ăt tơdrong yoch Sư chô̆ ti inh. Sư dan đĭ hơchô̆ trăp dêh, Sư pơm ăn tơdrong pran kơtang inh hiong đĭ. Kră Yang jao lăm ti lu sư boih, na inh pă kĕ blah dơ̆ng.

Lêwi 1:10

Tơdah tơmam sư wă pơyơ̆r soi 'buh hăm triu dah bơbe sư athei rơih chă tơno mă ưh kơ đei jĭ kiơ,

Lêwi 1:3

Tơdah tơmam sư pơyơ̆r tơmam soi 'buh hăm rơmo, sư athei pơyơ̆r rơmo tơno ưh kơ đei tơdrong jĭ kiơ, ăn kơ sư pơyơ̆r tơ 'măng Bơsŭn Anih Akŭm, 'bơ̆t anăp Kră Yang wă kơ Sư lăp đon iŏk.

Lêwi 14:6

Đơ̆ng noh 'bok soi iŏk sem mă oei arih hơbĭ 'long hơngo bri, che 'brê hơhĭm păng hla 'long pơgang, năm djrŭ tơ pham sem đêl pơlôch tơ đak ro hlăng.

Jo 19:1

Kră Yang khan dơ̆ng kơ Môis păng Arôn:

Jo 19:6

'Bok soi gô iŏk 'long hơngo, iŏk minh hơchô̆ 'long pơgang păng brai 'brê, iŏk klơ̆m lăm ŭnh oei soh rŭk 'buh rơmo adruh noh.

Jo 31:21

Êlêasar, 'bok soi, khan kơ lu linh 'nao brŏk đơ̆ng tơblah thoi âu: 'Nâu tơdrong juăt bơtho đơ̆ng Kră Yang đei khan kơ Môis:

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Both 21:3

Lu đe kră pơlei oei jê̆ hloh bơngai lôch noh, athei rôp minh pôm rơmo akăn adruh tam mă jang dah tam mă tah tơ 'long ăt,

Hêbrơ 7:26

Thoi noh bơ̆n băt kơ Yêsu boih pơm 'bok soi tih gơh tơgŭm bơ̆n tơpă. Sư 'lơ̆ng tơpăt ưh kơ lah pơm yoch, lu bơngai yoch kư̆m ưh kơ gơh pơhlŭ Sư pơm kơnê̆. Sư mơsêh tŏk oei ưh kơ băt hơdôm tăl plĕnh.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

I Pet 1:19

Tơdrong Sư huai iŏk kăl tơpă, hăm pham Kon Sư Yêsu Krist kơdih hloi; Yêsu Sư thoi lĕ triu mă rơgoh 'lơ̆ng đe wă soi kơ 'Bok Kei-Dei.

I Pet 2:22

“Sư ưh kơ đei pơm minh tơdrong yoch kiơ, păng Sư ưh kơ đei layơ hơlĕnh kơ đe.”

Tơdrông Tơ'bôh 1:5

Yêsu Krist, Sư pơma tơpăt ling-lang, Sư iung arih đơ̆ng lôch adrol kơ đe, Sư pơgơ̆r đĭ-đăng lu 'bok pơtao oei tơ teh âu; na inh apinh Sư wei-lăng iĕm lăm tôm tơdrong wă kơ iĕm hiôk-hian ling-lang. Yêsu Krist 'mêm kơ bơ̆n tơpă na Sư pơklaih bơ̆n đơ̆ng tơdrong yoch hăm pham Sư.

I Sam 6:7

Na dang ei lu iĕm athei pơm minh pơm gre 'nao, rôp 'bar tŏ rơmo yŏng kon oei mŏm tam mă lah tah tơ 'long ăt tah hloi tơ gre mă-lei athei puh tơmơ̆t lê̆ kon iĕ lăm hơdrong, 'nĕ ăn druh kiơ̆ yŏng sư.