Jo 19:19 - Sơ̆p Hlabơar Nơ̆r 'Bok Kei-Dei

¹⁹ Năr mă pêng păng năr mă tơpơh, bơngai mă rơgoh athei iŏk đak noh tơtraih tơ akâu bơngai mă hơtŭt 'bơm 'mê̆-'mach păng năr mă tơpơh bơngai rơgoh noh athei pơm ăn rơgoh; bơngai mă 'bơm 'mê̆ noh athei pih hơbĕn ao sư, hum tong akâu lăm đak păng dĭng truh tơ kơsơ̆ măng na gơh rơgoh.

Jo 19:19 Iomraidhean Croise

Bl 2:2

Năr mă tơpơh Kră Yang 'Bok Kei-Dei pơm keh boih dôm tơdrong jang Sư.

Le 19:10

Kră Yang khan kơ Môis: Ih năm bĕ tơ kon pơlei, Isơrael athei kon pơlei hơmet akâu kơdih mă 'lơ̆ng rơgoh năr 'nâu păng năr dơning, athei lu sư pih ao tai.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Lêwi 14:7

'Bok soi athei tơtraih pham tơpơh wơ̆t tơ bơngai mă wă kơ goh kơ jĭ chin păng jô̆ sư 'lơ̆ng rơgoh, đơ̆ng noh achăng sem oei arih păr tơ chŭn mir.

Lêwi 14:9

Truh năr mă tơpơh sư gô hơkôih đĭ sŏk sop, sŏk kơ̆l, sŏk kang, gơnur măt sư, pih hơbĕn ao sư păng hum lăm đak, na gơh jing rơgoh.

Jo 19:12

Năr mă pêng năr mă tơpơh bơngai noh athei yua đak 'nâu wă sŭt rơgoh sư kơdih, na jing rơgoh; tơdah lăm năr mă pêng păng năr mă tơpơh ưh kơ sŭt rơgoh sư kơdih, lei ưh kơ gơh rơgoh.

Jo 19:13

Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 31:19

Bĕ gah lu iĕm athei, 'bĭch tơ 'nguaih kơ kơđông lăm tơpơh năr. Bu mă đei pơlôch minh 'nu bơngai dah pel hơtŭt 'bơm akâu bơngai lôch, dah bơngai mă bơ̆n đei rôp, athei ming hơmet akâu mă rơgoh lăm năr mă pêng păng năr mă tơpơh.

Jo 31:24

Năr mă tơpơh lu iĕm athei pih hơbĕn ao iĕm, lei na sư goh; đơ̆ng noh na iĕm gơh mơ̆t lăm kơđông.

Tit 2:14

Kră Yang Yêsu Krist ăn akâu Sư kơdih chu lôch tang kon bơngai bơ̆n. Sư huai iŏk bơ̆n wă kơ bơ̆n huay pă pơm yoch dơ̆ng. Sư ăn kơ bơ̆n jing kon 'lơ̆ng Sư păng Sư ăn kơ jơhngơ̆m bơ̆n wă pơm 'lơ̆ng hăm đe ling-lang.

Hêbrơ 10:22

Thoi noh bĕ bơ̆n năm jê̆ 'Bok Kei-Dei. Bơ̆n athei iŏk đon tơpăt, lui kơ Sư sơng iŏk bơ̆n mă tơpă, na jơhngơ̆m bơ̆n huay kơ tơchĕng kơnê̆, yua kơ bơ̆n đei pham Yêsu soi kơ bơ̆n boih. Sư dang tơtreh pham Sư tơ lăm jơhngơ̆m bơ̆n, bơ̆n jing bơngai rơgoh 'lơ̆ng boih; păng pơthim kơ năr bơ̆n iŏk 'batem dang bơ̆n hum đak hlăng 'lơ̆ng tăm.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.

Ju 1:23

Lu mơ'nah wă huŏng tơ lăm dơnâu ŭnh, iĕm athei rôp pơkơ̆ng sư, 'nĕ ăn năm, hli kơ ŭnh sa. Lu mơ'nah sư wă kiơ̆ kơ jơhngơ̆m sư kơdih pơm dôm tơdrong kơnê̆, truh tơ bơ̆n lăng hơbĕn ao sư thoi lĕ 'bĕnh kơ tơdrong kơnê̆ sư pơm. Bơ̆n athei mơnat kơ sư mơ̆n, bơtho pơlung sư. Mă-lei bơ̆n athei kơchăng, hli kơ sư bơtho pơlung bơ̆n pơm kơnê̆ thoi sư dơ̆ng; thoi lĕ kơ bơ̆n 'bôh bơngai jĭ, bơ̆n hli kơ tơdrong jĭ sư apoh kơ bơ̆n đơ̆ng hơbĕn ao mơgrĭ sư.