Jo 19:13 - Sơ̆p Hlabơar Nơ̆r 'Bok Kei-Dei

¹³ Bơngai bu mă hơtŭt 'bơm akâu bơngai lôch păng ưh kơ ôp sut sư rơgoh, gô pơm ăn kơ Bơsŭn Anih Akŭm Kră Yang 'mê̆-'mach. Bơngai noh đe gô pơpuh tơlĕch sư đơ̆ng lăm khŭl bơngai Isơrael; yua kơ đak ôp sut tơdrong 'mê̆-'mach ưh kơ đei tơtreh tơ akâu sư, lei na sư oei 'mê̆-'mach đĕch, tơdrong 'mê̆-'mach oei tơ lăm akâu sư.

Jo 19:13 Iomraidhean Croise

Le 30:33

Tơdah bơngai bu pơm rok pơgang 'bâu phu nhen thoi noh na tuh hling tơ minh bơngai nai, đe gô puh jăk đơ̆ng kon pơlei pơla sư.

Tơdrông Pơđơk 14:32

Bơngai kơnê̆ gô răm lăm tơdrong yoch sư pơm. Mă khan oei lăm anih lôch bơngai tơpăt đei anih gơnang.

Êsêkiên 44:26

Đơ̆ng rŏng kơ ôp hơrao rơgoh, 'bok soi athei gô lăm tơpơh năr dơ̆ng.

Lêwi 15:31

Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 20:3

Inh kơdih gô hil mĭl kơ bơngai noh păng pơtôch lê̆ sư đơ̆ng kon pơlei pơla sư, yua kơ sư jao kon hơ'lơ̆p sư kơ yang Mơlŏk, pơm kơ anih 'lơ̆ng rơgoh Inh jing kơnê̆ 'mê̆-'mach păng pơ'mê̆ kơ anăn 'lơ̆ng rơgoh Inh.

Lêwi 22:3

Khan bĕ kơ lu sư. Tơdah đei bu lăm lu kon sâu iĕm lăm đĭ chăl arih lu iĕm năm jê̆ lu tơmam 'lơ̆ng rơgoh mă kon pơlei Isơrael pơyơ̆r 'măn lê̆ kơ Kră Yang, na bơngai noh sư đei tơdrong kơnê̆ 'mê̆-'mach, đe gô puh tơlĕch sư weh đơ̆ng anăp Inh, Inh boih Kră Yang.

Lêwi 22:4

Tơdah bơngai bu lăm kon drŏ-nglo Arôn jĭ chin dah jĭ lĕch đak kơtăk, ưh kơ gơh sa ôh tơmam đe 'măn lê̆ 'lơ̆ng rơgoh dĭng truh tơ sư rơgoh 'lơ̆ng 'mơ̆i. Tơdah bu đei hơtŭt 'bơm bơngai đei kơnê̆ 'mê̆-'mach yua kơ 'bơm akâu lôch, dah bơngai đei đak kơtăk lĕch,

Lêwi 5:17

Tơdah bu mă pơm glăi minh tơdrong lăm dôm lu nơ̆r tơtă Kră Yang khă kuă ăn kơ pơm, mă khan sư ưh kơ băt ôh kơ tơdrong noh, lei bơngai noh kư̆m yoch bơih păng gô pŭ iŏk tơdrong yoch sư.

Lêwi 5:3

Tơdah bơngai bu băt ră dah ưh kơ băt na hơtŭt 'bơm tơdrong kơnê̆ 'mê̆-'mach kon bơngai, mă dôm tơdrong kơnê̆ 'mê̆-'mach ayơ pơm kơ sư 'mê̆-'mach boih, tơdah đe tơbăt kơ sư bơngai noh kư̆m yoch.

Lêwi 5:6

Đơ̆ng noh sư athei chĕp ba tơmam soi pơyơ̆r yua kơ pơm yoch, hăm tơdrong juăt Kră Yang minh pôm kon triu dah bơbe akăn pơm tơmam soi huai iŏk yua kơ yoch, na 'bok soi gô soi sơmah kơ sư wă kơ sư rơgoh đơ̆ng yoch.

Lêwi 7:20

Bu mă đei tơdrong kơnê̆ 'mê̆-'mach na sa tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Lêwi 7:21

Tơdah bơngai bu hơtŭt 'bơm tơmam kơnê̆ 'mê̆-'mach dah đơ̆ng kon bơngai 'mê̆-'mach, đơ̆ng kon sem brem ưh kơ rơgoh dah đơ̆ng tơdrong kiơ mă Kră Yang areh na sa 'nhĕm tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Jo 15:30

Mă-lei tơdah đei bơngai bu, kon pơlei Isơrael dah lu bơngai tơpŭ lăm char 'nâu, pơrơ̆ng pơm yoch, kuă kơ chu Kră Yang; bơngai noh gô tơlĕch sư đơ̆ng adrĕch kon pơlei sư kơdih,

Jo 19:14

'Nâu tơdrong juăt mưh đei minh 'nu bơngai lôch lăm bơsŭn; mă bơngai bu mơ̆t lăm bơsŭn păng bơngai oei lăm bơsŭn gô 'bơm 'mê̆ lăm tơpơh năr.

Jo 19:18

Đơ̆ng noh minh 'nu bơngai rơgoh gô iŏk minh hơchô̆ hla 'long pơgang djrŭ tơ lăm đak, na tơtraih jơ̆p kơ anih lăm bơsŭn, tơ rim lu ge bô̆i, tơ rim 'nu lu bơngai oei tơ lăm noh păng tơ akâu bơngai bu mă đei hơtŭt 'bơm 'mê̆, dah lu kơting bơngai lôch, dah akâu minh 'nu bơngai đe pơlôch, dah akâu bơngai lôch dah bơsat.

Jo 19:19

Năr mă pêng păng năr mă tơpơh, bơngai mă rơgoh athei iŏk đak noh tơtraih tơ akâu bơngai mă hơtŭt 'bơm 'mê̆-'mach păng năr mă tơpơh bơngai rơgoh noh athei pơm ăn rơgoh; bơngai mă 'bơm 'mê̆ noh athei pih hơbĕn ao sư, hum tong akâu lăm đak păng dĭng truh tơ kơsơ̆ măng na gơh rơgoh.

Jo 19:20

Gah bơngai bu hơtŭt 'bơm 'mê̆ mă ưh kơ pơm hơmet kơdih akâu rơgoh, minh 'nu bơngai thoi noh đe gô puh tơweh tơlĕch sư đơ̆ng tơpôl kon pơlei, yua kơ sư pơm kơ hnam Kră Yang jing 'mê̆-'mach. Đak ôp sut tơdrong 'mê̆ ưh kơ đei tơtraih tơ akâu sư, sư noh đe jô̆ oei 'mê̆-'mach.

Jo 19:9

Minh 'nu bơngai drŏ-nglo rơgoh 'lơ̆ng gô năm kôch iŏk tơnuh rơnok rơmo adruh đơ̆ng đe 'buh noh năm tuh tơ 'nguaih kơ kơđông, 'bơ̆t anih rơgoh; đe athei mong tơnuh rơnok noh kơ adrĕch Isơrael yua wă pơm đak, wă sut rơgoh tơdrong yoch.

Jo 8:7

'Nâu boih tơdrong ih athei pơm ăn kơ lu sư rơgoh; iŏk đak rơgoh tơtreh tơ kơpal akâu lu sư wă kơ rơgoh; lu sư athei hơkôih sŏk sop jơ̆p kơ akâu lu sư, pih hơbĕn ao păng hum hơmet akâu kơdih rơgoh.

Jo 9:13

Mă-lei bơngai bu rơgoh păng ưh kơ đei năm tơ ataih, tơdah ưh kơ đei 'blŏk hơdơ̆r ôh kơ năr giĕng Năm Brih, đe gô puh tơweh lê̆ sư đơ̆ng kon pơlei pơla sư; yua kơ bơngai noh ưh kơ đei pơyơ̆r tơmam soi kơ Kră Yang kiơ̆ thoi đei pơkă lê̆ năr boih, sư gô pŭ yoch kơdih.

Yo 8:24

Kơlih kơ thoi noh na Inh khan kơ iĕm boih, iĕm gô lôch yua kơ tơdrong yoch iĕm. Dah iĕm ưh kơ lui kơ Inh đơ̆ng plĕnh ti iĕm gô lôch yua kơ tơdrong yoch iĕm tơpă.”

Hêbrơ 10:29

Tơpă, iĕm tơchĕng lăng tơdrong lu bơngai mă pơjuă kơtĭt Kon pôm 'Bok Kei-Dei păng lăng pham Kon Sư đêl pơm kơ sư rơgoh, mă sư pơm pơhơi thoi ưh kơ yua. Păng Yang Bơhngol 'Lơ̆ng bơtho tơgŭm bơ̆n tôm tơdrong 'lơ̆ng mă sư pơjăm ngôi. Iĕm tơchĕng lăng bơngai noh hăm trŏ kơ phak? Phak tih tơpă ưh kơ băt tih dang yơ.

Hêbrơ 9:10

Lu tơdrong juăt noh sơ̆ khă gah tơdrong sa et tơmam giĕng, tơdrong hum 'nhao. Dôm tơdrong giĕng lu sư pơm giĕng tơ 'ngoaih akâu đĕch. Mă-lei khan wă kơ đe kiơ̆ khŏm khŏm truh tơ 'Bok Kei-Dei tơplih tơdrong so ăn tơdrong 'nao.

Tơdrông Tơ'bôh 21:8

Gah lu bơngai lêl, lu bơngai achăng tŭk tơdrong lui, lu bơngai pơm kơnê̆, lu bơngai pơlôch đe, lu bơngai pơm pơyô kư̆ kă, lu bơngai pơm pơjâu chă sol đe, lu bơngai kơkuh kơ yang nai, lu bơngai hơlĕnh pơdăr đon đe, đĭ lu bơngai thoi noh gô huŏng tơ dơnâu ŭnh tŏ hang hơt, 'noh tơdrong lôch mă 'bar.”

Tơdrông Tơ'bôh 22:11

Bơngai bu arăng kơ̆l oei 'maih pơm kơnê̆, lê̆ sư pơm kơnê̆ khŏm khŏm kư̆m bưh. Bơngai bu pơm 'lơ̆ng, sư athei kơchăng pơm 'lơ̆ng ling-lang.”

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.