Jo 18:8 - Sơ̆p Hlabơar Nơ̆r 'Bok Kei-Dei

⁸ Kră Yang khan kơ Arôn: 'Nâu Inh ăn kơ ih wei-lăng tơmam mă Inh đei iŏk akŭm đơ̆ng lu kon pơlei Isơrael pơyơ̆r kơ Inh, jing tơmam 'lơ̆ng rơgoh; Inh ăn boih tơmam 'nâu jing tơmam ih păng lu kon drŏ-nglo ih, tơdrong juăt 'nâu yua ling-lang hlŏng hloi.

Jo 18:8 Iomraidhean Croise

II Pot 12:16

Jên gah tơmam soi huai iŏk tơdrong glăi, păng jên gah tơmam soi huai iŏk tơdrong yoch, đe ưh kơ chĕp tah tơmơ̆t lăm hnam akŭm kơkuh kơ Kră Yang; jên ei 'măn kơ 'bok soi.

II Ho 31:4

Sư kư̆m athei lu kon pơlei mă oei lăm pơlei Jêrusalem asong ăn tơmam kơ lu 'bok soi păng bơngai Lêwi, wă kơ lu sư gơh jao lu sư kơdih awih awăn kiơ̆ khôi juăt Kră Yang.

II Ho 31:5

Mưh đei nơ̆r pơtao tơtă truh boih kon pơlei Isơrael năm ba tơmam pơyơ̆r plei blŭng-a lăm bơyan thoi 'ba hơ'bo, Sik hơmu, rơmă ôliwơ, đak sut păng lu tơmam plei đơ̆ng mir chŭn; lu sư kư̆m năm ba pơyơ̆r minh lăm mơjĭt đơ̆ng dôm tơmam, lơ tơpă.

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Le 29:21

Ih athei iŏk pham đơ̆ng kơpal chơnang soi păng rơmă pơgang 'bâu phu na tơtraih tơ kơpal akâu jăn păng hơbĕn ao Arôn, hăm tơ kơpal akâu păng hơbĕn ao lu kon drŏ-nglo sư, thoi noh Arôn hăm hơbĕn ao sư, lu kon drŏ-nglo sư hăm hơbĕn ao lu sư gô jing rơgoh 'lơ̆ng.

Le 29:28

Tơmam soi 'nâu, đơ̆ng bơngai Isơrael pơyơ̆r ăn kơ Arôn hăm lu kon drŏ-nglo sư sa 'nâu tơmam soi pơyơ̆r đơ̆ng lu bơngai Isơrael pơyơ̆r 'blŏk bơnê hiôk-hian, ăn kơ Kră Yang.

Le 29:29

Hơbĕn ao rơgoh 'lơ̆ng Arôn gô 'măn lê̆ kơ lu kon drŏ-nglo sư đơ̆ng rŏng dơ̆ng, wă kơ lu sư hrŭk ao noh, 'bơ̆t năr đe hling đak rơmă 'bâu phu păng pơchĕp pôk ăn tơdrong jang pơm 'bok soi.

Le 40:13

Đơ̆ng rŏng kơ noh ih pơhrŭk kơ Arôn ao 'lơ̆ng rơgoh, pik đak rơmă 'bâu phu păng pơyơ̆r sư; wă kơ sư jang kơ Inh lăm tơdrong jang 'bok soi tơm.

Le 40:15

pik ăn đak rơmă 'bâu phu thoi ih pik ăn kơ 'bă lu sư wă kơ lu sư jang kơ Inh lăm tơdrong jang 'bok soi. Tơdrong pik đak rơmă 'bâu phu pôk ăn noh wă pơsĭt kơ lu sư pơm 'bok soi ling-lang lăm rim jơhnơr.

Êsai 10:27

Lăm năr noh kơnh tơdrong iĕm pŭ trăp gô plôh đơ̆ng hơngiĕng iĕm. 'Long ăt gô yaih lê̆ đơ̆ng hơko iĕm. 'Long ăt gô tơgơ̆. Yua kơ iĕm tih bek prah bơih.

Lêwi 21:10

'Bok soi tơm jing kră tơm hloh lăm lu 'nhŏng oh sư, đêl đei tuh đak rơmă bơih tơ kơ̆l sư, đe pôk sư gơh hrŭk ao rơgoh 'lơ̆ng, na kơ̆l sư ưh kơ lê̆ ôh sŏk ưh kơ păi, b kư̆m ưh kơ hek lê̆ ao sư mơ̆n.

Lêwi 23:20

'Bok soi gô iŏk tơmam soi noh hơdai hăm 'bar tŏ 'bĕng pơm păng 'ba blŭng-a lăm bơyan hơdai hăm 'bar tŏ kon triu na pơyơ̆r ba 'ma 'ngiĕo 'bơ̆t anăp Kră Yang, lu tơmam noh athei 'măn lê̆ rơgoh pha ăn kơ Kră Yang păng gô ăn kơ 'bok soi.

Lêwi 6:16

Lu tơmam mă oei oei Arôn păng lu kon drŏ-nglo sư gô sa tơmam noh, ưh kơ đei 'buih pông, tơ lăm minh anih rơgoh, wă khan sa tơ cham Bơsŭn Anih Akŭm.

Lêwi 6:18

Rim 'nu kon drŏ-nglo Arôn gơh iŏk sa noh, jơ̆ tơdrong juăt pơtă ăn ling-lang kơ adrĕch adrung lu iĕm, đơ̆ng tơmam pơyơ̆r soh hăm ŭnh pơyơ̆r ăn kơ Kră Yang; bu hơtŭt 'bơm tơmam noh gô jing rơgoh.

Lêwi 6:20

'Nâu jơ̆ tơmam pơyơ̆r Arôn păng lu kon drŏ-nglo sư, gô pơyơ̆r ăn kơ Kră Yang lăm năr đe tuh đak rơmă tơ lu sư minh lăm mơjĭt êpha tơpŭng, pơm tơmam pơyơ̆r hăm tơpŭng đe juăt kơ pơyơ̆r hơnơ̆ng, minh puăt pơyơ̆r til pơgê, minh puăt pơyơ̆r til kơsơ̆,

Lêwi 6:26

'Bok soi pơyơ̆r tơmam soi huai đơ̆ng yoch noh gô sa tơmam noh, đe gô sa lăm minh anih tơ cham Bơsŭn Anih Akŭm.

Lêwi 7:14

Sư gô iŏk minh pôm 'bĕng dơ̆ng lăm rim tơmam pơyơ̆r hăm phe 'ba pơyơ̆r kơ Kră Yang tơmam soi noh gô 'măn kơ 'bok soi, mă đêl tơtraih pham kon sem tơmam soi 'blŏk bơnê.

Lêwi 7:28

Kră Yang khan kơ Môis thoi âu:

Lêwi 7:6

Lu drŏ-nglo lăm adrĕch 'bok soi gơh sa 'nhĕm noh, tơ minh anih rơgoh. Na noh jing tơmam 'lơ̆ng rơgoh hloh.

Lêwi 8:30

Đơ̆ng noh Môis iŏk đak rơmă pơgang 'bâu phu păng pham đơ̆ng kơpal chơnang soi, na prôi tơ Arôn păng hơbĕn ao sư păng kư̆m prôi tơ lu kon drŏ-nglo sư, tơ hơbĕn ao lu sư mơ̆n. Thoi noh Môis 'măn lê̆ kơ Arôn hăm lu hơbĕn ao sư păng lu kon drŏ-nglo sư, hăm hơbĕn ao lu sư.

Jo 18:9

Lăm lu tơmam 'lơ̆ng rơgoh dêh 'nâu ưh kơ đei soh 'buh mă đơ̆ng kon pơlei Isơrael pơyơ̆r ăn kơ Inh tơmam 'nâu lê̆ kơ ih: Đĭ-đăng dôm tơmam soi pơyơ̆r đơ̆ng lu sư, tơmam soi phe 'ba, tơmam soi wă huai tơdrong yoch, tơmam soi kơ tơdrong yoch hơch 'bơm; dôm tơmam rơgoh 'lơ̆ng 'nâu lê̆ kơ ih păng lu kon drŏ-nglo ih,

Jo 5:9

Đĭ-đăng tơmam pơyơ̆r 'lơ̆ng rơgoh đơ̆ng lu bơngai Isơrael pơyơ̆r ăn kơ lu 'bok soi boih noh lê̆ kơ lu 'bok soi.

I Kor 9:13

Iĕm kư̆m băt mơ̆n dôm lu bơngai jang tơ lăm hnam akŭm 'Bok Kei-Dei tơm, lu sư sa tơmam đơ̆ng lăm hnam akŭm 'noh. Lu sư sa dôm lu tơmam đe pơyơ̆r kơ 'Bok Kei-Dei păng dôm lu tơmam đe ăn wă sơmah kơ 'Bok Kei-Dei.

Both 12:11

Kơplah noh lu iĕm gô chĕp ba tơmam soi 'buh, tơmam iĕm soi pơyơ̆r iŏk minh lăm mơjĭt, tơmam soi pha, lu tơmam soi 'lơ̆ng hloh, mă lu iĕm drơ̆ng pơkă wă pơyơ̆r ăn kơ Kră Yang tơ anih mă Kră Yang 'Bok Kei-Dei iĕm gô rơih wă ăn Anăn Sư oei.

Both 12:6

Chĕp ba tơmam soi 'buh pơyơ̆r tơ noh, lu tơmam soi iŏk minh lăm mơjĭt, tơmam soi pha, lu tơmam soi pơsĭt đêl nơ̆r pơkă, tơmam soi hăm jơhngơ̆m lăp păng lu kon kơdră rơmo triu bơbe tuh blŭng-a.

Both 18:1

Lu 'bok soi bơngai Lêwi păng đĭ lu adrĕch bơngai Lêwi, ưh kơ đei teh bơ̆jang sa hơdai hăm lu bơngai Isơrael, lu sư arih sa đơ̆ng đe pơyơ̆r ăn kơ Kră Yang păng đơ̆ng tơmam Kră Yang.

Both 26:13

Đơ̆ng noh iĕm năm roi 'bơ̆t anăp Kră Yang 'Bok Kei-Dei iĕm: Inh iŏk tơmam 'lơ̆ng rơgoh đơ̆ng hnam inh, na asong ăn kơ lu bơngai Lêwi, bơngai tơmoi, bơngai mơti păng yă adro, pơm kiơ̆ dôm tơdrong Kră Yang tơtă; inh ưh kơ pơm glăi kư̆m ưh kơ hiơt nơ̆r tơtă ayơ đơ̆ng ih athei.

Hêbrơ 1:9

Ih lăp đon kơ tơdrong 'lơ̆ng areh kơ tơdrong kơnê̆. Yua kơ thoi noh na 'Bok Kei-Dei Kră Yang Ih, pôk Ih oei tơ tang-dŏ păng pik kơ Ih đak pơgang 'bâu phu, ăn kơ Ih hiôk hloh, tih hloh kơ lu bôl buăl Ih.”

I Yo 2:20

Gah iĕm, Yêsu Krist mă 'lơ̆ng tơpăt, Sư ăn kơ iĕm Yang Bơhngol 'Lơ̆ng na đĭ dôm iĕm băt nhên tơpă gah tơdrong 'Bok Kei-Dei.

I Yo 2:27

Gah iĕm Yêsu Krist ăn kơ iĕm Yang Bơhngol 'Lơ̆ng boih. Na lăp Yang Bơhngol 'Lơ̆ng oei lơ̆m jơhngơ̆m iĕm, iĕm ưh pă wă kơ lu đe noh bơtho iĕm dơ̆ng ôh, kơlih kơ Yang Bơhngol 'Lơ̆ng bơtho iĕm tôm tơdrong. Dôm tơdrong Sư bơtho tơpăt ngăl, ưh kơ sĭ Sư bơtho tơdrong hơlĕnh ôh. Thoi noh na iĕm athei răk dôm tơdrong Sư pơkă hŏ wă kơ iĕm lui kơjăp kơ Yêsu Krist.