Jo 18:7 - Sơ̆p Hlabơar Nơ̆r 'Bok Kei-Dei

⁷ Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 18:7 Iomraidhean Croise

Horiso 115:10

Ơ hnam Arôn gơnang bĕ kơ Kră Yang; Sư boih Tơ'ngla dŏng tơgŭm păng khêl pĕng lu sư.

Le 28:1

Lăm lu bơngai Isơrael ih athei rơih iŏk Arôn, 'nhŏng ih hăm lu kon drŏ-nglo sư, Nađap, Abihu, Êlêasar; păng Ithamar; pơjao ăn tơdrong jang pơm 'bok soi bơ̆jang kơ Inh.

Le 29:9

klaih kơ 'noh iŏk tơlei tơ̆n, tơ̆n ăn kơ lu sư păng pơyơ̆l ăn kơ lu kon drŏ-nglo sư môk, na tơdrong jang jing 'bok soi kiơ̆ tơdrong juăt oei ling-lang. Noh boih tơdrong jang mă ih gô pôk ăn kơ Arôn hăm lu kon drŏ-nglo jing 'bok soi.

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Êsêkiên 44:16

Lu sư boih gô mơ̆t lăm anih 'lơ̆ng rơgoh Inh lu sư boih gô năm 'bơ̆t jê̆ chơnang soi wă bơ̆jang kơ Inh; awih awăn kơ Inh.

Êsêkiên 44:8

Lu iĕm ưh kơ hiơ̆k bơ̆jang wei tơmam 'lơ̆ng rơgoh Inh; lu iĕm pôk bơngai nai bơ̆jang tơdrong noh lăm anih 'lơ̆ng rơgoh Inh tơplih kơ lu iĕm.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Lêwi 7:35

Noh tơmam soi 'măn đơ̆ng lăm lu tơmam soi yua 'buh hăm ŭnh pơyơ̆r kơ Kră Yang jao ăn kơ Arôn păng lu kon drŏ-nglo sư lăm năr mă đe tuh đak rơmă pôk sư pơm 'bok soi 'bơ̆t anăp Kră Yang.

Jo 1:51

Tơdah Anih Akŭm păng khăn noh pôk tơ nai lu adrĕch bơngai Lêwi âu yuih, truh tơ anih boih lu sư gô tơiung pơdơ̆ng ming; lu adrĕch bơngai nai ưh kơ gơh năm jê̆ tơdah năm jê̆ đe gô pơlôch.

Jo 16:40

Noh boih tơmam wă tơ'blŏk hơdơ̆r ăn kơ bơngai Isơrael, wă ưh kơ đei bu 'nguaih kơ kon sâu Arôn mă gơh năm jê̆ soh pơyơ̆r pơgang 'bâu phu 'bơ̆t anăp Kră Yang, hli kơnh kư̆m rok thoi Kôrê păng lu bơngai kiơ̆ hơdai sư, kiơ̆ thoi nơ̆r Kră Yang đei khan ăn boih kơ Môis.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 18:3

Lu sư gô bơ̆jang wei-lăng kiơ mă ih jao ăn, tơdrong jang kiơ mă lăm Bơsŭn; mă-lei lăp ưh kơ gơh năm jê̆ lu tơmam 'lơ̆ng rơgoh, kư̆m ưh kơ gơh dơ̆ng jê̆ chơnang soi đĕch, kơnh hli kơ lu sư lôch păng lu iĕm kư̆m lôch hai mơ̆n.

Jo 3:10

Thoi noh, ih gô pôk Arôn păng lu kon drŏ-nglo sư, wă pơm 'bok soi; lu bơngai tơmoi nai năm jê̆ đe gô pơlôch.

Jo 3:38

Môis, Arôn păng lu kon drŏ-nglo sư, đei pơdơ̆ng anih bơsŭn lu sư oei, tơ anăp gah hơlĕch kơ Bơsŭn Anih Akŭm, lu sư bơ̆jang lăm anih rơgoh tơplih kơ kon pơlei Isơrael. Lu bơngai nai năm jê̆ anih 'nâu đe gô pơlôch.

Mathiơ 10:8

Păng iĕm chă pơklaih hloi lu bơngai jĭ jăn, tơiung arih lu bơngai đơ̆ng lôch, pơklaih lu bơngai jĭ chin păng pơpuh tơlĕch lu yang kơnê̆ đơ̆ng akâu bơngai. Inh asong đĕch tôm tơdrong iĕm gơh pơm noh. Na iĕm kư̆m bơtho asong đe thoi Inh asong iĕm mơ̆n, ưh kơ iŏk jên ôh.

Yo 3:27

Yôhan khan kơ lu sư thoi âu: “Ưh kơ đei bu gơh pơm tơdrong kiơ dah 'Bok Kei-Dei ưh kơ ăn kơ sư.

Êphêsô 3:8

Inh âu bơngai iĕ hloh kơ đĭ-đăng lu kon 'Bok Kei-Dei nai. Mă-lei Sư pơjao kơ inh tơdrong bơtho, wă kơ inh năm bơtho lu bơngai khŭl nai mă ưh kơ trŏ kơ bơngai khŭl Juđê, wă kơ lu sư băt kơnăl kơ tơdrong hiôk jơnap Yêsu Krist ăn kơ bơ̆n thoi yơ. Tơdrong hiôk jơnap noh hiôk tơpă ưh pă băt dang yơ.

Both 18:2

Thoi noh, lu sư ưh kơ đei teh bơ̆jang sa, lăm lu 'nhŏng oh sư; Kră Yang boih tơmam lu sư, thoi nơ̆r Sư pơkă boih hăm lu sư.

Hêbrơ 5:4

Tơdrong pơm 'bok soi tih, tơ̆ng 'Bok Kei-Dei ưh kơ rơih iŏk, kon bơngai ưh kơ đei bu gơh pơm kơdih ôh; đơ̆ng 'Bok Kei-Dei rơih iŏk na kon bơngai gơh pơm. Thoi 'bok Arôn sơ̆ 'Bok Kei-Dei rơih iŏk 'mơ̆i na sư gơh pơm 'bok soi tih.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.

I Pet 5:2

Iĕm athei wei-lăng kơ lu bơngai mă 'Bok Kei-Dei pơjao kơ iĕm mă 'lơ̆ng, thoi tơ'ngla triu wei-lăng triu sư. Iĕm jang 'nĕ gô đe bơtho, gô đe khan, iĕm athei jang kơdih mă tơnăp kiơ̆ thoi 'Bok Kei-Dei lăp đon; 'nĕ kơ jang pơtrŏ wă kơ gơh sa jên đĕch ôh, athei tơgŭm lu sư mă tơpă.

I Pet 5:3

Mă-lei iĕm 'nĕ kơ pơgŏ pơđep lu sư, mă khan 'Bok Kei-Dei pơjao lu sư kơ iĕm. Iĕm athei pơm mă 'lơ̆ng dang pơm trong kơ lu sư wă kơ lu sư gơh kiơ̆ iĕm.

I Sam 2:28

Inh đei rơih iŏk 'bok sư bơih 'bok ih đơ̆ng lăm adrĕch bơngai Isơrael ăn kơ sư pơm 'bok soi Inh, tŏk tơ chơnang soi Inh, soh pơgang 'bâu phu, hrŭk ao Êphôt 'bơ̆t anăp Inh; Inh kư̆m ăn bơih kơ adrĕch ih dôm tơmam soi 'buh đơ̆ng adrĕch lu bơngai Isơrael.