Jo 18:5 - Sơ̆p Hlabơar Nơ̆r 'Bok Kei-Dei

⁵ lu iĕm athei wei-lăng tôm tơdrong lăm bơsŭn 'lơ̆ng rơgoh păng chơnang soi, wă kơ huay pă đei tơdrong Kră Yang hil kơ bơngai Isơrael.

Jo 18:5 Iomraidhean Croise

I Ho 23:24

Noh lu kon sâu Lêwi kiơ̆ kơ adrĕch 'bă lu sư đe đei chih anăn lu yŏng kơdră păng rim 'nu kiơ̆ kơ adrĕch 'bă lu sư, bơngai drŏ-nglo iŏk đơ̆ng 'bar-jĭt sơnăm tơ kơpal, bơ̆jang lăm hnam Kră Yang.

I Ho 23:32

Thoi noh bơngai Lêwi lu sư kư̆m hiơ̆k wei-lăng bơsŭn anih akŭm păng anih rơgoh, pơm kiơ̆ kơ kon sâu Arôn, 'nhŏng oh lu sư, wă bơ̆jang lăm hnam Kră Yang.

I Ho 24:5

Đe asong lu sư kiơ̆ kơ đe hlang lăng lei-lăi yua kơ lu sư đei bơngai wei-lăng lăm anih rơgoh păng lu sư bơngai bơ̆jang kơ Kră Yang 'Bok Kei-Dei lăm kon sâu Êlêasar păng kon sâu Ithamar.

I Ho 9:19

Sallum, kon drŏ-nglo Kôrê, sâu Êbiasap, sâu i Kôra păng lu 'nhŏng oh pôm yă 'bok lu sư lu kon pơlei bơngai Kôrê, wei-lăng bơ̆jang, gak 'măng hnam Anih akŭm; sơ̆ 'bok lu sư kư̆m wei gak 'măng bơsŭn anih akŭm Kră Yang.

I Ho 9:23

Lu sư păng kon sâu lu sư jang tơdrong wei-lăng gak 'măng jang hnam anih akŭm Kră Yang, wă khan lu bơngai gak anih akŭm.

I Ho 9:33

'Nâu lu bơngai hơri, lu yŏng kơdră lăm adrĕch bơngai Lêwi lu sư oei rim anih lăm anih akŭm, yua kơ lu sư bơ̆jang măng păng năr na pơdơh tơdrong jang nai.

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Je 23:15

Thoi noh Kră Yang Tih Hloh khan gah lu bơngai khan lê̆ adrol noh: “Inh gô ăn kơ lu sư sa 'long tăng păng nhă đak hơkăm, yua kơ đơ̆ng lu bơngai khan lê̆ adrol lăm pơlei Jêrusalem, tơdrong pơm yoch kơnê̆ dêh rai jơ̆p kơ dêh char.”

Êsêkiên 44:15

Mă-lei lu 'bok soi adrĕch Lêwi, kon sâu Sađŏk, noh lu bơngai mă wei-lăng lăm anih 'lơ̆ng rơgoh Inh, kơplah kon sâu Isơrael wơ̆l jrok weh ataih đơ̆ng Inh, lu sư boih gô dơ̆ng 'bơ̆t anăp Inh wă pơyơ̆r kơ Inh rơmă păng pham, Kră Yang khan.

Êsêkiên 44:16

Lu sư boih gô mơ̆t lăm anih 'lơ̆ng rơgoh Inh lu sư boih gô năm 'bơ̆t jê̆ chơnang soi wă bơ̆jang kơ Inh; awih awăn kơ Inh.

Lêwi 10:6

Đơ̆ng noh Môis khan kơ Arôn păng 'bar 'nu kon sư Êlêasar păng Ithamar: Iĕm 'nĕ kơ achăng sŏk ôh păng 'nĕ kơ hek ao lu iĕm kơdih, kơnh hli kơ lu iĕm lôch păng kơnh tơdrong hil mĭl Kră Yang gô truh kơ đĭ-đăng kon pơlei oei akŭm, mă-lei 'nhŏng oh lu iĕm, adrĕch Isơrael iĕm, athei nhơ̆m kơ lu bơngai mă Kră Yang soh chhông hăm ŭnh.

Lêwi 24:3

Arôn gô wei ŭnh kơđeng noh lăm hnam akŭm tơ 'nguaih kơ che pĕng hom tơdrong pơgơ̆p wă kơ ŭnh kơđeng noh oei khơ̆ng ling-lang đơ̆ng kơsơ̆ âu truh pơgê dơning 'bơ̆t anăp Kră Yang; noh jơ̆ khôi juăt pơkă ling-lang đĭ chăl kơ adrĕch adrung lu iĕm.

Sa 10:3

“Tơdrong blĕk Inh iung hil kơ lu bơngai wei, Inh gô phak lu bơbe tơno; yua kơ Kră Yang Tih Hloh gô năm lăng khŭl triu Sư, wă khan hnam Juđa; păng pơjing lu sư pran thoi aseh tơblah đe ang.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 16:46

na Môis khan kơ Arôn: Iŏk bĕ gĕl soh pơgang 'bâu phu ih, tơ̆k ŭnh iŏk đơ̆ng chơnang soi, dan pơgang 'bâu phu kơpal, mă tĕnh tĕnh năm tơ lu khŭl tơpôl oei akŭm to păng pơyơ̆r huai tơdrong yoch lu sư; yua kơ tơdrong Kră Yang hil mĭl boih păng tơdrong gleh wă truh.

Jo 18:4

Lu sư gô pơgơ̆r hơdai ih, bơ̆jang lăm Bơsŭn Anih Akŭm, đĭ-đăng tơdrong jang lăm Bơsŭn; lu bơngai tơmoi nai ưh kơ gơh năm jê̆ ôh,

Jo 4:18

Athei wei pơm liơ 'nĕ ăn kơ adrĕch Kôhat lôch đơ̆ng lăm adrĕch bơngai Lêwi,

Jo 8:19

Đơ̆ng lăm lu adrĕch bơngai Isơrael Inh rơih iŏk boih bơngai Lêwi pơjao ăn kơ Arôn păng lu kon drŏ-nglo sư, wă kơ bơ̆jang tơplih tơdrong jang Isơrael lăm Bơsŭn Anih Akŭm, kư̆m pơm soi sơmah wă huai tơdrong yoch ăn kơ lu adrĕch bơngai Isơrael, wă kơ lu sư mă năm jê̆ anih 'lơ̆ng rơgoh, huay kơ đei tơdrong kiơ truh.

Jo 8:2

Khan bĕ kơ Arôn; kơplah ih pơdơ̆ng ŭnh kơđeng, lei dan tơpơh tŏ ŭnh nhơk pơchrang hơdah tơ gah anăp kơ jơ̆ng ŭnh jrĕnh.

I Tim 1:18

Ơ dăm Timôthê, ih pơm dôm tơdrong inh athei ih âu hŏ. Ih pơm kư̆m thoi lu bơngai khan lê̆ hơdrol pơkă gah ih sơ̆. Ih 'blŏk kơ tơdrong sư pơkă 'noh wă kơ ih nuih kơ tơblah hăm yang kơnê̆,

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Tim 5:21

Kră Yang bơ̆n 'Bok Kei-Dei, Yŏng bơ̆n Yêsu Krist păng linh jang 'lơ̆ng Sư 'bôh bơ̆n ling-lang na ih athei kơchăng pơm kiơ̆ dôm tơdrong inh pơkă kơ ih 'noh. Inh wă kơ ih lăng đĭ-đăng bơngai lei-lăi đĕch, ih 'nĕ kơ lăng minh 'nu bơngai hloh kơ đe nai.

I Tim 6:20

Ơ Timôthê, ih athei wei dôm lu nơ̆r inh pơkă kơ ih âu hŏ păng ih 'nĕ ăn kơ đe tơplih nơ̆r pơma âu. Păng ih 'nĕ kơ năm mơ̆ng lu bơngai năm bơtho tơdrong 'Bok Kei-Dei mơ̆n mă ưh kơ trŏ yua kơ sư bơtho ưh kơ trŏ thoi bơ̆n ôh. Lu sư bơtho ưh kơ lei-lăi, sư bơtho kư̆ kă đĕch, mă-lei sư khan sư bơtho trŏ tơpă.