Jo 18:24 - Sơ̆p Hlabơar Nơ̆r 'Bok Kei-Dei

²⁴ Yua kơ Inh đei ăn boih kơ adrĕch Lêwi tơdrong jang sa, dôm lu tơmam đơ̆ng đe ra akŭm minh lăm mơjĭt đơ̆ng adrĕch bơngai Isơrael mă pơyơ̆r ăn kơ Kră Yang. Yua kơ thoi noh, Inh đei pơma boih gah lu sư thoi âu: Lu sư ưh kơ đei teh jang sa ôh lăm adrĕch bơngai Isơrael.

Jo 18:24 Iomraidhean Croise

Ne 10:38

'Bok soi kon sâu Arôn, gô năm hơdai bơngai Lêwi, lu sư iŏk ra minh lăm mơjĭt noh; đơ̆ng noh lu sư chĕp ba minh lăm mơjĭt noh truh tơ hnam akŭm 'Bok Kei-Dei lu nhôn, na tah lê̆ lăm hnam mong tơmam.

Ne 13:12

Bơngai Juđa chĕp ba minh lăm mơjĭt 'ba mi, sik hơmu 'nao păng đak rơmă ôliwơ tah lăm hnam mong tơmam.

Lêwi 27:30

Dôm tơmam minh lăm mơjĭt đơ̆ng chŭn mir, 'ba hơ'bo dah plei 'long noh tơmam Kră Yang ngăl tơmam 'lơ̆ng rơgoh pơyơ̆r kơ Kră Yang.

Jo 18:25

Kră Yang khan kơ Môis:

Jo 18:26

Ih athei khan ăn kơ bơngai Lêwi thoi âu: Tơdah layơ lu iĕm đei iŏk minh lăm mơjĭt mă Inh ăn đơ̆ng kon pơlei pơyơ̆r noh wă pơm mŭk tơmam iĕm, na iŏk bĕ minh lăm mơjĭt đơ̆ng tơmam noh na jing pơm tơmam pơyơ̆r soi ăn kơ Kră Yang.

Jo 26:62

Jô̆ đĭ-đăng lu kon drŏ-nglo iŏk đơ̆ng minh khei tơ kơpal, đei 'bar-jĭt pêng-rơbâu; adrĕch bơngai Lêwi đe ưh kơ đei jô̆ hơdai hăm adrĕch adrung Isơrael, yua kơ ưh kơ đei asong ôh teh jang sa hơdai lu kon pơlei Isơrael.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Both 26:12

Kư̆ rim pêng sơnăm jơ̆ sơnăm pơyơ̆r minh lăm mơjĭt lu iĕm 'măn lê̆ pha dôm tơmam iĕm roi, na athei asong ăn kơ bơngai Lêwi, kơ bơngai tơmoi, bơngai mơti păng ăn kơ yă adro, wă kơ lu sư đei tơmam sa phĭ mah.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.