Jo 18:23 - Sơ̆p Hlabơar Nơ̆r 'Bok Kei-Dei

²³ Mă-lei lu bơngai Lêwi boih bơ̆jang lăm Bơsŭn Anih Akŭm noh; dah đei pơm yoch, lu sư pŭ iŏk kơdih; lu sư ưh kơ đei teh jang sa ôh lăm adrĕch khŭl bơngai Isơrael; noh jing tơdrong juăt đei pơkă lăm đĭ chăl, jơhnơr lu sư truh ning-mônh.

Jo 18:23 Iomraidhean Croise

Le 27:21

Lăm tơdrong jang tơ 'nguaih kơ che pĕng găn 'bơ̆t anăp hom tah khôi juăt lăm Bơsŭn Anih Akŭm, 'bok Arôn hăm dôm lu kon drŏ-nglo sư gô wei hơmet ŭnh kơđeng, 'bơ̆t anăp Kră Yang wă kơ khơ̆ng ling-lang đơ̆ng măng truh 'năr hơdah, 'noh jing minh tơdrong juăt ling-lang ăn kơ adrĕch adrung Isơrael athei wei răk lăm đĭ-đăng jơhnơr.

Êsêkiên 44:10

Bĕ gah lu bơngai Lêwi hlôi năm ataih đơ̆ng Inh, achăng Inh kiơ̆ kơkuh kơ rup yang lu sư, kơplah lu kon pơlei Isơrael hlôi jrok trong weh ataih đơ̆ng Inh, lu sư gô pŭ tơdrong yoch kơdih.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Jo 18:20

Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 19:21

Noh boih jing tơdrong juăt pơm ling-lang lăm kon pơlei pơla. Bơngai bu mă tơtraih rơgoh đơ̆ng 'mê̆-'mach hăm đak bơngai noh sư athei pih hơbĕn ao tai sư; bơngai bu hơtŭt 'bơm kơ đak ôp sut 'mê̆-'mach bơngai noh jing 'mê̆-'mach truh kơsơ̆ măng.

Jo 26:62

Jô̆ đĭ-đăng lu kon drŏ-nglo iŏk đơ̆ng minh khei tơ kơpal, đei 'bar-jĭt pêng-rơbâu; adrĕch bơngai Lêwi đe ưh kơ đei jô̆ hơdai hăm adrĕch adrung Isơrael, yua kơ ưh kơ đei asong ôh teh jang sa hơdai lu kon pơlei Isơrael.

Jo 3:7

Lu bơngai Lêwi gô awih awăn kơ sư păng awih awăn bơ̆jang kơ lu kon pơlei akŭm hơdai lăm Bơsŭn Anih Akŭm, anih kơkuh kơ Kră Yang.

Jo 35:29

Mă khan lu iĕm oei tơ dêh char ayơ lu iĕm răk tơdrong juăt 'nâu na sek tơlang tơduă lu iĕm lăm rim jơhnơr lu iĕm.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.