Jo 18:21 - Sơ̆p Hlabơar Nơ̆r 'Bok Kei-Dei

²¹ Bĕ gah lu kon sâu Lêwi, Inh ăn kơ lu sư yua iŏk đơ̆ng tơmam lu adrĕch Isơrael pơyơ̆r minh lăm mơjĭt apah lu sư jang lăm Bơsŭn Anih Akŭm.

Jo 18:21 Iomraidhean Croise

Bl 14:20

Trŏ kơ bơnê kơkuh tơpă kơ Kră Yang 'Bok Kei-Dei tih hloh đei jao boih lu ayăt tơ lăm ti ih. Đơ̆ng noh Abram iŏk minh lăm mơjĭt đơ̆ng dôm tơmam mă sư iŏk đơ̆ng lu ayăt na pơyơ̆r ăn kơ pơtao noh.c”

Bl 47:24

Na truh tơ bơyan, kĕch yuă, kư̆ ăn kơ Pharaôn minh lăm pơđăm, gah oei pă puăn noh 'măn kơ lu iĕm pơm adrĕch, wă pơm tơmam sa kơdih akâu păng hnam dơnŏ kon akăn.

Bl 47:26

Gah tơdrong noh, Jôsep pơkă minh tơdrong juăt, truh tơ dang ei oei đei, athei thuê̆ teh ăn kơ Pharaôn minh lăm pơđăm chăl mă bơ̆n đei. Lăp dôm lu chŭn mir lu 'bok soi đĕch huay kơ jô̆ tơmam Pharaôn.

II Ho 31:12

Đei jơhngơ̆m tơpăt ba pơyơ̆r lu tơmam noh, gah tơmam minh lăm mơjĭt păng tơmam rơgoh tah tơmơ̆t. Kônania bơngai wei-lăng tơm hnam anih tah tơmam noh; oh sư Simei pơm kơiĕng sư, bre sư bơngai Lêwi.

Ne 10:29

Pơgơ̆p hơdai hăm 'nhŏng oh lu sư păng lu bơngai mơdrŏng, na hiap akâu kơdih pơkă yak kiơ̆ khôi juăt đơ̆ng Kră Yang 'Bok Kei-Dei yua 'bok Môis, đĭch đam sư ăn boih păng wă kơ wei răk pơm kiơ̆ dôm tơdrong tơtă đơ̆ng Kră Yang bơ̆n, tơjur lăm khôi juăt Sư.

Ne 10:37

Lu nhôn pơkă chĕp ba tơpŭng 'ba hle lu nhôn, dôm lu tơmam plei 'long, sik hơmu 'nao păng đak rơmă ôliwơ, na pơjao ăn kơ 'bok soi tah lăm hnam mong hnam akŭm 'Bok Kei-Dei lu nhôn; gah minh lăm mơjĭt lu nhôn chĕp ba ăn kơ bơngai Lêwi; yua kơ lu bơngai Lêwi boih gơh iŏk tơmam noh đơ̆ng kon pơlei pơla lăm đĭ pơlei iĕ lu nhôn.

Ne 10:38

'Bok soi kon sâu Arôn, gô năm hơdai bơngai Lêwi, lu sư iŏk ra minh lăm mơjĭt noh; đơ̆ng noh lu sư chĕp ba minh lăm mơjĭt noh truh tơ hnam akŭm 'Bok Kei-Dei lu nhôn, na tah lê̆ lăm hnam mong tơmam.

Ne 12:44

Lăm năr noh, đe rơih chă bơngai wei-lăng lu hnam mong tơmam pơyơ̆r plei blŭng-a lăm bơyan iŏk minh lăm mơjĭt, wă tah mong lăm noh, đei pơkă boih kiơ̆ kơ lu 'bok soi păng bơngai Lêwi, kư̆m đei pơkă kiơ̆ kơ đei chŭn mir tăp dăr kơ pơlei; yua kơ lu bơngai Juđa hiôk chơt yua kơ lu 'bok soi păng bơngai Lêwi oei bơ̆jang awih awăn.

Ne 12:47

Lăm chăl Serubabel păng Nêhêmi, lu bơngai Isơrael athei asong ăn tơmam sa kơ lu bơngai hơri păng lu bơngai gak 'măng jang, kiơ̆ kơ lu sư yua rim năr; akŭm klah asong 'măn phe 'ba kơ lu bơngai Lêwi păng lu bơngai Lêwi klah asong ăn dơ̆ng phe 'ba kơ lu kon sâu 'bok Arôn.

Ne 13:12

Bơngai Juđa chĕp ba minh lăm mơjĭt 'ba mi, sik hơmu 'nao păng đak rơmă ôliwơ tah lăm hnam mong tơmam.

Ne 13:5

Păng hơmet boih kơ Tôbia, đei minh anih să, tơ anih đêl sư yua tah tơmam pơyơ̆r phe 'ba păng tơmam 'bâu phu, lu pơnhan kơchŏk, ra minh lăm mơjĭt gah lu 'ba mi, sik hơmu 'nao păng đak rơmă ôliwơ, wă khan tơmam đe ăn tơgŭm kơ lu bơngai Lêwi, lu bơngai hơri păng lu bơngai gak 'măng jang; hăm tơmam pơyơ̆r kơ 'bok soi.

Malachi 2:4

Lu iĕm băt boih nơ̆r Inh âu khan kơ lu iĕm, wă kơ tơdrong pơgơ̆p Inh hăm Lêwi.” Kră Yang Tih Hloh khan thoi noh.

Malachi 3:10

Lu iĕm athei pơyơ̆r iŏk minh lăm mơjĭt tah tơ lăm pơk Inh, wă kơ đei tơmam sa lăm hnam Inh; păng đơ̆ng năr âu lu iĕm athei pơlong lăng Inh, Kră Yang Tih Hloh khan, lăng Inh hăm pơih lu 'măng-'mŏk tơ kơpal plĕnh ti tuh ăn tơdrong pŭn hiôk kơ lu iĕm dĭng truh anih mong pă đei!

Jo 18:6

'Nâu Inh đei iŏk boih lu 'nhŏng oh ih, adrĕch bơngai Lêwi đơ̆ng lăm khŭl bơngai Isơrael, yua kơ đei pơyơ̆r kơ Kră Yang boih, wă bơ̆jang lăm Bơsŭn Anih Akŭm.

Jo 3:6

Ăn bĕ kơ kon drŏ-nglo Lêwi năm jê̆, 'bơ̆t anăp Arôn 'bok soi tơm, wă kơ lu adrĕch Lêwi awih awăn tơgŭm sư.

Jo 31:28

Gah tơmam kơ lu linh năm tơblah, mă bơngai, dah rơmo, aseh iĕ dah triu, ih athei iŏk minh lăm pơđăm-hrĕng na akŭm pơyơ̆r ăn kơ Kră Yang;

Galati 6:6

Gah lu 'bok thây mă bơtho tơdrong 'Bok Kei-Dei kơ lu bơ̆n, bơ̆n athei tơgŭm asong sư tơmam bơ̆n.

Both 18:8

Bơngai noh kư̆m oei đei asong tơmam sa lei-lăi lăm lu 'nhŏng oh sư, mă khan sư đei boih jên đơ̆ng tĕch tơmam hnam dơnŏ sư.

Hêbrơ 7:5

Lu kon sâu 'bok Lêwi mă pơm 'bok soi kư̆m gơh iŏk tơmam pơyơ̆r minh lơ̆m mơjĭt đơ̆ng lu kon pơlei pơla 'nhŏng oh lu sư, yua kơ tơdrong juăt 'Bok Kei-Dei pơkă thoi noh păng lu sư kư̆m kon sâu Abraham tăm.