Jo 18:20 - Sơ̆p Hlabơar Nơ̆r 'Bok Kei-Dei

²⁰ Kră Yang khan kơ Arôn: Lăm char bơngai Isơrael ih ưh kơ đei ôh teh jang sa păng ưh kơ đei asong ih tơmam kiơ ôh đơ̆ng adrĕch noh; Inh boih jing mŭk tơmam ih đơ̆ng lăm adrĕch Isơrael.

Jo 18:20 Iomraidhean Croise

Bl 15:1

Đơ̆ng rŏng kơ tơdrong noh, đei nơ̆r Kră Yang khan dơ̆ng kơ Abram lăm tơdrong tơ'bôh thoi âu: “Ơ Abram ih 'nĕ kơ hli; Inh âu jơ̆ khêl pĕng ih; ih gô đei tơmam apah tih tơpă.”

Horiso 142:5

Ơ Kră Yang, inh krao apinh Ih, Inh khan: “Ih boih anih inh kơ'nơp. Sư boih mă mŭk tơmam inh lăm teh lu bơngai arih.”

Horiso 16:5

Kră Yang jơ̆ mŭk inh yua păng kơchŏkb inh nhă: Ih boih wei-lăng chăl arih inh.

Horiso 73:26

Sĕch akar păng jơhngơ̆m inh gô răm; Mă-lei Kră Yang 'Bok Kei-Dei ăn jơhngơ̆m inh pran kơtang păng tơmam inh yua gĭt ling-lang.

Nhom 3:24

Bơhngol inh khan: Kră Yang jơ̆ tơdrong jang sa inh, Na jơhngơ̆m inh gơnang kơ Sư.

Êsêkiên 44:28

'Nâu pă đei lu mŭk tơmam 'măn lê̆ kơ lu 'bok soi. Lu iĕm ưh pă klah asong mŭk tơmam kơ lu sư đơ̆ng lăm Isơrael; Inh boih jing mŭk tơmam lu sư.

Jo 18:7

Ih păng lu kon drŏ-nglo ih athei jang mă pơ'lơ̆ng tơdrong jang 'bok soi, wei-lăng dôm tơdrong gah chơnang soi păng tơmam kiơ tơ lăm che pĕng; lu iĕm jang tơdrong jang iĕm tơ lăm noh. Tơdrong jang 'bok soi noh minh tơdrong jang inh pôk ăn jing thoi minh tơdrong pơchĕp ăn; bơngai bu năm jê̆ tơ noh gô pơlôch.

Jo 26:62

Jô̆ đĭ-đăng lu kon drŏ-nglo iŏk đơ̆ng minh khei tơ kơpal, đei 'bar-jĭt pêng-rơbâu; adrĕch bơngai Lêwi đe ưh kơ đei jô̆ hơdai hăm adrĕch adrung Isơrael, yua kơ ưh kơ đei asong ôh teh jang sa hơdai lu kon pơlei Isơrael.

Both 10:9

Thoi noh lu bơngai Lêwi ưh kơ đei teh jang sa hơdai hăm lu 'nhŏng oh lu sư, Kră Yang boih jơ̆ tơmam lu sư, kiơ̆ thoi Kră Yang đei khan boih hăm lu sư.

Both 12:12

Tơ noh lu iĕm, kon drŏ-nglo, kon drŏ-kăn, đĭch drŏ-nglo păng đĭch drŏ-kăn lu iĕm lu bơngai Lêwi mă oei lăm pơlei hơdai lu iĕm, lu bơngai mă ưh kơ đei iŏk tơmam dah teh jang sa kơdih gô chơt hiôk 'bơ̆t anăp Kră Yang 'Bok Kei-Dei iĕm.

Both 14:27

'Nĕ kơ hiơt achăng lê̆ lu bơngai Lêwi mă oei hơdai lăm pơlei iĕm, yua kơ lu sư ưh kơ đei teh jang sa lăm lu iĕm.

Both 14:29

Lu bơngai Lêwi, yua kơ lu ưh kơ đei mŭk tơmam teh jang sa tơ lăm lu iĕm ôh păng lu bơngai tơmoi, lu bơngai mơti păng lu bơngai yă adro mă oei hơdai lăm pơlei iĕm, kư̆m gô năm sa phĭ mah; thoi ei Kră Yang 'Bok Kei-Dei iĕm ăn pŭn kơ dôm tơdrong jang đơ̆ng tơpang ti iĕm kơdih pơm.

Jôsuê 13:14

Mă-lei Môis ưh kơ đei asong ăn teh jang sa kơ lu adrĕch adrung bơngai Lêwi ôh: Yua kơ lu tơmam soi 'buh hăm ŭnh pơyơ̆r ăn kơ Kră Yang 'Bok Kei-Dei Isơrael, noh jing tơdrong jang sa lu sư, đơ̆ng Kră Yang pơkă khan kơ lu sư.

Jôsuê 13:33

Mă-lei Môis ưh kơ đei asong ăn teh jang kơ lu adrĕch Lêwi, yua kơ Kră Yang 'Bok Kei-Dei Isơrael boih jing teh lu sư jang sa kiơ̆ thoi Kră Yang đei pơkă hăm lu sư.

Jôsuê 14:3

Yua kơ Môis đei asong ăn boih teh jang sa kơ 'bar adrĕch, minh puăt tơ hơlĕch gah kơ đak Krong Jôrđăn, mă-lei sư ưh kơ đei klah asong ăn ôh teh jang sa kơ adrĕch bơngai Lêwi.

Jôsuê 18:7

Mă-lei bơngai Lêwi ưh kơ đei asong ôh teh wă jang sa dơ̆ng lăm lu iĕm, yua kơ lu sư jing 'bok soi jang kơ Kră Yang noh jing tơdrong jang sa lu sư. Lu adrĕch Gat, Rubên păng minh puăt adrĕch Manase đei iŏk boih teh jang sa đơ̆ng Môis, đĭch đam Kră Yang, đei asong ăn kơ lu sư gah hơlĕch đak Krong Jôrđăn.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.